أضف سؤال أو موضوع جديد          

بعت سيارتي اليوم حقت العزوبيه وبتأهل وابي سياره مناسبه تفضلو

up 33 down 23
قودزيلا -63
قبل 4 سنه و 3 شهر



السلام عليكم ورحمة الله وبركاته

كيف حالكم شخباركم

اناكان معاي كرايزلر اس ار تي بعته اليوم عشان ودعت العزوبيه لاني خطبت وحطيته على الفلوس الي عندي جمعتها 5سنين ريال ريال ومنها الى هنا ماخليت شي ماشتغلت فيه معارض بطايق سواء اشتغلت في الحلال في السكراب في السمسره اخذت لفه كامله على جميع الاعمال
والحين توظفت وطلعت قرض صغير 70الف على الي معي على قيمة السياره والحمدلله صار معي 250الف
وابي اتزوووووووووج ومحتار كم اصرف واش اخذ سياره وبنفس الوقت ابغا تكون معاي سيوله اقل شي 50الف
مصاريف وفرش بيت وقومة الزواحج عاد اعزمكم تجوني ها ؟ افزعو لخويكم^_^
اجارة الشقق على كم والفرش كم ياكل ابي خبره من المتزوجين وش النصايح وابغالي جيب يكون لايق حجمه احسن من بدري الواحد ياخذ حق عائله مع اني نفسي في السييرا بطق عليه عسى الله يرزقكم ويرزقنا ودعواتي لكم بالتوفيق كلكم الي حط لايك والي حط ديس لايك من قلبي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عفوا كرايزلر ..


up 0 down 2
قودزيلا -63
قبل 4 سنه و 3 شهر



انا ممكن افهم ليه الدسلايكات ؟ اللللف مبروك الله يوفقك اشوف الكثيرين استقرت اراءهم على اليوكن او المازدا 9 او السانتافي وبالنسبة للشقة اول سنة خليك على ابو غرفتين والعفش مقسط ان كان في بالك تجارة والعفش خد العملي اللي يدوم لسنوات وترا دواليب ايكيا في منها اسعار قريبة من الوطني واجود بكثيير شكلا وخامة وغرف النوم اسعارها متفاوتة الجيدة فوق 6000 السجاد خد تركي والموكيت ابعد عن الوطني او اللي اسفله يجيك قاسي كنه مغرى بغرا خشب لانه ينام بعد فترة خد اللي اسفله لين اما المكيفات شباك خلك في الكوري الراوتري واسبلت عندك فوجي او غري او ميديا الافران ايطالية وخلي الاكسسوارات اخر شي والستاير عند الاسواق الكبيرة ارخص من المحلي التلفزيون ال جي وحاول تركب فلتر ماء اوفر لك من شيل القوارير وهذا اللي قدرت اجمعلك اياه من المعلومات البسيطة والف مبروك مررة تانية


up 1 down 0
آركر 1
قبل 3 سنه و 5 شهر