اسعار السيارات المبالغ فيها في موقع حراج

معك حق قبل اشوي شفت تاهو في الموقع 
2010 هو نضيف وفل كامل ويقول مسيوم ب116
وفيه واحد سامه ب110 وزعل عساك ماترضى 116 على ايش

اسعار خيالية لبعض السيارات
سياره حادها راعيها 32 الف وسعرها بالسوق 24 الف بالكثير
ومنجدها تنجيده بايخه ما ادري عن مراتبها الاساسية كيف نظيفه او لا
كلمته قلت له اللي عندي 20 تناسبك مثل سعر السوق 
قالي زيدها شوي ومن هالكلام المهم شفت السياره حقها 22 بالكثير
لكن ما ارتحت لكلامه ولا حصل نصيب
كيف يحدها 32 اغلى من السوق بكثير وفوق هذا ماهي مثل وصفه بالنظافه

يا اخوان بمناسبة الموضوع هذا 

حصلت كامري ٢٠١٠ فل كامل تندة وحساسات 

ماشية ٩٠٠٠٠ الف تسعون الف 

كم تسوى بنظركم ؟ علما انه حادها ب ٥٠٠٠٠ ؟

جدا جدا مبالغ فيها ولا مان بطاقه جمركية 2004 عليه100 

بضبط واذا سمتها بسعر السوق يقول خاف ربك ولا ترد انت شريطي ويسبب مشكله وهو اساس المشكله

بسم الله ...
هذا سلمك الله اسمه تصريف عشان تفاوضه وينزل لك من السعر ويكون باعها بسعر الأشهر الماضيه
النفط نزل 45% وبتنزل السلع مع النزول خاصة السيارات
الدولار مرتفع صحيح لكن الين الياباني طايح


ببساطة نفس حركة سوق الأسهم
يرفع السعر والطلب يوهمك بأنه عليه طلب والسعر يثبت بسبب الطلب ..لكن مجرد ماتتصرف الكميات تنتهي اللعبة والفلم ...وينزل السعر السعر الواقعي


هذا الكلام مابشمل السيارات الصغيرة موديلات 2012 ,وتحت لأنه عليها طلب حقيقي

المعارض..مافيه مثلها...اقصد الي يلفلفون بسيارتهم....تاخذ وتعطي معه...وتاخذ راحتك...

لكن مثل حالتي مضطر ادور بموقع حراااج...لاني موظف بقرية ولا انزل لاهلي الا نهاية الاسبوع ومافيه وقت

ومن خلال نزولي للمعارض....فرق السعر عن موقع حراااج...تقريبا من 5 الى 10 الاف.

اتكلم عن الي يلفلف بسيارته...اما المعارض..نفسها فلا والله فالغالب الموقع هنا ارحم....لان صاحب المعرض يرفع سعرها ويتكسب...

فعلا الموقع السيارات فيه غاليه جدا خصوصا سيارات هيونداى 

انتا لسه  شفت حاجه  ادخل قسم جيوب لكزس ولايوكن مابينها وبين سعر الوكاله الى شعره فرق 1000 ريال  اخذ لي جديد ابرك لي 

انا اقترح ان المنتدى يطور خاصية مثل موقع اي باى او على اكسبريس حيث يمكن تقييم البائع  او استعادة المال فى حالة النصب

