ددسن 79 مخززززنه

مجدد تعرف يعني ايش مجدد الوالد كان يقول سعرالددسن ام غليون تقريبا 9000الف ريال في وقتها والحين لوتقله كم تبي قاللك 50الف !

ماشاءالله تبارك الله 

بعدي يااخ السياره ددسن توانتبه للعنوان كاتب هايلوكس هههههههههههههههههههههه

هذي شفتها بسطحه طالعه من الزلفي رايحه للحفر
وشفتها بالرياض بعد فتره توقعت انها اقتناء مو للبيع 
مشاءالله تبارك الله

هههههه ماعليش انا مطفي النور شوي واستعجلت

خلنا نكون واقعيين ليش اشتري موديل 79 مخزن؟
اولا متآكل من جوا وقلة الحركه لها اثر سئ على اجزاءه
ثانيا ادفع فيه مبلغ سيارة متطورة فيها كل انظمة الامان
ثالثا صندقه كرمتوا مب سيارة في هالزمن زمان لها قيمة الان لا
رابعا هذي حقت متحف مو تمشي فيها بالشارع
المفروض الحكومة توقف تجديد الاستمارات للسيارات من تحت موديل 95

جاسم والله انها تكد اكثر من الجديد
تبي اعطيك مثال 
شوف مرسيدس موديلات ٧٣ وفوق 
للحين نشوفها بالشوارع ولا تطلب وتكرف 
والهايلوكس والدداسن روح المحافظات والقرى تلقاها تكد ولا تقول لا

والكوابرس موديلات ٨٠ للحين موجوده 

بعض الناس مدري كيف يفكر
يمدح بالسيارات القديمه ويذم الجديده وانها حمار مكده وتصبر 
يااخي الي صنعوا هالسيارات هم نفسهم الي يصنعون الموديلات الجديده 
فلا تقعد ترجنا انها تصبر ومن هالكلام هي تصبر في عينك انت 
ولكن في الحقيقه كل السيارات تصبر ولكن الي يختلف السواق وكيف طريقه سواقته وهل هو محافظ على سيارته او لا 

ماقصر نقد كلامي وعطا ديس لايك ودخل ع مواضيعي .. الخ الخ شكرا لأني اصبحت موضع اهتمامك

ابو كاس
معروف ان الموديلات القديمه قطعها عمرها طويل
يعني تحصل بدو ببيت شعر اول ماطلعت السيارات اذا اشتراه اول شيء كم تقعد
ثاني شيء وش يغير السوال الاول تقعد معهم لين يموتون السؤال الثاني مايغير شيء الا نادرآ
من كثر الورش عشان يركب ويصلح

شف برنامج خواطر10بس مدري كم الحلقه يتحدث عن الصناعه القديمه والجديده
وكيف تغيرت واصبحت استهلاكيه فيه مصنع قديم للمبات اصدر امر مدير المصنع 
بتقليل ساعات اللمبه يعني بدل ماتعمل 200يوم تعمل 50يوم
يعني بالعقل لو يبون يصنعون سيارات زي قبل
خربات قليله ماراح يكسبون الصناعه الحاليه والقادمه كلها تعتمد على عمر استهلاكي قليل

اخ جاسم 12 ليش تبغاهم يوقفون تجديد الاستماره من 95 واقل ؟

اعطنا سبب مقنع لاتجي تقلي تلوث البيئه والخراط هذا

شكلك ماقد ركبت الا سيارات اخر موديل وافخم نوع وسعرها بذاك الكلام والا

هالحين انتو ما زعلتو من قرار منع التصدير بالجمارك اللي حدك فيه 5 سنوات والكل تقبله بصدر رحب

والحين زعلتو من كلام واحد عطاكم 20 سنة استخدام
هههههههههههههه



بعدين عندكم سيارات موديلات حديثة فوق 2002 وسعرها 5 او 6 الاف ريال حق اللي يقول فقير و على قد حاله

أنا اتفق مع ماذكره العضو جاسم بالحرف الواحد ... السيارات السيدان والبيك اب والعائلية اتمنى يمنع اصحابها من تجديد استمارات سياراتهم ويعوضون وتتلف .


ماعدا المعدات الثقيلة

يبغالكم محلل اقتصادي يشرح لكم سعر الددسن ليش تغير
وعلاقة الددسن بالذهب

السيارة  مجدده وليست مخزنه باين من البويا ثانيا المرايات اللي مركبه حقت كريسيدا 80 والصدام الخلفي تبع هايلوكس 

اللي يده في موية مو مثل اللي يده في النار على اي اساس تطالبون بوقف تجديد الاستمارة لموديلات تحت ال 95 !!!!

الوالد معاه لوريل 80 الصلاة عالنبي ماشية زي الحلاوة