الموضوع محذوف

على حسب سعره وموديل السياره اذاقديمه مره ماافضلها امااذا حديثه تحتاج تغير السوؤال زيوت وفلاتر وكفرات وبطاريه بس هذااهم شي تقريبا

وعليكم السلام ورحمة الله وبركاته
اذا سعرها نفس سعر 2013 و 2012 
لا والله 
خذ شكل جديد واكشخ به افضلك منها
واذا سعر زين
خذها واتوكل على الله

يبيلها تغيير زيت مكينة وكفرات 

ما انصحك الوقفة الطويلة تلعب في السيارة

المكينه والقير يمكن فيها نص عمر اذا ان راعيها ما كان يشغلها يوميا لمدة 5 الى 10 دقايق عشان المحركات ما تخرب من كثر الوققه

من غير الكفرات محبله و من غير العضلات كامله تحتاج تغير والجلد كامل في بطن السياره نشفت و جلد الابواب كمان نشفت

حتى الاسلاك والليات في الكبوت تحتاج تغير من كثر الوقفه لانها ما استعلمت فتنشف وتخرب

أنصحك بشيء نظيف وموديل نفس موديل هالسياره مدام الاسعار متقاربه

إذا سعرها مناسب توكل على الله

لكن غير جمييع سوائلها

زيت القير والمكينه وماء الراديتر

والمكينه اول تغييره لا تطول على الزيت امش عليه 1000 وارجع غيره علشان ينظف المكينه

وغير لها زيت خفيف

سياره واقفه افضل من سياره مكروفه

انا اعلمك يبي لها تغيير جميع الجلد يعني جلد مقصات ومسامير توازن وعمدان التوازن لأن كل عالقطع فيه جلد وشي طبيعي بتكون يابسه من الوقفه 
ويبي لك طقم مساعدات ويايات

زيوت + صوف يعني اول ماتغير الزيت راح تتفقع كم صوفه وانصحك تشيل الموتر بسطحة وللصناعية تنفض صوف الماكينة والقير عشان ترتاح مره وحدة 

+ وهذا اهم شي جلد البلوف احتمال كبير تكون نشفت ويبي لها تغيير

بيني وبينك تاخذ موتر تحط به لك ٣٠٠٠ اقل او ازود شوي وترتاح احسن من موتر مكروف 

نصحية لا تاخذه بتتعبك ..

أخذه  ماعليك 
والله العظيم اعرف واحد معاه كرسيدا 85 او 86 واقفه لها 4 سنين 
تشوفه تقول هذي مكروفه حقه تشليح 
والله العظيم بس غير كفرات و بطاريه و حق  دق سلف 
سيارة شغالة زي الوردة 
بس انه قديمه واقف لها مده طويله بس عليها عزم مشاءالله 

اشتريت كدلك واقف 20 سنه موديل 77 مانعدم فيه غير الكفرات الأمامية عشان جهة المكينه والقير لكن بصراحة أنا مادري القير من أول رايح ولا من الوقفه والباقي كالجديد من عضلات وانوار داخلية ومكيف إلخ ولا أحد يقلك الوقفه تضر السياره هذا انا أقرب مثال عندك والسيارة كانت سواقتها كنك مطلعها من الوكالة ماشاء الله تبارك الله ..الله يهني الي شراها

يا اخوان الوقفه مايضر بس يشترط لمن تشغلها بعد هالوقفه الطويله تغير البطاريه والكفرات وزيوت قير ومكينه وفلاتر وسيور ودق سلف وتوكل على الله

كمثال مازالت في المعارض سيارات 2012 وربما يوجد اقل اصفار وحنى في 2015 مخزنه لها سنوات ولايضرها بشي فقط تغير الاشياء المذكوره وصلى الله وبارك ...

إن كانت موقفة 4 سنوات بدون تشغيل أبداً يعني كانت ميتة + الزيت اللي بمكينتها ماشي أكثر من 500 كلم.
أحذرك من تشغيل المكينة.
لا بد من تفريغ زيت المكينة وفك الكارتير وتنظيفه ببنزين وديزل وكل المنظفات البتروكيماوية.
ليش؟ لأن الزيت المستخدم يترسب ويتكثف ويصبح كالمعجون الثقيل في كارتير المكينة والمكينة شغالة، فما بالك بمكينة طافية 4 سنوات.

هذا هو أهم شيء، الأشياء الأخرى التي ذكرها الإخوة ليس لها أي داع، ومتى ما لاحظت شيء غير طبيعي قم بتغييره في وقته.
الإطارات إذا كانت السيارة متوقفه تماماً عن الحركة أكثر من 3 أشهر فبالتأكيد ستحتاج تغيير لأنها ستسبب رجه عند السير عليها.

أيضاً لا بد من تنظيف طرمبة زيت المكينة بنفس الطريقة المذكورة تنظيف ممتاز لأنها بتكون مليئة بالزيت المتخثر كالعسل مما يمنعها من ضخ الزيت لأجزاء المحرك.

أيضاً لا بد من تنظيف طرمبة زيت المكينة بنفس الطريقة المذكورة تنظيف ممتاز لأنها بتكون مليئة بالزيت المتخثر كالعسل مما يمنعها من ضخ الزيت لأجزاء المحرك.