مساعدات الكامري وش الحل معها؟

5 0

لايمكنك التصويت حتى الحصول على 20 نقطة على الأقل
إضغط هنا للإخفاء

توفيق١ 15
قبل 9 سنه و 10 شهر

السلام عليكم ورحمة الله وبركاته
ياجماعة الخير خفت من الشروط قبل أحط عنوان أول أبقول الفزعه يارجال و خفت من الشروط
ماعلينا المهم 

أنا ولله الحمد و فضل منه ما أعرف للسيارات بتاتاً البته
كل اللي علي شغّل و إمش و أروح لليماني يغيّر زيت و بس
و مستحي أسأل إخواني والا خوياي والا الناس اللي حولي و يضحكون علي
عاد أنتم ماتعرفوني ولا أعرفكم فـ ماعلي منكم ماراح أستحي
مثل ماذكرت مالي بالسيارات نهائياً 
و حالياً معي كامري 2008 تماتيك أنقّز فيها كل مطب عادي عندي مو مشكله
لكن هاللحين صارت تقل ددسن من قوّة مطبها حتى عيون القطط تعوّرها بسم الله عليها
و وديتها للورشه قال العكوس زينه لكن المساعدات يبيلهن تغيير 
و الكفرات برجستون فيهن 30

هاللحين أبي تعطوني حل لو أصرف عليها صرف الويل اهم شي ماتناقز تقل ددسن
حالياً أبغيّر المساعدات و الكفرات ( اللي ورا خلاص إنتهن ) 
لكن عطوني حل بمساعدات ماتخليني أناقز و كفرات ما أسمع فيهن صوت الخط

و إعذروني كاني عليمي إعتبروني أخوكم الصغير و وجهوني
شكراً لكم

إبلاغ

الردود