أضف سؤال أو موضوع جديد          

انخفاض اسعار سيارات التويوتا

up 2 down 0
5alaf 694
قبل 6 سنه و 11 شهر



السلام عليكم و رحمة الله و بركاته

المهم يا طوال الاعمار شفت اسعار التويوتا نازلة وبقوة مثل الكامري اول 95 الف والحين تلقاها 87 الف !!!
و الكامري اللميتد اول ب81 الف والحين 77 الف .

والجيب الاندكروزر طايح قيمته من جميع الفئات  .
والجيب اللكزس طايح من قيمته الكثير

تتوقعون وش هو السبب هل هو لان الاشكال الجديدة على الابواب ولا لان اسعار النفط نازلة او 
اصلا هذا الشئ عادي 

و بعض الدول تستفيد بانخفاض العملات و تفرض على التجار تنزيل قيمة بضايعهم على قيمة العملة 
هل هذا شئ ايجابي على المستهلك وعلى الدولة

http://www.youtube.com/watch?v=x9TIcwnuvDY

http://www.youtube.com/watch?v=kFOSmVtYxxI

http://www.youtube.com/watch?v=ZtGHY-FWXFI







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عروض مثل كل سنه


up 1 down 0
ابو ابراهيم2021 352
قبل 6 سنه و 11 شهر



أي انخفاض اشوف الهدد الجي ب 152 الف !!
والجكسار ب 235 الف واصلا سعر أعلى فئة بالوكالة جكسار ب 226 الف
الكامري ارتفع سعرها 260 ريال خلال هاليومين عن اخر سعر لدى الوكيل
بعطيك نظرية بس .. النفط ارتفع = كل الاسعار ترتفع يعني لو وصل النفط 150 للبرميل راح ترتفع بجنون ولو نزل ب 60 انسى انها تنخفض الاسعار راح تثبت على أخر سعر للنفط .. ادع ان النفط مايزيد عن اخر سعر له لانه بتزيد اكثر
مثل الذهب اذا ارتفع سعره المحلات يعاملونك بسعر البورصة .. إذا انخفض يعطيك سعر من راسه ويقولك مالي علاقة بالبورصة هذا سعر الجرام عندي


up 2 down 2
ahoh 178
قبل 6 سنه و 11 شهر



تويوتا غاااليه وتبقی غاليه مانزلت الا شوي لان اول مانزل شكل جديد غالي والحين نزل شوي... لانزل ولا شي غاليه ﻻين بكره


up 4 down 2
mm.2015 155
قبل 6 سنه و 11 شهر



اللندكروزر فئة جي اللي ب150 الف يستاهل سعره لان مواصفات شد بلد والبقية اكسسوارات كلها على الفاضي وزيادة 100 الف


up 2 down 3
majid__120 410
قبل 6 سنه و 11 شهر



وش الي انخفاض الوالد شرى قبل 3 اسابيع هايلكس 14 GLX ,,سوبر بدون دبل غمارتين .. سعودي

ب85 الف بالله هذي رخيصة وفي النهاية بدون ارباقات وولا وسائل سلامة .. وفوق هذا تكسر الظهر .,,

والله ياني انغبنت غبنة مايعلم بها الا الله ..

وكان الفرق بينها وبين 2015 5 الف ..

لكن ان شااء الله قربيا يوكن 15


up 7 down 1
شبح 600 sel 6081
قبل 6 سنه و 11 شهر



بعدين يالغالي هذي اسعار اليحيى وهو من زمان اسعاره رخيصة

اما عبداللطيف اسعاره شاطحة


up 3 down 0
شبح 600 sel 6081
قبل 6 سنه و 11 شهر



^^^^ لو هو شاري خليجي ارخص وأفضل بمواصفات السﻻمة ب 77 وارباقين و ABS


up 6 down 1
ابوابراهيم1992 35
قبل 6 سنه و 11 شهر



اللي اشوفه نزل سعره الشاص والربع بعد انتشار الفتك الربع والشاص كانت قد وصلت لأسعار خرافية مع انها باقي غالية 


up 1 down 0
abdulkareem99 1261
قبل 6 سنه و 11 شهر



غلطان.
ابو جميل اليوم غير وزاد الاسعار بموقعه على موديلات 2015
الهايلوكس الدبل كانت 100750 حسب ما اذكر الان 101010>>مبلغ مميز 


up 1 down 0
badalfa -39
قبل 6 سنه و 11 شهر



المفروض انه يكون صح .. ليس على تويوتا او السيارات بشكل خاص وانما على العموم ..

عندما كان البترول مرتفع رفعوا كل شي وحجتهم بينة وواضحة بان البترول ارتفع ولابد من مواكبة هذا التطور..
ولكن السؤال هنا هل الان بعد مانزل البترول بيخفضون الاسعار ونواكب الاحداث جنبا الى جنب ..؟!
سؤال أتمنى ولاشك بانكم معي تتمنون الإجابة عليه ..!!

شكرا لك اخي الكريم ،، موضوع يستحق النقاش وفالك التوفيق .


up 0 down 0
مواطن ليس الا 30
قبل 6 سنه و 11 شهر



تدرون وش الي يحزن في الموضوع 

وهذا الشيء الي لاحظته ... انهم يتشكون من تويوتا ووووووو 

واذا بيشتري سياره حصلته صاف سرا في وكالة تويوتا ... 