توزيع لايكات اهداء لكم بمناسبه تعديت ميه نقطه

أولا أحب أشكرك على فتح الموضوع والله يعينك على الديسلايك لكن كلمة الحق لازم تنقال
واعذروني بطول شوي واستحملوني شويتين بس!
1-هذا اسمه حراج! والحراج تعرض سلعة ويبدأ التحريج عليها من الصفر ومتى ماوقف السوم
خلاص هذا الي جابته وهذا هو المتفق عليه عند كل الناس!
لكن يجيك واحد ويقول لك لاتسوم بأقل من كذا! ماصار حراج صراحة!
اما انك تحد الموتر وتقول انا ابي فيه كذا أو اتركه للسوم!
وبالنسبة لي اسحب السومة فورا اذا شفته يقول لك السوم في الخاص وصل كذا والسوم في الجوال وصل كذا!
لان هذا ماهو حراج هذا تدليسسسسسسسسسسسسسسسسسسسسس وغش!
2-بعضهم يقول لك الموتر سيم ب كذا طيب يلا بسم الله نبدأ الحراج أكيد الحراج بيدأ مثلا من الألف
أو من عشرة آلاف على حسب السيارة ويصعد حتى يوصل حقه أو حوله!
طيب يجيك واحد ويقول الموتر على السوم! طيب حلو بسم الله نسوم بكذا
ويدخل من حساب ثاني ويرفع السوم مثلا واحد سام موتره ب15 يروح هو يدخل من حساب ثاني ويرفع السوم الى 29 كذا هب طب! طيب خلاص ما احد بيزاود فيها ليش مابعت أبو 29 ؟
وشوي يحط اعلان ثاني يقول لك الموتر محدود! وبعد يوم يقول لك تم تخفيض الحد!
صراحة بعض الأحيان ودي أعلق بس أقول مالي شغل!
مثل فيه موتر اليوم انعرض في الموقع موديله 2007 وقير عادي وماشي 300 ألف ويبي فيه فوق 30!
اتحداه ينزله الحراج والله مايجيب له إلا 20 معاك انه حقك تطلب في السيارة الي تبيه انت لكن خلك واقعي!
عمر السيارة الافتراضي انتهى وقيرعادي ماهو مرغوب ومديله راح كم موديل نزل بعده؟ 8موديلات تقريبا!
وصراحة في ناس فاهمة انه هذا الموقع " للتدبيس" يعني يدبسك بالسيارة(هو يفكر كذا)
طيب مافي احد يشتري بدون مايفحص واكيد اذا فحص تطلع العيوب ويهون عن الشراء
3-البعض يحط لك اعلان مثلا(فورد 2006 مجدد ومفحوص على السوم والسوم على الجوال؟!)
بالله شنو هذا؟وليش عارض سيارتك هنا؟ لازم الحراج يكون علني والبيع يكون علني وبشهود الناس الحاضرة للبيعة!
وبصراحة اقولها في واحد سواها هنا عرض موتر وبعد كم يوم كتب انه تم البيع وستتم دفع عمولة الموقع!
وبعدها بكم اسبوع نزل السيارة مرة ثانية؟! وش هو هبل مثلا؟
لهذا انصح كل واحد يدخل الموقع لا يسوم الا على العام واي سومه فيها خاص وجوال ولف ودوران اسحب نفسك وكمان لا تتنسى انه في ناس يدخل ويرفع السوم وهو لا هو مشتري ولا شيء بس يخرب البيعة
لكن الافضل يكون في حل من ادارة الموقع مثلا يكون فيه مبلغ رمزي لدخول الحراج والمساومة!
عشان نضمن الجادين وايضا يكون فيه مكان مخصص للحراج العلني فقط يعني كل واحد يسوم مباشرة مثله مثل الحراج الي في المعارض لكن هذا الكتروني!
والي سام السيارة ورست عليه البيعة يطلع يفحص ما جازت له الي بعده
وملاحظة اخيرة: لي فترة ماشفت بيع سيارات هنا في الموقع والسبب معروف
يعني مثل واحد كاتب سيارة ماشية 150 الف ويقول مخزن؟!
شنو مخزن االله يرحم والديك؟ المخزن يكون ممشاه مايعدي 10 الآلف أو 20 ياعمي خله 30 بس مو 150
السيارة الاصفار الي راح مديلها ينزل سعرها فما بالك بسيارتك الي مستخدمها وتبي سعرها مثل الوكالة؟
اخيرا اتمنى كل شيء يصير على العام من اتفاق واسئلة وغيره حتى كل واحد يكون على بينة ومايكون في مجال للكذابين
هذا وصل الله وبارك على سيدنا محمد

صراحه يا اخ نبيل كلامك منطقي 100%
ومااقدر ازود اي شي صراحه 

طيب سيارتي في إعلاني رقم 115943662 كم تسوى بنظركم كأقصى حد ممكن توصله ؟!

وهالسيارة في هالإعلان مبالغ في سعرها بعد ؟! http://haraj.com.sa/115665908
وكم السعر اللي تشوفونه مناسب لها ؟ّ!

السعر يهون نصهم يشرطون مواترهم وذا فحصت طلعت ب مشاكل

البعض يعتقد ان رواد المواقع الالكترونية غشم .
وفعلا اكثر الاعلانات يذكر المعلن (كمثال) السيارة مسيومة ٥٠ الف والبيع فرق السوم ههههه
طيب وين الى سام ب٥٠ الف!؟؟. و

^^^^
فعلا......تخيل الفرق 1000 بس...طيب عمولة الموقع نصها وقروشة ولونك بايعها كان وفرة...لكن الكذوب كذوب

ذكرتني بيوم الجمعه وانا بالمعارض فيه جيب له اسبوعين موقف ومسيوم من اسبوع ع كلام صاحب المعرض ب66..والاسبوع ذا قلت كم يبي فيه صاحبه قال 68....وجسلت اكلمه ب65 وقال اشوف لك صاحبه...اتوقع نسا انه قالي قبل مسيوم ب66

المشكلة له الان ثلاث اسابيع....اخذت عامل المعرض ع جنب ومن هنا وهنا...عرفت ان صاحب السيارة من بشكت صاحب المعرض..

والسيارة ع نظاااافتها الا ان فيها بلا الله اعلم به.