أضف سؤال أو موضوع جديد          

بعض النصائح يا اخواني حبيت انقلها لكم من تجربه شراء وبيع الس

up 9 down 6
امير الاصيل 1672
قبل 3 سنه و 10 شهر



السلام عليكم ورحمة الله وبركاته
اخواني الاعزاء  

حبيت انقل لكم بعض النصائح التي حصلت لي شخصيا في مجال بيع السيارات وشرائها وايضا لأصدقائي

1) انا بعت موتر لشخص بموقع حراج بقيمه طيبه  ويبع عني 90 ك
المهم قالي ان مريت مع الطريق اتصل علي لكي الشوفه
وقلت لأخي خذ الموتر معك يشوفه 
 
بعد يومين اتصل بي لكي احضر الموتر له وقالي نزل من القيمه رفضت قالي اجل احضر لي الموتر لانه يعرف معرض ويبي ينزل له بالنقل 
وتوكلت ع الله وذهبت إليه يبعد عني  تقريبا100 ك 
عندما وصلت وحسب تكلفة النقل والتجديد والتامين و  قام يمغط عيونه قالي نزلي قلت انت خابر اتفاقنا وانا مبين لك  كل شي وايضا وقفت الموتر لك قدام باب بيتك 
المهم  نزلت تقريبا300 ريال 
((   يعيني انصحكم بالبيع  بعضهم يسوي حركه ذكيه خبيثه يسوي ان الموتر غالي وو والنقل والتكلفه علشان تنزل انت تمسك بسعرك وطبعا راح يشتري موترك إلا اذا تبي تزل  من خاطرك))

2)  بعت موتر لشخص بالساحه بالمعراارض في بريده وطلبني انه ياخذ الموتر معه وهو يعرف راعي المعرض والمشكله انه ساكن في بريده بجنب المعاررض  ، قلت خلاص دخلنا المعرض وكمل الاجراءات المعرض قالي تعال وقع استلام الفلوس  وسألني راعي المعرض انت استلمت ويطلع اللي شرى الموتر قالي ايه استلم  استلم  ووووقع   و وقعت 
وقالي  مشينا للبيت ناخذ فنجال وتستلم فلوسك  ،  وذهبت معه والرجال  ماقصر تقهويت واعطاني فلوسي كاش 
  المهم  قلت بقلبي ابعدهن  وعديتهن وطلع النقص تقريبا 300 ريال طبعا  ماشكك بذمته لانه لم يعلم وكلمهن لي

((( انصحك  مهما كان الموتر يوقف بالمعرض ولاينقل حتى تستلم فلوووووووووووسك حتى لاتدخل في دوامة مشاكل وقضايا ))   والان جا برنامج ابشر تنقل الموتر بنفس الوقت ))) اذا الاوراق كامله والفلوس نقدا))))

3)    لاتشتري سياره مهما كان  إلا وانت فاحصها  ومتأكد منها  حتى لو انك تعرف راعيها ممكن تكون فيها عله  مايدري عنها ،،
   افحص  المووترررررررر    واعرضه على  مهندسين  ــ تاكد  لاتصب افلوسك بشي ماتعرفه

4)  *******  وهذي المهمه  ونرجع هنا لموضوعنا الاول  الثقه  
رفيقي  شرى موتر  ،،  من خوييه  وجا بينقله قال بعدين انقله وانت قريب قال خويه ابدا اذا جيبت تبي تبيعه  خبرني ارسل لك صورة البطاقه تنقله ،،
المهم  بعد اشهر باع الموتر  واتصل على راعيه يخبره انه باعه على خويه ،، قال اذا بتنقلون خبروني  

واللي شرى الموتر  عزم  على بيعة الموتر  لانه حصل له زبوووون  لاكن ماباعه ،،،،،
وهنا  بدأت المشكله   اتصلو عليه  ارسل البطاقه    وطلع  في روسهم   اثل  ورمث   ،،
وسحب فيهم     وووووو    ومره يقول ابرسل البطاقه  لدرجة ان رفيقي  عزم على  انه ياخذ الموتر ويعطي رفيقه الفلوووووس

المهم    ارسل لهم البطاقه بعد جهد  وجهيد  وقلة حيااااااااااااااا

((  اذا شريت موتر  انقله فورا     ادفع 500 ريال  او 1000 ريال   ،،  وتفتك  من علة ممكن تخسرك موترك اللي دفعت  ،،))
(((((   اضافه بسيطه ،،،   طبعا  فيه ناس فيهم ثقه شرواكم  ،، انا بعت موتر ، بموقع حراج واللي شراه يبعد عني 1000 ك ارسل ولد عمه كان مار مع الطريق ، اتصل بي ولد عمه  قلت الموتر موقف بالمعرض وشافه واعجبه قالي ابشحن الموتر بسطحه لبريده ثم على البسامي وهو بياخذ  الاوراق  اللي شاف الموتر لانه يعرف راعي معرض بديرته وبينقل الموتر من عنده 
قالي راعي المعرض ترى ماني كاتب مبايعه وغير مسؤول ولاكن الرجال سيماه سيما رجل ،
قلت ياولد مدام انك جيت طلع الموتر يفداك    وفعلا  شحن الموتر وبعد ايام نقلت السياره وافلوس كانت عند راعي المعرض انا استلمتها  من وقتها ،، 
وكان قد الثقه  ،،،