تدرون ليه .. لان  لايثق سوى بتويوتا ...... 


up 4 down 3
راااضي 2520
قبل 6 سنه و 11 شهر



ممكن بينزل سعرها اشوي لن الشكل الجديد بينزل 


up 0 down 2
سكودر 14927
قبل 6 سنه و 11 شهر



وقطع غيار تويوتا متى تنزل !!@

كمبروسر يارس 2011 3200 ريال !!

وكمبروسر بانوراما مرسيدس وكالة 3400 ريال

هذا اللي جعل الناس تتجه الأمريكي والالماني والكوري ...




up 4 down 3
موبار اونلاين 706
قبل 6 سنه و 11 شهر



اولا عبداللطيف جميل هو موزع في المملكة 
انا لا اثني على عبداللطيف جميل 

لكن هناك تلاعب بالاسعار وبالمواصفات بشكل لايصدق

وقد تجد مركبة موديل ٢٠١٥ مطابقه لموديل ٢٠١٤ ويوجد فارق شازع بالسعر
لانقول انه فقط عبداللطيف جميل من يرفع اسعار الموديل الجديد

لكن بالمعقول فمثلا مركبة سعرها ٧٦ الف ريال لموديل ٢٠١٤ (لدى عبداللطيف جميل)
نجد ان سعر المركبة لموديل ٢٠١٥ قد يتراوح مابين ٨٢ الف ريال  واكثر !!!
والمركبة لم يتغير بها سوى رقم !

لا نعلم الى متى هذه المهزله ..


up 2 down 1



العضو الي يقول ان كمبرسر اليارس قيمته 3500 ...  واابانوراما بنفس السعر هههههههههه

قالو كيف عرفت انها كذبه قال من كبرها 
....................
قرأت ردك وكان قريب مني محل قطع غيار تويوتا 

وجوابه كان ان سعر كمبروسر اليارس ب 2100 .... يعني بلاش تصرف من جيبك 


up 3 down 3
راااضي 2520
قبل 6 سنه و 11 شهر



كلامك ماهو صحيح ياراضي انا ساكن بابها ولا عمري فكرت اشتري تويوتا ابدا كل سياراتنا امريكي وايام البرد جمعة وسبت علی تهامة مع عقبة ضلع 
من وجهة نظري ان اسعار تويوتا مبااااااااااالغ فيها جداااااااا  وعندنا تجار ابشر منهم في لرتفاع الاسعار اما يخفظونها معصي قبل فترة نزل خبر عن انخفاض واستقرار الارز عالميا جوك التجار هنا وارفعوا السعر هنا عندك ناس ما تخاف الله


up 2 down 0
ابوخلوودي1 5070
قبل 6 سنه و 11 شهر



صدقت. ياراضي
يسبووون. تويوتا. ولاكن لايشتري الا.  تويوتا
مثلا. الكزس.  معي. رفيقي. حجم 400
مديل98 ماشيه. فوق600  ماحط فيها. ريال. واحد
فقط اشيا بسيطه.  تنظيف. بوابة هواء.  وشي. بسيط. 
واخوه.  معه. مديل. اقل.   ونوع. لكزس. ثاني.  كارفها. كرف. الا. الان


up 2 down 3
امير الاصيل 1714
قبل 6 سنه و 11 شهر



راضي أنا اللي اقوله ..
ومجرب السيارتين كلها والان أنت سألت بعد 4 سنوات ولدى الوكيل وليس محل قطع .. !! انا اتكلم وقتها




up 0 down 0
موبار اونلاين 706
قبل 6 سنه و 11 شهر



اول شئ لازم تعرفه ان تويوتا ما تصنع الى حسب الطلبيه
وخط الانتاج نفسه يصنع كل الموديلات بدل من خطوط انتاج متفرقه كل وحده تصنع موديل محدد
تويوتا لهذا السبب ماعندها اخر السنه تخفيضات مثل  باقي وكالات السيارات لان اصلا ماعندها مستودعات مخزنه فيها السيارات وتحتاج تصرفها وانما تصنع على حسب الطلب

بينما الشركات الثانيه مثل الامريكي يصنع لك الاف السيارات ويخزنها عنده ويقعد له كم سنه يصرف فيها وهذا سبب خسارتها في الكارثه الاقتصاديه قبل كم سنه عندما افلست جنرال موتورز وكرايسلر

بينما تويوتا لم تتأثر بشكل كبير من هذه الكارثه

وبالتالي قد يكون نزول السعر بسبب نزول اسعار المواد الاوليه والتكلفه الانتاجيه لإرتباطها بأسعار النفط


up 2 down 0
mrx15 237
قبل 6 سنه و 11 شهر



كل شي يرتفع ممكن ينزل وكل سلعة بحسب العرض والطلب 
الا عندنا العكس اذا زادت الاسعار بسبب ظرف دولي او افتصادي ومن ثم زال الظرف تتزل الاسعار تلقائيا الا عندنا لعده اسباب اهمها الجشع+ ثقافة المستهلك تشجع التاجر الجشع 


up 0 down 0
iTalal 152
قبل 6 سنه و 11 شهر