زيت قير الاوريون نقص؟

وشلون زيت القير ينقص ؟ ياليت تشرحلنا 

انتبه

اعرف واحد كان عنده زيت القير ينقص

همله ونسى منه وضرب عليه القير

كيف عرفت انه ناقص ايش الطريقة اللي فحصت فيها مستوى الزيت ؟

وش لون عرفت وهو اصلا ماله معيار زيت
على العموم اذا ناقص زوده واذا بتغير على حسب ممشى الزيت 

تكلمت عني يالرفاعي مايحتاج ازيد  ننتظر الاجابه منه ممكن يكون مرهم له عيار

لكل سياره عيار لزيت القير وعاده يكون عياره من تحت على جنب القير 

ولكن دام ان فيه نقص شوف اذا فيه تهريب اولا
اذا مافيه تهريب 

افتح الرديتر اذا شفت فيه سائل لزج لونه حليبي مائل للبرتقالي 

هذا مبرد القير اللي داخل الرديتر فيه شرخ يهرب الزيت منه الى الراديتر 

اولا: اكشف على السياره فيها تهريبات ولا لا 
ثانيا : مدام انه نقص لاتزيده غيره كامل يكون احسن ويرجع نشاط القير من جديد
لان اذا ظفت واحد جديد يكون الى قبله متاكل وكذا تضيفه على بعض يكون غلط

بالعربي غير الزيت كامل يككون افضل لكك 

بالعربي انت وياه زيت القير ماينقص الا اذا فيه تهريب .. ماهوب مكينه هو 
شيك ع موترك .. 

اكيد ماينقص الا اذا فيه تهريب ولاكن الاوريون والكزسES350 والافالون
مالها معيار واتحدى فالرجال يقول ناقص كيف عرف نبي توضيح او يمكن مرهملها معيار
ارجو التوضيح

يالرفاعي 
الرجال يقولك ازيد الزيت عند (البنشري) ولا اغيره 
وتقولي مرهملها ؟ عليمي تبيه يفكر في ذي الاشياء!

يارجال تعبنا انفسنا على الفاضي ولا حتى كلف نفسه يرد ويتفاعل معنا
بالتوفيق 

والمثل يقول الحي يحييك والميت يزيدك غبن

عيار الزيت للقيور المختومة مثل مرسيدس وكرايسلر وفورد ولكزس وارويون وغيرها يكون بالطريقة التالية
القير فيه صامولة علوية تسمى ميزانية الزيت
تترك السيارة تشتغل خمس دقائق وبعدها تفتح الصرة أو الصامولة حتى الجزء ما قبل الأخير من السنه تبع الصامولة .....

إذا ظهر زيت على شكل قطرات معناته أن الزيت في الطبيعي واترك الصورة على هذه الوزنية حتى يتوقف التقطير وأعد الشد والاغلاق ...

اذا ما ظهر زيت معناته يحتاج زيادة والطريقه هي انك تفتح الصرة وتعببها زيت ضغطة واحدة ثم بعد ثواني ضغطة ثانية ولا تكون متصلة وبعدها إذا بدأت قطرات تخرج ننتظر حتى تخف القطرات ثم تقفل


هذا الطريقة آمنة وافضل من العيار السابق اللي له قياسين في الحار والبارد ...وتسويق لخبطة لقراءة الزيت ...

هذا ما لدي والبركة في الشباب ماقصروا

صباح الخير
مشكورين ع الردود وبيض الله وجيهكم
انا الاورين ماعرف عنها شي وسالتكم عشان تفيدوني 
انا البارح انفقع علي لي تبريد المكينه
ومكانيكي غير لي التبريد
طبعا الشركة الحين غيرو لي التبريد معاد صار لي تجيك قطعه كاملة حديد
وغير لي لي التبريد الجربقس
وقالي نقص زيت الجربقس
علما اني غير الزيت قبل ثلاث شهور تقريبا

الافضل تغيره وانت يااصاحب موضوع ناقش مع الناس تنزل موضوع ومتسدح بشاشه  جاوب تكلم 

اتوقع انو رديت ع كل اسئلتكم