ابي اكد بين الخرج والرياض

طيب التفتيش ما اخذت احتياطه
لاتنسى سياره راكبين فيها مجموعه لازم يوقفونهم ويشيكون عليهم هذا لو ما اخذت مخالفة

الكد يهلك النفس والبدن شف لك تجارة بسيطه تنفعك 

انا بالخرج واعرف طريق  المواقف طبعن مواقف مسجد الملك عبدالعزيز ومواقف الرياض البطحاء 

1_ لبس المراتب علشان الركاب  2_ انتبه من ساهر ملغم الخط يعني لاتسرع 3_ ياخذون 15 ريال اول 10 ريال الحين ياخذون 15 انا كنت اكد وقت الاجازه  وطلعت خلال اسبوعين 2000 ريال لوني حريص كانت جبت اكثر من الصبح الين العصر وريح وكمل اخر الليل يجونك الهنود جمعه ماجزين والله يعينك  على زحمه البطحاء 

طبعن كلام هذا زمان قبل 5 سنوات  السياره كامري 2003  بنسبه لتفتيش اذا كنت تاكسي انفو مصرح لك مايقلون لك شي 

بس اذا سياره مدنيه يوقفونك  على حسب العسكري بعض الاحيان تفتيش نايم بعد الحمله يتشددون جمعه ماعندك احد الصبح واذا فيه شي طلع لك العسكري لكن اذا شاف معك ركاب وقفك وكل للركاب يطلعون بطاقات واثبتاتهم علشان تتاكد منهم وانتبه من كدادين يعني اذا جاء زبون اخطفه منهم ترا متعاونين ويعرفون بعض وفيهم حسد 

مسكوني زمان لاني كنت شايل واحد عليه بلاغ ومسكوه ومسكوني معه
ومافكوني الابعد ماخلوني احرم اركب معي احد ما اعرفه من بعدها لعنت كرهت الكداده الا اذا معاك تكسي