بخصوص موضوع تحمية السياره من عدمه
8
4
إضغط هنا للإخفاء
السلام عليكم ورحمة الله
يتداول الناس هالايام موضوع تحمية السياره وكثر الكلام في هذا الموضوع
حتى وصل للواتس والسالفه ماهي بسيطه فيها سيارات ممكن تخرب وتنعدم
وممكن تكون معلومه صحيحه
انا من وجهة نظري وبعد تجربة ومواقف صارت معي اشوف ان التحميه مهمه جدا
حتى يرتفع الامبير على الخط على الاقل
واللي صار معي انه كانت معي كامري وكاله ٢٠٠٤ واستخدمتها ٥ سنوات مشيتها ٤٠٠ الف
والان اخوي استلمها بعدي لها معاه ٣ سنوات ولا طلع فيها اي مشكله
لاقير ولامكينه ولالديتر ولله الحمد
وانا شريت لي كامري ٢٠١٠ وللاسف قبل شهر غيرت اللديتر انفجر ودخل مويه على الجربكس وغيرت جربكس ب٦٠٠٠ الاف
والسبب وجدنا شطب في مبرد القير داخل اللديتر
انا فكرت وش سويت قبلها تذكرت اني كنت اشغلها الصباح وانا في منطقه بارده وعلى طول اعشق وامشي
وولعت لمبه المكينه وطفت وبعدها بدأت مشاكل القير حتى وصلت لاخر شي التبديل بقير مستعمل
اتوقع السبب هذا لان موية اللديتر تكون بارده وفقا لعداد الحراره عندك
والزيت يصبح حار بسرعه فاذا مر من مواصير اللديتر الخاصه بالقير ينشطب زي
الكاسه او الفنجال مثلا اذا كان بارد وصبيت فيه شي حار ينشطب
طبعا كلامي عن مبرد القير صحيح ممكن المكينه ولديتر المكينه مايتأثر ولكن مبرد القير هو اللي يتأثر لانه عباره عن مواصير المنيوم
هذا تحليلي الشخصي قد يكون صحيح او خطأ ولكن انا قررت احميها ٤-٥ دقايق حتى يرتفع الامبير وسلامتكم
إبلاغ
سيارات للبيع
الردود
5
1
الحاجه الثانيه افتح الكتلوج وشوف كم مدة التحميه ؟ بكتلوج موتري الازيرا كاتبين اقصى مده هي 3 دقائق فقط
وانا صار لي موقف بكورولا 2007 شغلت ومشيت علطول بعز البرد .. ويوم رجعت الظهر حسيت صوت الموتر مرتفع شوي وبعد مارحت للورشه طلع الوجه الفاصل بين القزوز والشكمان خربان ولازم يغير ؟ والسبب اني مشيت بالموتر بدون تحمية
1
1
14
4
مااتوقع في لزوجة للشتاء والصيف .. يعني مثلاً اللي يستخدم 5w30 صيفاً شتاءاً بدون مشاكل
لكن اللي يحط 20w50 صيفاً و 10w30 شتاءاً مثلاً يضحك على نفسه !
