أضف سؤال أو موضوع جديد          

موضوع عن التشيكيات الالزاميه للسيارات الجديده 2015

up 2 down 0
عاش بو علي 500
قبل 6 سنه و 11 شهر



السلام عليكم حبيت اتكلم عن الاشياء الاستهلاكيه مثل البواجي طرمه البنزين الكويلات زيت وفلتر الغير فلتر المكيف في اي وقت تستهلك







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام والرحمة

حسب موديل سيارتك .. 

مثلا البواجي حول السنة تقريبا : لكن الاغلب مايبدلونها الا اذا بدت السيارة تقطع او تتفتف
الكويلات هي اسلاك البواجي :اذا الاسلاك سليمة مافيها قطع وكلها تؤدي عملها معناته لاتبدلها
زيت و فلتر القير تختلف حسب المدة والممشى :الاغلب من 80 الف كيلو الى 150 الف كيلو
فلتر المكيف :المفروض كل 6 شهور لان اجوائنا غبار وعشان تستنشق هواء نظيف ويكون دفع الهواء ممتاز

كل المدة تقريبية لان مو مذكور الموديل 


up 1 down 0
alkathiry 706
قبل 6 سنه و 11 شهر



تم ذكر الموديل وذلك للشفافيه شكرا لمرورك .........


up 0 down 0
عاش بو علي 500
قبل 6 سنه و 11 شهر



ابقول لك شي بيجيك اللحين كل واحد يفتي من جهه واللي يقول لك من تجربه واللي يقول لك ورثتها من ابوي واللي يقول ماعندي كامري لكن الافضل 

انا ابقول لك في كتيب في درج السياره ومكتوب عليه دليل المالك 

دور قسم الصيانه ورح تلاقي فيه كل شي يتعلق بالصيانه 

زيت مكينه الافضل 5-30 او 10-30

البنزين 91

زيت القير الاوتوماتيك يتغير كل 80 الف والافضل قبل 80 لان الوكاله توقعك على ورقه من 80 وطالع

فلتر الهواء يتغير على 40 او 60 الف

صفاية بنزين كل 60 الف

فلتر المكيف كل 30 او 40 الف

ماء الرديتر 100 الف 

وعند في الدليل كل شي حتى انواع الزيوت وماء الخاص في سيارتك 

يعني مايحتاج تسال احد 

موفق


up 1 down 0
abdulaziz al-malki 981
قبل 6 سنه و 11 شهر



البواجي في الكامري اريدوم وعمرها يصل الى 150 الف 

لكن الافضل تتغير على 100 الف وسعرها 250 ر يال 

والبواجي العاديه تتغير كل 40 الف وسعرها 40 - 50 ريال 

لكن بواجيها الاصلي هي اريدوم وانتبه تغير بواجي عاديه لانها تطيح عزم السياره 

موفق


up 1 down 0
abdulaziz al-malki 981
قبل 6 سنه و 11 شهر



لايكات للجميع شرفتوني بمروركم بالتعليقات ..


up 0 down 0
عاش بو علي 500
قبل 6 سنه و 11 شهر



الوكاله تقول

تغير زيت المكينه اغلب المكاين الجديده زيت 10 الاف كيلو اسمه سينثتيك وتغير معه الفلتر مع كل تغيره زيت افضل وهذي نصيحه الوكاله لان اي تراب او براده حديد تجلس في الفلتر احسن شي تطلعها برى المكينه

زيت القير كل 35 الى 50  الف مع الفلتر حسب نوع سيارتك

البواجي كل 60 الف ومعها تغير اسلاك البواجي غير بواجي وكاله فقط

طرمبه البنزين ما تتغير ولا تخرب الى في حاله انك تعبي بنزين والسياره شغاله فيدخل الغبار مع البنزين وبالتالي تبدى تسكر معك الطرمبه افضل شي تستخدم منظف مع البنزين بشكل دائم مثلا كل 10 الاف كيلو تعبي لك علبه منظف بنزين ويفضل تستخدم ماركه امريكيه مثل STP او AC Delco عندهم ننوع ايضا فوكس

فلتر المكينه ممكن تغيره وتنظفه كل بدايه صيف بعض السيارات مايجي فيها فلتر


up 1 down 0
mrx15 237
قبل 6 سنه و 11 شهر