مشكله في القير

علما أني انا محافظ ع الموتر ب الحيل وماشي ع الزيت. تقريبا ١٢٠٠٠ فقط 
وده لا اكثر من ورشه يقولون الله يعوض ع القير. خبط. 
وحصلت واحد مستورد من اليابان. وش رأيكم.   ي شباب. 

غير زيت و فلتر عند بترومين اول شي

و تاكد من انه مستوى الزيت صحيح

طبعا زيت القير

اسمع الكلام المزبوط لاتخسر نفسك ولاتغير زيت 
اسحب المعيار وشم اذا فيه ريحة احتراق كلتشات  الله يعوض عليك دور لك واحد نظيف وراح يكلفك اقل شي ٦ الاف وتوصل الى ٩ الاف 
اذا مافي ريحه وعندك لمبة المكينه ولعت روح اكشف كمبيوتر 

إذا ما عاد يمشى الآن الا في الريوس فقط والنمرة d فالقير احتمال كبير خبط ...

لكن افحص أضمن خاصة أن خريطة القير تسوي مثل كذا لكنها تعلق بالثاني ولاتتعداه في البديلات

ع العموم كثير كوامري يغيرون قير ومكينة ومشكلة منتشرة واكيد بتكون حلولها واجد والقطع منتشرة أكثر من لو كانت مشكلة نادرة في سيارة واحدة


بالنسبة للقير الياباني أخاف أنه قير سعودي مستهلك ومكروف ومركبه على قصات يابانية عشان يوهم الزبون أنه ياباني أو امريكي نظيف

تأكد قبل

في الامارات أسعارها بلاش قيور الكامري !!
إذا لك أحد. خله يجيب ارخص لك واضمن ...

لا انتبه تغير زيت القير من بترومين زي مقالك الي فوق انتبه انا احذرك   زيت كامري 2007 وفوق لها زيت مخصص وتحصله بوكاله زيت تويوتا الاصلي العلبه الفضيه  

 تاكد من كرسي القير 

وبعدين ماعد تحرك القير تواني انتبه للكلامك  اهم شي لا تستعجل في ان القير يحتاج توضيب   تاكد ممكن حساس او شي ثاني 

اخوي سكودر لو المشكلة بكرسي القير كانت السيارة تفضل تمشي بال D



اول شي تعمله لمن تبدا مشاكل القير هي تغير الزيت و الفلتر

انا نصحته ببترومين لانهم افضل من غيرهم

ابسط شي يسوونه انهم يعايرون الزيت صح

انا كان عندي مشكلة أحط القير في الدي تقوم السيارة في الرابع وصار القير كله تعشيقتين مع الريوس يعني صار L،2،3،4 هذي كلها تعشق الثالث يعني والدي يعشق رابع والريوس شغال تمام ورحت يمكن 10 والا 15 ورشة كلهم قالوا توظيب واللي قال بوي بلف واتنصب علي من ابو .... في 500 ريال فصل البطارية ورجعها قال تما واخذتها ورجعت المشكلة ورحت له ماعنده سالفة في الاخير رحت محل الكترونيات عند باكستاني وزبط لي الكمبيوتر ورجع القير تمام وما اشتكيت منه لمدة سنتين الحمد لله

يعني لاتصدق ان كل شي = توظيب

يمكن مشكلة في الكمبيوتر

كشفت اليوم لكن مافايده وديته اكثر من محل وقالو قير والبعض من المكنكين سعودي خبرتهم اكثر ١٠سنوات 
لقيت مستورد قيمه بالقوه ٧٠٠٠

انا اقصد مشكلة في كمبيوتر السيارة مو فحص الكمبيوتر لان الفحص كان يطلع المشكلة في حساس كنترول سيلونيد

اخوي لا تستعجل ممكن المشكلة من البودي فلف و ما تحتاج توضيب او تبديل بس الله يوصلك بمكانيكي ابن حلال و فاهم




اذا الزيت عندك ما فيه ريحة حرق او برادة فعندك و احد من ثلاث احتمالات

فلتر القير متسخ و متسكر

بودي فلف متسخ
طرمبة الزيت ضعيفة