ويكون بعلمك اكثر الاحتكاك اللي يصير في المحرك عند بداية التشغيل عشان كذا الافضل استخدام 5w20 او 5w30 على مدار السنة
وكلها تتحمل اقصى درجات الحرارة وبعدين حرارة المكينة وحدة سواء -60 ولا 60 .. فزيت للصيف وزيت للشتاء خرافة مالها اي صحة لكن الناس تداولوها على انه شيء صحي للمحرك
تحياتي (:
2
1
انا اتكلم عن القير وله مبرد داخل اللديتر حق المكينه هو اللي يتضرر لانه يكون بارد ويجي عليه الزيت حار
اما المكينه ممكن ماتحتاج اكثر من نص دقيقه وتصبح جاهزه
2
0
المقصود التزييت
ولا التحمية قاضين من موضوعها بالنسبة لي ما اعترف بشي اسمه تحمية ابدا
لي ولله الحمد اكثر من 5 سنوات ما انتظر اكثر من دقيقة سواء في صيف ولا شتا
انتظاري هذا عشان دوران الزيت بعد الوقفه فقط
موترين مرت معي خلال هالخمس سنين ما اشتكيت من شي
وفي الصيف ادق سلف والمكيف مع بعض ودقيقة واتوكل على الله
يعني الناس تخاف تشغل المكيف على طول على ابو ان السيارة باردة
ويقعدون خمس دقايق يحمون عشان ما تخرب المكينة
واذا مشى ما يبقى حفرة في الشارع الا وطاها
وتدعيس وزرزره ولا يخاف على مكينته وسيارته
يعني الزرزره ماراح تخرب المكينة
لكن التحمية مهمة << هذا بعضنا كذا شغله
وبعدين المثال الي ضربته ما ينطبق على الالمونيوم
1
1
انا اقصد انتشار الزيت بكامل اجزاء المكينه يحتاج من 10 ثوان إلى نص دقيقه من بداية التشغيل
ماتكلمت عن انواع الزيت بالصيف او الشتاء او انواع اللزوجه
1
0
0
1
وشف اذا حميتها تحرك بسلاسه
وعدم تحمية السياره يعدم جلد البلوف والجنزير عن تجربه
3
0
1
0
0
0
قم بقيادتها باعتدال حتى تصل الى الحراره الطبيعيه
اما من اول ماتدق السلف تشخلها شخل ليشششش
اتت تقدر اول ماتصحى من النوم تركض حتى ماتغسل وجهك
بتخبط بعد كم خطوه
فالامر ينطبق ع السياره
شغل ومروق خذ لك دقيقتين و لا ثلاث حتى يهدا الار بي ام وبعدها امش بشويش
حتى تصل للطبيعيه
2
1
يأخوان
والله إني متعجب لكثرة طرح هالموضوع كل سنة بداية الشتاء ولا شفت أحد أقنع الثاني
سواءً مناصري التحمية أو اللي ضدها !!
عموماً
أبي واحد يشرح لي كيف يمشي على السيارة وأمبير الضغط على واحد ونصف ؟!!
كل سياراتي اللي سبق وشريتها
أول ماشغل السيارة يكون صوت المكينة مرتفع وأمبير الضغط فوق واحد
فلو عشقت ومشيت قبل ينزل لتحت واحد ينتر القير أو يفز أو ينقز أو يقفز حسب المسميات وللهجات
وهذا مضر جدا بالقير ومدمر له !!
طبعاً الكلام على القير الاوتو
خلاصة الكلام
شغل السيارة صيف وشتاء وإذا نزل أمبير الضغط تحت واحد تحرك بدون خوف سواء خمس ثواني أو عشر دقايق ، المهم مراقبة صوت المكينة هي العلامة اللي تدلك على حاجة سيارتك للتحمية
أما اللي يشغل دقيقة ويمشي والضغط مرتفع فصدقوني هذا بيخرب سيارته بيده
وسلامتكم
7
1
يخي سيارتك حلالك من حُر مالك .. حمها ولا لا بكيفك شي راجع لك
عن نفسي مستحيل احرك السياره الين اشوفها هدية و سخنت وقتها احرك
لكن فعلا الموضوع هذا صار ازمه =|
2
0
بصراحه الموضوع هذا يحتاج له مؤتمر و تشكيل لجان و توصيات و ورش عمل و الاستعانة بالخبراء ثم نطلب الدعم من مكتب الأمم المتحدة
خخخخخخخخ
صار هذا الموضوع قضية من جد
0
0
وانت كل الي تحتاجه للسيارة هو تقريبا 30 ثانية حتى "تتزيت" المكينة يعني
يلف الزيت ويوصل لكل أجزاءها!
وبعدها عشق وامشي بس لا تدعس!
امشي على مهلك وبراحتك حتى توصل الطريق العام وامشي طبيعي!
عشان كذا أقول لك خلها دقيقة تشتغل وتشوف امبير الضغط مرتفع طبيعي عشان تسخن!
اتركه لا تدعس له حتى يفصل!
وعشق وامشي على مهلك وما يجيك شيء بإذن الله!
اصلا لو السيارة باردة ما قدرت تمشيها خطوة وإلا وهي طافية!
هذا للناس الي عندهم ثلج يركبون بلف وحساس خاص يشقح الحرارة للنص!
0
0
مع كامل احترامي لك لكن من وجهة نظري ان تحليلك غير منطقي ويكون منطقي على فناجيل الشاهي فقط (: !!
لكن من وجهة نظري ايضاً الشخصية اشوف ان الواحد يحمي من 1 الى 3 دقايق كافيه
تحياتي
قبل 9 سنه و 11 شهر