دخول الامن العام

لو فصلت من الحرس ماتقدر تسجل في العسكريه
لان من شروط العسكريه ان ماتكون فصلت من اي قطاع عسكري

استخير ربك في النهايه كلها عسكريه

متأكد يالعسيري 

الامن العام اشوفه اريح من العسكرية 
انا رائد بالمرور درست انقليزي بكلوريس ودخلت دورة وتعينت بالمرور 
الامن العام مريح جدا 

وسؤالي انت شهادك ثانوية ولا جامعية 

 أن لا يكون موظفا في أي جهة حكومية مدنية أو عسكرية أو سبق له ذلك وان لا يكون متزوج من غير سعودية.

هذا هو الشرط ومتاكد منه
الله يوفقك

وش تجرب هنا وتجرب هنا الله يهديك
عموما لو دخلت قطاع عسكري وفصلت بعد ماعدلت المهنة الى عسكري ماتقدر تتوضف في قطاع عسكري آخر
أما لو فصلت قبل مايتم تعديل المهنة الى عسكري عادي تقدر تتوضف في قطاع عسكري آخر

ابو خالد القصيم
الأمن العام حلوة لكن من ناحية راحة أبدا ماهي مريحة معروفين الأمن العام حمار مكدة بإستثناء الإداريين
أول كان الأمن العام أعلى رواتب الحين الأمن العام والقوات المسلحة والحرس الوطني رواتبهم متقاربة ماعاد فيه ذاك الفرق

هلا ابوخالد شهادتي كلية التقنية

حتى لوعندي واسطة لواء في الحرس الوطني

بس تقاعد السنة هذي 

صراحه ضحكتني وذكرتني ثم بكيتني
انا لي سنتين استنى رقمي بالحرس وللحين بعيد
رغم ان نسبتي حلوه فما بالك باﻻمن العام المرغوب
لكن ان شاءالله حظك احسن من حظي
عسى الله يرزقك من اوسع ابوابه ومستحيل تفصل
من قطاع وتدخل قطاع ثاني اﻻ بنقل وواسطه فقط .

والله من شفت موضوعك وان اعرف انك منت حق عسكريه 

اجل محتار و تبي تجرب الامن العام ثم تجرب الحرس 

ليش الدعوه سيارة تبي تجربها 

اذا حدتك ظروفك ودخلت العسكريه تجود فيها بسنونك الين الله يرزقك بوظفيه ازين منها 

وترى الامن العام اطلق من الحرس بالف مره 

قطاعات كثيره و مجالات متنوعه عكس حريسان 

وترى لو جربت الميدان يوم واحد وهربت , ما عاد تبي ترجع لو عطوك رتبة عميد 

الدوووووورة نفسيييييييييييييييه 

اذا الله كتب لك ورغبت العسكريه بشرط يكون تعينك قريب وتضمن الشئ ذا رووح للحرس الوطني دام لك معرفه فيه وبيعطونك وكيل رقيب  بالتقنيه اقل حاجه  تكون افتكيت من الرتب اللي قبلها لاكن الامن العام سمعت بطلوا ياخذون الجامعين يعني جندي تتعين وماتدري وين تعينك وسالفة الفصل شيلها من مخك الا اذا حصلت وظيفه أفضل منها ورواتب العسكريه الان على ماسمع طيبه جارنا وكيل رقيب بالحرس خدمته 19 سنه يستلم حول 11 الف يعني بالنسبه لك اختصرت هالمده في نظري حلوه والله يوفقك 

يا بوي احمد ربك اذا قبلك اي واحد فيكم

الناس اللي تبي العسكرية بالواسطه وبالقوة ينقبلون ونت تبي تجرب حلاو بقر هو 

بالنسبة لي انا وولد عمي قدمنا على الدورة العسكرية جميع عمي دخل على وزير الداخلية وقال دخلوهم ودخلنا هههههههههههههههههه

يبن الحلال انا اول انزل الميدان طقطقة وضحتس اسولف مع الخلق واخلص دوامي وامشي .. اخالف كثارين تضليل وسرعة والي يعدل بس والباقي لا اسولف معهم وانا ببريدة معطينن اجازة :)

وش الرتبة اللي بيعطونك يا وطن ؟



استخر قبل كل شيء، والأمن العام أكيد أفضل، لكن تأكد من الترقيات هل هي مثل الحرس أو أسـوأ