أضف سؤال أو موضوع جديد          

الى عنده نصائح لدخول الحراج ؟ يتفضل هنا

up 6 down 6
jazzo3 120
قبل 6 سنه و 11 شهر



السـلام عـليكم ورحمة الله تعالى وبركاته
شـباب أنا مقبل ع شراء سيارة مستعملة 
واغلب الناس تقول لي  م تشتري من الحراج  
يغـشونكك ، أبي نصـأئح أبي أعرف نظـامهم لآتجنبب الغشش 
وافـأدة الى  مقبل ع ششراء سيارة :)







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وش حراج تقصد الموقع هنا او الحراج اللي بالمعارض


up 1 down 0
أبـو عبدالعـزيز -141
قبل 6 سنه و 11 شهر



افحص السيارة مسمار مسمار ... ادفع 200 فحص ولا تخسر 20000


up 1 down 0
البـــراء 385
قبل 6 سنه و 11 شهر



انت لا تشتر من تحت المكرفون وتراك بخير..
اذا شفت سيارة وعجبتك
خذها ورح اكشف عليها كمبيوتر وروح وسمكرة وشوف عضلاتها
واذا كله تماما اتوكل على الله واشتريها


up 3 down 0
نبيل110 329
قبل 6 سنه و 11 شهر



السلام\
شوف يغالي\
تبي تحصل انواع واشكال للاشخاص
ولايغرك لو تحصل ولد ولا رجال كبير بالسن او مصري او هندي
هذولا اغلبهم طال عمرك شريطيه مرسلين عياليهم او عمالهم انتبه انتبه انتبه لاتقول صيده لقيت هالولد وشكله غشيم
لابد تنزل وتحدد اختيارك على سياره وتبعد النيه الطيبه ....
مهما يكون تعامل الشخص معك لاتسخسر 200 ريال او 300 تفحص فيها
اهم شي لاتشتري سياره فيها رش كنصيحه لان اذا جيت بتبيع بتجلس بنحرك ويطيح نص سعرها
نصيحتي لك خذ معاك واحد فاهم بالشغله ولا تنغر  تبي تحصل مطاوعه بزران مصاريه كلهم شريطيه
لاتقول بتشطر عليهم ... 
والله يوفقك 



up 3 down 0
ماااجد ابو فجر 66
قبل 6 سنه و 11 شهر



والله اخوي صاحب الاعلان لاتشتري من حراج ابدا انا جاني موقف خسرت فيه 20 الف ريال والله اشتري من المعارض اريح لك وتفحص السياره من كل شي وسلامتك


up 2 down 0
عبدالله الحلو -2
قبل 6 سنه و 11 شهر



لاتشتري تحت الحراج
راح تحصل ناس تحلف بالله وتقسم وتمدح السياره وان سعرها رخيص راح يوهمك على قولتهم لين تاخذها بدون فحص
بيقولك انا علمتك الي في السياره تبي تفحص براحتك والغريب لما تفحص تطلع كلها بلاوي
ماعليك فيه اهم شي تفحص اشرط عليه انك تفحص وبأفضل مركز
قبل فتره شخص ملتحي بين عليه ملتزم يعني معه كورلا سألته فيه رش قال لا واشوف القزازه الي قدام بين فيه نقط بويه يعني جايها رش وقال مدري على الفحص واليوم الثاني اشوف معه كامري ؟؟؟
يعني انتبه وترا النظيف سعره فيه يعني غالي وانا اخوك لاشفت سياره سعرها رخيص غير عن مثيلاتها لاتحسب انك بتصيد السياره وتاخذها على طول مارخصت الا فيها مشكله مثل ماقلت لك افحص
والله يرزقك بالسياره الطيبه


up 2 down 0
am.an.com 435
قبل 6 سنه و 11 شهر



نصيحتي انه الواحد قبل لا يروح الحراج اهم شي انه يحط في راسه نوع معين من السيارات والمديل
يعني ما يروح يقول بشوف اي سيارة
لازم يحدد سيارة معينة ، لان المديلات كثيرة والواحد يتخربط من كثرها وبالاخير ما يشتري
وطبعا يسأل ميكانيكية عن قطع غيارها وسعرها في السوق
اذا لقي السيارة الي تعجبه يطلع فيها مشوار قريب
اذا ارتاح فيها وعجبته يروح يفحص فحص كامل
واذا كل شي سليم يستخير وبعدين يشتريها


up 2 down 0
moathyaseen 1393
قبل 6 سنه و 11 شهر



أهم حاجة تأخذ الأمور بصبر و هدوء.. ولا تعمل حاجة إلا مقتنع فيها والتوفيق بيد الله تعالى


up 1 down 0
work khobar 12
قبل 6 سنه و 11 شهر



زي ما قال الاخ خذ ىالأمور ببساطة وهدوء ولا تصعبها .
والسيارة اللي تعجبك اسأل راعيها عنها وقله نفحص واذا كلامك صح شريت
واذا كطلع غير كلامك تدفع قيمة الفحص انت . والله يستر علينا وعليك
واذا كطلع في حاجات بسيطة ما ذكرها لك وتشوف انا ما تفرق معاك وباقي 
تبغى السيارة خله يدفع قيمة الاصلاح أو ينزلها من المبلغ المتفق عليه.


up 0 down 0
w1w1 2206
قبل 6 سنه و 11 شهر



كطلع  = طلع
كطلع =  طلع

الجوال يزود حروف من راسه


up 1 down 0
w1w1 2206
قبل 6 سنه و 11 شهر



اول شي قبل ما تروح تشتري حدد الي تبيه عشان تكون عارف لايش رايح انت وحاول انك تلف اكثر المعارض وشف كم أسعار السياره الي تبيها وقارن وشوف الي ارخص وانسب لك و انظف خذه


و الأفضل تفحص بالوكاله


وشترط اذا السياره طلع فيها خلاف الكلام انه صاحب المعرض يدفع فلوس الفحص وليس انت




موفق


up 1 down 0
07sbeshal 1344
قبل 6 سنه و 11 شهر



اهم شي قبل لا تشتري حاول تتكرر على الحراج وتعرف اللي يبي يبيع واللي شرربطي يدور مكسب وابعد كل البعد عن اللي يقولك سوم ولا تصدق كلامهم  لو يقولك السياره أصغار أفحص وانا لاحظت فيهم حركه يوم تجي تتفرج على موتر يجي صاحب الشريطي ويعنني ماعرفه ويعطيه سومه خياليه على شأن تفرق السومه عليه وترووح فيها ولاتشتري غير بعد فحص والميكرفون  الموتر النظيف معروف مايعطونه حقه حاول تتفاوض مع صاحب الموتر انك تتفرج برا اذا لك نظر بالموتر  والمعارض مواترهم لا تقربها لأن اسعارهم فلكيه  


up 0 down 0
ابو راكان 2002 280
قبل 6 سنه و 11 شهر



اهم شي اصبر تطير فلوسك على تكاسي وﻻ تطيرها على 
سياره انت مو مقتنع فيها القناعه اولا والنظافه ثانيا 
والموتر النظيف من وقفته معروف سوا تحت المكرفون 
او حراج بس تحت المكرفون محد يبيع اﻻ موتر كحيان
ﻻن نظامهم بدون فحص سكر بماء ونصيحتي انا دور 
في موقع حراج لان جلست 4 شهور من النسيم للشفا
وبالاخير شريت من الموقع والدعوه باﻻخير حظ ونصيب


up 1 down 0
الشمري 1414 224
قبل 6 سنه و 11 شهر