اكتشفت الغش متأخر وش الحل

بسيطة شوف كم تكلف الاشياء اللي طلعت واخصمها من المبلغ بناء على الاتفاق بينكم 

أقترح تواجه جارك بالفحص وتاخذ معاك شخص يمون عليه (زي والده مثلاً أو كبير عائلتهم) وتعيد تثمين السيارة معاه وفق لحالتها الحقيقة وتحل المشكلة ودي بدون مشاكل وإن ناسبه السعر وإلا يردلك فلوسك
(المؤمنون على شروطهم ) وانت مشتري على أساس مواصفات وتغيرت المواصفات بالتالي لازم يتغير السعر...
لكن إسمحلي أخي أبو فارس إنك مقصر ...كيف تشتري بدون فحص وحتى لو في مكان نائي ...تروح أقرب ورشة وتفحص
بالتوفيق إن شاء الله وربي ييسر أمرك ويهدي شباب المسلمين للأمانة والصدق ...

يحق لك استرجاع كامل المبلغ حسب نظام الدولة
او الاتفاق على سعر معين مثل 5000 المتبقية يتم التنازل عنها
ولو كان جارك مشتري السياره جديدة تقدر ترفع عليه قضية غش لكن لو ماخذها مستعملة
ممكن يقول انا شاريها بوضعها

وليش ياخذ والده او شخص يمون عليه رايح يخبط بنته هو
ما فيها ميانه السالفة جارك وغشك خذ حقك بالقانون يعني لو غش احد غريب كان اهون
لكن يغش جارة مالك الا تقوله سيارتك وخذها لك او نقص من المبلغ
وطبعا ما ينقص 1000 وش تسوي فيها ينقص المبلغ المتبقي كامل او يسترجع كامل فلوسك

ممكن جارك مايدري عن العطالات أحسن النيه

وإذا ما أتفقتم على ثمن الإصلاح او ثمن السياره بعد المشاكل اللي فيها

كلن يرد الثاني حقه وخلاص

المشكله يا اخوان ان تكلفة الصيانه بحدود 10000 ريال والعداد الأن 160000 يعني الموتر ماشي فوق ال 300000 الف وحسبي الله
ونعم الوكيل. طبعا انا لا اعفي نفسي من المسؤوليه ولكن ثقتي بالناس الزايده رايم تجيبلي العيد

يا حبيبي حتى ولو اشتريت وخلصت مدام فيه غش تقدر تسترد كامل المبلغ
والعداد ماهو شيء بسيط شوف الفرق النصف

هو فعلاً يبو فارس انت مقصر بعد

حتى لو اثق في الشخص لازم افحص واجرب السياره لانه ممكن بكون جاهل عن خرابات السياره

عموماً بلغ الرجال وعلمه باللي صار معك 

وبعدين ترى بعض محلات الفحص خراطين يطلعون لك خرابات ونجحدها مانصلحها وتمشي السياره سنين مابها الا العافيه

اتكلم معاه وقوله حدث عندي ظروف وما اقدر اسدد باقي المبلغ ، ابي استرجاع السياره 

شف الاضرار ومر على اكثر من ورشه وشف كم تكلف 

سالفه تفحص سياره ومايطلع فيها شي هاذي صعبه 
لازم يطلعون عشان مشروع الفحص ينجح ، وياليت نبدي حسن النيه 
واجد الي يكونون مايعرفون شي ، ويكون فيه سمكره والا رش بس من صاحبها القديم

وكيف عرفت ان العداد ملعوب فيه ، يمكن مغير المكينه 
<< ضد العب ب العداد لي سبب حنى مسلمين العالم وش فيهم

اخوي انا فحصت كمبيوتر والفني اعطاني تقرير بأن عداد السرعه ملعوب فيه
 والله اعلم 
طبعا انا لحد الأن لم اواجه البائع بالحقائق .لظروف سفري 

انا ابيع واشتري في السيارات من عام ١٤٠٣هـ  و للأسف ٧٠٪ من السيارات في المعارض ممشاها مو حقيقي
ومو بس شريطيه الا حتى زباين كثير نفس الكلام يا يفصله يا يرجعه يا يغير طبلون
الناس تغيرت   

شوف
قبل لا تظلم الرجال
افحصها عند اكثر من واحد
يا أيها الذين امنوا اذا جائكم فاسق بنبء فتبينوا
تأكد قبل لاتظلم الرجال ويمكن يكون الرجال فعلا ما يعرف
وبعدين انت ماخذ سيارة مستعمله المفروض تعرف ان السيارة استهلكت قبلك
يعني لازم تدفع عليها
والي يقلك يبيلها 10 الاف اتوقع انه بينصب عليك
انا رايح بسيارتي وما فيها الا العافية وطلعلي اعطال اعوذ بالله
لو بصلحها تكلفي مثل الرقم الي قلته
رحت عند واحد ابن حلال قلي سيارتك ما فيها الا العافية روح عبيتك ولا تلعب فيها
هذا الفرق عرفت ان في ناس غشاشين وسراقين بعد

قبل لا تظلمه السيارة معك ممكن تفحصها عند اكثر من واحد
واذا الكل اتفق على كذا ، عاد واجهة وعلمه بلي في السيارة
واذا ما اتفقتم عادي تسترجع فلوسك واعطيه بدل استعمالك لها كنت مستأجرها (طبعا حسب الاتفاق)
والله يجيب الي فيه الخير

ياخوي ١٠ الاف ليش سلامات بتغير قير او مكينه !! 
ثانيا موضوع العداد كيف عرف المهندس الداهيه ان العداد ملعوب فيه  يمكن صاحب السياره فصل حساس الاي بي اس وهذا يفصل السرعه والعداد 

اخوي انا اخذت السياره فعلا كان ال ABS عطلان ولكن بنفس الوقت عذاذ السرعه والمسافه كانوا شغالين.
ممكن تفسر المشكله؟

خلاص دام  خربان اكيد فصله قبل والمهندس التبس عليه الامر وانا اتوقع والعلم عند الله العداد سليم 
ثانيا انت لك نظره تقدر تعرف من الدركسون والقير والداخليه تبين لك ممشى السياره البودي كذلك 

شاكر مرورك اخوي ولكن السؤال ماهو السبب الذي يجعل اي شخص يفصل حساس ال ABS