تبي لايك انتقد تويوتا

38 61

لايمكنك التصويت حتى الحصول على 20 نقطة على الأقل
إضغط هنا للإخفاء

أبـو عبدالعـزيز -142
قبل 9 سنه و 10 شهر

السلام عليكم ورحمة الله وبركاته
ملاحظه على كثير من الاعضاء بالمنتدى انا اشوفها شحاذة لايكات بطريقة غير مباشرة

يبي لايكات يجي ينتقد تويوتا بأي شكل من الاشكال

ما فيه احد انتقد تويوتا قال خراباتها كثيرة او مشاكل بالكهرباء او ما تتحمل لانه ما يقدر

لكن يجي ينتقد الشكل او الالوان او الاكسسوارات او اي شيء يختلف عليه الذوق العام

قد لا يناسبك لكن يعجب غيرك 

عندكم العضو الرفاعي 
من عشاق الكامري وحسب اعتقادي لو تعطيه هدية سياره امريكي جديده مثلا او هونداي

يبيعها وياخذ كامري مستعمل لانه يرتاح فيها وهذا قرار شخصي ما تجي تقوله ليش وما تصلح

انا شخصيا لو خيروني بين كامري 6 سلندر فل كامل مثل موترة
وبين افالون نفس الموديل 2008 او 2009 افضل الافالون عليها بكثير

ولكن ما نجي نقول للرفاعي انت غلطان ليش تاخذ كامري بالنهاية قرارة الشخصي وفلوسة
وهو يشوف راحته بالكامري 

نجي ننتقد تويوتا بالسعر او بغيرها على اي اساس

انا شخصيا مستحيل معي فلوس كاش او حتى ابي اقسط واروح اشوف اي سياره من تويوتا
اي فئة كانت لاني عارفها غاليه بقيمتها فيه خيارات كثيرة سواء جديد او مستعمل

ولكن فيه ناس ترتاح مع تويوتا رغم ارتفاع  سعر قطع غيارها 

وكثير من الناس ينتقد صدامات الكورولا انها مع الهواء تتفكك 

من قالكم الكورولا سيارة سفر اساسا نجي للواقع اليارس والكورولا ماهي حقت سفر

هي سيارات عمليه وممتازة داخل المدينه تتحمل حفر ومطبات وتجلس ساعات طويلة شغاله
والمكيف شغال بدون اي خوف لا من حراره ولا خرابات ولا مشاكل كهرباء

ولكن تجي تنتقدها تقول تتفكك صداماتها من قالك سافر فيها 
مبسوط بإزعاج الطريق يعني والا من كبر حجم المكينه عشان تسافر فيها وتحط رجلك بعد
وتجي تنتقد
ما اشوف احد معاه يارس او كورولا بخط سريع وتحصله ماشي 120 نظامي

كلهم يغطون اللوحة عشان ساهر ويحط رجله ويجي يقول الصدامات 

نجي للهايلوكس
وين منافسينها بالكرف بالبر
قد  يكون الددسن منافسة لها ولكن منافس اضعف شوي
تعال جيب سياره امريكي جمس حوض مثلا او غيرها واستخدمه بالبر مثل الهايلوكس دعس وتطعيس
ما بيتحمل مثل الهايلوكس تجي تنتقدها وهي تتفوق على غيرها بالبر كسيارة بدون دبل على اي اساس
تبي لايكات هاه ؟؟؟

نجي للجيب الربع والشاص
سيارات بالبر وبالمناطق الجبلية قوية وصبورة صحيح شكل كلاسيكي ولا فيها اي فخامة
ولكن للبر والمناطق الجبلية صحيح سعرها غالي ولكن تستحق سعرها فقط بالجبال والبر

لكن تجي تستخدمها استخدام يومي بمدينه مثل الرياض والشرقية و الطايف مثلا
ما تستحق ولا نصف قيمتها لانك ما تستفيد منها بهذي المناطق صرف بنزين وتكسير ظهر بدون فائدة

نجي للكامري 

ما دخلت مزاجي لا خط ولا مدينه هههههههههههههه هذا رأيي وسعر مبالغ فيه حتى المستخدم

نجي للافالون اقصد الشكل القديم
سياره للمدينه والسفر ما احد يشتكي منها راحه وعزل وعزم وشكل ولا منها اي مشاكل

نجي للجيب لاندكروزر 
انا شخصيا اشوف سعرها مبالغ فيه بشكل كبير سواء جديد او مستعمل 
المشكله كثير من الناس تشتري كسياره عائلية وللسفر وفيه منافسين كثير بدالة

تعال للقرى والهجر البعيده عن المدن الكبيرة 

اغلب السيارات المستخدمه بها تويوتا بجميع انواعها خصوصا الكورولا والكامري والهايلوكس
والشاص واللاندكروزر
الافالون قليل جدا تحصلها بقرية رغم انها تويوتا

اعرف كثير بينتقدون كلامي ولكن هذا الواقع 

إبلاغ

الردود