((((((((( ولاكن  الحرص واجب واجب واجب وااااااااااااااااااااااجب   انتبهووو  فيه ناس رحت بالسجووون  سنين من سبت سياره كانت بأسمه وحصلوها سبب جريمه
              خلك حذر  ويقولون اللي تقرصه حيه   يخاف من الحبل ،،،،،،،،، ،،))))

اسف ع الاطاله ،،، وحيبت  انصحكم   ونستفيد منكم  ومن تجاااااااااااربكم  ،،،،،،

بالتوفيق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعطيك العافيه يالامير

نصايح يجب الاخذ بها


up 1 down 1
ألو مرحبا 1890
قبل 3 سنه و 10 شهر



تشكررررر   يالغالي  ،، الو مرحباااا   بك وياهلا ،،

فعلا  الشخص لازم يكون نبيه  ،،  ولاتاخذك العاطفه ،، وحسن النيه ،،  
وطبعا  انا ماشكك  ،،  بالناس ، ولاكن الانتباه واجب  
وابضيف  حاجه بسيطه ،، بموظوعي ،،،   


up 2 down 0
امير الاصيل 1672
قبل 3 سنه و 10 شهر



انا مره طحت بنفس هالموقف قبل شهرين بعت مازدا على رجال فلسطيني
مواليد السعوديه وكان معه صديقه وكانوا قمه باﻻخلاق وروحهم جدا حلوه
ومزوحين ومتقبلين ،وبعد الفحص رحنا ننقل وجينا للتوقيع وكنا متفقين نطلع
ونحول الفلوس من الصراف المهم سألني صاحب المعرض استلمت الفلوس 
وانا من الحياء والخجل قلت ايه وﻻ شكيت ابد بالرجال وﻻن ولده الصغير معه
واسلوبه معي وثقت فيه مع ان الصراف صارت مشكله بالتحويل ﻻكن حول
ثلاث ارباع المبلغ والباقي استلمته كاش خلال ساعتين خلصنا وكان قد الثقه
وفوق هذا وصلني لحد بيتنا الله يذكره بالخير وين ماكان ويبارك له بحلاله
اتمنى كل الناس زيه بذمته وضميره والله بنعيش بامن وامان .. 


up 7 down 0
الشمري 1414 219
قبل 3 سنه و 10 شهر



بإختصار
إذا جيت تبيع وتشتري خل يحكم بينك وبين المشتري أو البايع الأوراق الرسمية
قل له ياخي ما أعرفك ولا تعرفني ويمكن تصير أطيب أهل الأرض وأنا أشرهم
فلذلك الحكم الأوراق بيننا ولحد يزعل من الحق


up 5 down 0
بياع حراجات 870
قبل 3 سنه و 10 شهر



الله يعوض عليك


up 0 down 0
carstest 707
قبل 3 سنه و 10 شهر



موضوع مفيد الله يكثر خيرك ويوسع برزقك ومن يقرا 


up 0 down 0
كلي وفاا 326
قبل 3 سنه و 10 شهر



جزاك الله خير اخي الكريم على النصائح الرائعة

بس بكل اسف عندنا صارت الأمانة سوقها قليل جدا والحلفان بالله والقسم علشان كسب المال صار مألوف للغاية
نسأل الله العافية والستر


up 0 down 0
alyawer 96
قبل 3 سنه و 10 شهر



الحذر واجب والواحد ما يعلم الغيب   
بس بعضهم  صار يخاف بزيادة حيل حيل وصاير معقد ومايثق باحد حتى بولد خاله او قريبة يعني ماهو للدرجة ههذه
قبل فترة خويي كان يطبق بكلية التقنية   تخرج هو وكان بوقت التطبيق وطلبته الادارة انه يكون محل الصرافات 
يسلم الصرافات جاء واحد من  عشيرتة اقاربة وقالة اخوي عندكم وابي البطاقة وقال ابشر وهو يعرفهم بعد 
بعدها بيومين جاء الي يدرس ويبي بطاقتة الصراف قالو لها استلمتها قالهم كذب كلامكم وجبنا خوينا الي وقع وسلم
قاله يا ولد جاء اخوك واخذها عطاه النظرة عاد الحارة والزعولية قالة انا متهاوش مع اخوي ومااكلمة يا ولد
ويروح ويكلم الطالب ويفهمة الوضع وانه ما يدري وقعد يعتذر 
شف وهم اخوان اخوان قلبو السالفة ولو السالفة كبرت كان الغو التطبيق وخلوة يعيد من جديد ويمكن يتحول الى الشرطة بعد


up 0 down 0
صوت العزاوي 526
قبل 3 سنه و 10 شهر