اهاذا معقول الهايلكس ابو جميل وصلت 95 بدون دبل والبحريني82
7
4
إضغط هنا للإخفاء
السلام عليكم ورحمة الله وبركاته
اخواني استفسرت عن الهايلكس السعودي وصلت قيمتها كاش95 بدون دبل طبعا بالراجحي القسط1570 يحسبها عليك 127 اما دفعة 30 الف تكون 1070القسط
ويحسبها عليك 117 ****************************** اما البحريني سعرها كاش ب72 الف ولاكن اذا اخذتها من الراجحي يكون سعرها 82 الف طبعا كاش 82 اما اقساط تكون الحسبه بدون دفعه اولى القسط1360 تكون عليك ب110 اما دفعة 30 الف تكون القسط 860 *************************************** يعني الهايلكس وصلت ال 100 الف كاااااااااااااااش
،،،،،،،،،،،،،،،،،،،،،،،،،،،،
الصور الهايلكس اللي عند المعرض بحريني والثانيه قطري اقول الظاهر ابشتري عربه واشتري حصانين يجرونها ،، اريح ،،،،
مواصفات البحرينيتويوتا - هايلكس غمارتين GLX
موديل : 2015
المورد : البحرين مع الشهادة
العداد : أصفار
الألوان : ابيض لؤلؤي
هايلكس GLX فل كامل 2015 - تخشيبه - ثلاجه - ريموات - ارباقات -
مانع انزلاق - كشفات - ليد
سعر البيع / 78000
إبلاغ
الردود
بس ياخي غالية ع ايش مدري !!!!!!!!!!!!
0
1
و لقيتها بمعارض الشرقية ب75 الف فل كامل بدون دبل غمارتين
و معارض الرياض و القصيم يبيعونها بمكسب الفين او ثلاث
اللي تستغرب منه اللي يشتري سعوي يقول عشان شكل الخط !!!!
و اذا قلت له غير الخط قال الخليجي مهو مرغوب اذا بعته مستعمل
مع ان الخليجي ارخص جديد يعني ما فيه زود خسارة اذا بعت و تلقى من يدور عنها بالتحديد
طيب و مواصفات السلامة ABS و الايرباقات ؟
يرد عليك ان اللي الله كاتبه بيصير !!!!
17
2
وتنقص عن الخليجي بعدم وجود ايرباقات للراكب والسائق ونظام ABS هذا ينقص العايدي دون الدبل ، طبعاً الاضافات لا تستحق أن يكون الفرق بينها وبين الخليجي أقل معدل عشرة آلاف إذ أنك تستيطع إضافة هذه الاكسسوارات
بالكثير إذا غليت أربعة آلاف ويكون لديك مواصفات أساسية غير موجودة في السعودي وهي الايرباقات ونظام ABS .
8
1
ويطلع قيمته من صندوقه
13
1
الهايلكس والددسن صارت للاسف سيارات مشبوهة وماتمر من نقطة الا بالتفتيش الكامل لها ولراعيها شوهو سمعتهم للاسف
6
0
ويسترخص اللي فيها مواصفات امان لأنه عارف اذا قبع وهو يفحط بيبلش بالأرباقات يبي يسمكر ويكمل
7
1
تكفين يا هونداي اصنعي سيارة حوض
ما عاد الا ابو جميل متمكس بالهايلوكس
كامري وطاحت هيبتها مع السوناتا
افالون ما اشوفها منتشرة الا شكل 2011
كرولا راحت هباء منثور مع الالنترا
واليارس خسئت امام الاكسنت
باقي الهايلوكس والصالون غاليه جدا بجنون بهبال بخبال
15
5
2
1
عز الله ماراح اتعدى فور وجمس وشفر ودودج
امان بعد الله
قوه جباره
شكل اكثر من روعه
مواصفات ماهي موجوده في الكزس☺
6
4
0
0
فعلا. الهايكلس. كثرة مع الورعان
سعر خرافي جدا ع 4سرندل
مصيبه. جدا
اما. الشيبان. طاحو بالدفرنسين
5
2
والمصيبة : ناس كثير يآخذونها كسيارة عائلية أو أغراض بسيطة !!
والمصيبة الأكبر : الي يآخذها ويسرع فيها بسرعات جنونية
مع أنها مخصصة للتحميل والكرف ..
وبرضه فيه شيء ساعد على انتشاره وهو ضعف المنافسين خاصة من ناحية الشكل الداخلي والخارجي ( وهذي مشكلة )
وبرضه نقطه مهمة ضعف المنافسين من ناحية المحركات إن ما خاب ظني أن الهايلوكس الأقوى ضمن المنافسين في المحرك 2700 cc <<< مع ان السعة ما تدل على القوة لكن عطي عزم
----------------------------------
الله يستر كلها كم سنة وتوصل 100 ألف الي تجيب لك جيب كبير أو حتى سيارة 8 سلندر !!
لكن وش نسوي ؟!!
دام فيه ناس تشتري فمستحيل يتوقف الغلاء
2
0
وقلت لهم بكم الـ F-150 أقل شيء
قال غمارة 8 سلندر بـ99 ألف !!
والهايلوكس قربت من ذا القيمة ههههههه
3
0
1
1
اللي يميزها انها خفيفه في المدينه وفي البر وفيها مرونه في القياده والمطامر عشان كذا الشعب طايحين فيها والا هي ماتسوا 50 الف
بقيمتها فيه سيارات افضل بكثييييير
1
0
1
0
قالوا لي اقل نوع مكينة 2700 ب73 والي فوقها ب75 والفل كامل ب78 الف والفرق كبير جدا عن الأسعار عندنا بفارق 10 الى 15 الف
ومع ذلك الناس يشترون السعودية شيئ غريب
صراحة يدل على ثقافة شرائية سيئة رغم ان الخليجية أفضل مواصفات
وتقدر تكتب في قوقل ( تجربة شراء هايلوكس من قطر ) وتشوف موضوع في منتدى مكشات
شخص مشتري هايلوكس من هناك وكتب 10 مميزات تقريبا موجودة في الخليجية وغير موجودة في الهايلوكس السعودي
0
0
قبل 9 سنه و 3 شهر