أبسالكم عن صوفة المكينة .. الله يجزاكم خير

ايه انصحك تغيرها

وترى شغل اليد حوالي 300 

وسهله الشغله ومايفكون المكينه 

يفصلون القير كامل عن المكينه ويغيرونها

يعني مايلعبون لك في القير او حتى المكينه لا تخاف

ومادامك بتشتغلها في الوكاله لا تخاف

بس اذا سعرهم غالي انصحك تصلحها برى في ورشه محترمه

الوكالة قالوا لي ب 1000 ريال شغل اليد 

و فيه ورشة حول السعر .. 

انا مخوفني انها فيها فك للقير والمكينة ف ما ادري متوهق والله 

اذا التهريب بسيط اتركها
و بالغالب الصوفه تهريبها بسيط ما تستاهل الوقت و المبلغ اللي بتدفعه

يارجال نصابين وحراميه الوكاله

ويش يحدنا على الورش الا نصب هالوكاله

انا مسويها ب300 + تغيير السيور 

والحمد لله ارتحت من التهريب

الشغله سهله صدقني مامنها خوف 

أطلع الصباحيه بدري ومر الصناعيه وبتحصل أسعارها من 300 وحولها

لازم تغييرها ولاتخاف ما يصير شيء
لانها تهرب زيت ويزيد تهريبها أحيانا مع الدعس

اخوي غيرها وافتح الكتالوج السياره وشف بالضبط كم تاخذ المكينه زيت مثلاً تاخذ ٦،٢٠٠ ملي حطه بالضبط والنقص البسيط مايضر
الي ضرها زياده الزيت 
غيرها واعمل الي قلتلك علشان ماتواجه مشاكل

وعليكم السلام غيرها  كلامهم صح  يفكون المكينه ويطلعونها ويركبون الصوفة 

وعليكم السلام ورحمة الله وبركاته هلا اخوي الصوفه الي بين القيروالمكينه بسيطه يفكون القير مايفكون المكينه وتغيرها سهل اذا دفع امامي فكها يكون اغلى من الدفع الخلفى وسبب تهريب الصوفه يكون غالبن من زيادة الزيت عن الحد الطبيعي هذا والله اعلم والشباب ماقصرو برايهم

علما سيارتي كورولا 2011 .. 
ف ما ادري احس 1000 مبالغ فيها 

انا غيرتها في جيب لاندكروزر شغل يد بـ 500 ريال طبعاً سيارة الدفع الرباعي شغلها بيكون اغلى من الدفع الخلفي والأمامي ، غيرها ما منها خوف ، والله أعلم . 

حقها 300 ريال وزا كاسرتو 250 ريال كويس بس الشغلة تطول انا سلمته السيارة 8 ص واخذتها منو 7 المغرب

صوفة القير تغييرها مكلف يمكن حول الالف
الاخوان يمكن يقصدون صوفة المكينة الجانبية اللي تغييرها رخيص

نصيحة اخوية صلحها برا الوكالة ومثل ماذكروا الاخوان الشغلة بسيطة ومامنها خوف وشيك على الدسك والكلش والفحمة اذا وضعهم مب بلحيل اطلب المكنيكي يغيرهم بنفس الوقت + غير صوف العكوس


حسبة مبسطة

تنزيل القير 300

صوفه مكينه سعرها حدود 50 ريال


صوف عكوس الحدة 30


دزق كلش فحمة حدود 350



المجموع حدود 800 ريال وكذا انت وفرت 200 ريال




الكلام طبعا اذا سيارتك قير عادي

طبعا تركيب الدزق والكلش والفحمة مايخذ شي عليه لنه فاك القير فاكة وصوف العكوس اذا وضعهم مب بلحيل قله يغيرهم ومراح ياخذ شي لنه فاك فاك وبتوفيق ياخوي

ياشباب رحت للوكالة وقالوا لي 1350 ويفكون القير والمكينة 

ورحت لورشة ب 800 لكن مايفكون المكينة .. بس القير 

شباب عندي كرسيدا 92 تماتيك 4 سرندل فيها تهريب يقول من الصوفه اللي بين المكينه والجربكس ولا ادري هي تكلف وهل تصليحها نفس اللي قير عايدي ولا تختلف

سلام عليكم كيف حلكم حبيت استفسر منكم عن صوفه 
كانت توجد عندي مشكله في تهريب المكينه المهم ذهبت الي 
الصناعيه كذا ورشه وقلو نفس الكلم صوفه خراجيه وصوفة عكوس المهم صلته بمبلغ 500ريال وفجاه اكتشف  اعند تجربت السياره انه لا تعشق الرابع  وسياره نوعه كورلا 2010 وتمتك المهم ذهبت نفس المهندس يقلي جربه يومين وترجع  مثل اول مع العلم ان السياره كانت مثل العسل لاتشكو من شي غير  تهريب زيت مكينه  ومدري  هل الخلل في المهندس ام برمجه  ورجو افدتي

القيروالمكينه اي مشاكل صلح في الوكاله مهما كان السعر الورش تخسروبعد فتره بسيط تفاجا بنفس المشكله وترجع تفك وتصلح من جديد