السيارة طفت فجأه

اتوقع المشكلة من الكهرب او من طرمبة البنزين ودها كهربائي محترف واذا كنت 
من المدينة شوف كهربائي الفرات بمحطة العواجي عند سوق البدر 2 قمة الاحتراف ما شاء الله

لا والله وناخووط ماني بالمدينه .. انا من الرياض

اخاف احد يلعب علي .. والله اني غشيم في هالاشياء

بيض الله وجهك

اضافة لكلام ابونواف تاكد من الفيوزات احتمال يكون فيوز  

في احتمال حساس الهواء اللي بقربة الفلتر مدخل الهواء

طيب اذا دقيت سلف المكينه تشتغل والا مايدق سلف ابد

بيض الله وجيهكم ياشباب على الردود ماقصرتم

اخوي مشعل ايه المكينه تشتغل يالغالي

قد يكون السبب كهربائي وشيك على حساس الكرنك او طرمبة البنزيم او الكمبيوتر مفصول او الفيوز 

المهم شيك عليها كلها 

اذا كنت مغير فلتر البنزين تأكد من الاسلاك الواصله للطرمبه ان مافيها التماس ، لانها قد حصلت لي تطفي بسبب الالتماس لان الدلخ اللي غير لي الفلتر جاب العيد 

الله يعطيكم العافية

- شباب وديتها سطحه لمحل كهربائي وكشف عليهاا ويقول فيها التماس .. ووصل للظفيره وخرب طرمبة البنزين ووصل للكمبيوتر وتكلفة الاصلاح كلهاا 1500 .. هل فعلا كلامه صحيح + المبلغ حقها او يلعب علي

لاني ماقدر الحين امر اكثر من ورشة عشان لان السيارة طافيه

شوف ايش الحالات الي مرت فيها السيارة خلال الأسبوع الأخير  وبعدها نقدر نقرب من مصدر العطل مثلا هل غيرت بواجي أو نظفت بخاخ أو قطعت السياره معاك بنزين أو أي إجراء سويته بالسيارة لاتتجاهل أحيانا اتفه الأسباب تغير السياره تغير كامل 

لا والله يالغالي ماسويت شي لا بواجي ولا نظفت بخاخ

عصرت مخي قلت يمكن صار شي ولا شي مالقيت

تسلم حبيبي

تذكرت شي ..

الموتر له اسبوع ولمبة الفرامل معلقه اللي يشوفني يقول ضارب فرامل وبالاساس لا فرامل ولا شي
عشان اطفيهاا ارفع الفرامل برجلي واذا اخذت مطب ولا عيون القطط تولع

تتوقعون منهاا

وشكرا

اخوي فك خرطوش الهواء وصب بوسط البخاخات بنزين شوي ملى فنجال ودق سلف اذا اشتغلت شوي وطفت فالمشكله من طرمبة البنزين ياتكون خربانه او فيوز منقطع او مشكوبية الطرمبه فيها شيك عليها 

او ادخل تحت الموتر وخل واحد يشغل سويك السيارة لين تطلع لمبات العداد لاتشغل السيارة وانت تسمع لتانكي البنزين اذا تسمع صوت طرمبه البنزين دزززززز اولا