تجربتي مع الصيانه المجانيه 1000 كيلو

الله يعطيك خيرها ويكفيك شرها
بالنسبه للصيانه المجانيه ( ١٠٠٠ و ٥٠٠٠ ) هذي اعتقد من وجهة نظري 
لازم تسويها ومن بعدها اسحب السيفون للاخير هههههههههه
وتقولي عشق بدون بريك !! كويس يارجال 
انا راحوا ياخذوا فطور في سيارتي وانا مستني ههههههههه
ويطفي الموتر ويشغله دون مايطفي المكيف

طالما السياره مافيها اصوات وصوت المكينه طبيعي يعني ما فيها عيوب مصنعيه لا تدخلها ولا حتى 1000 كيلو
استخدم وغير زيوت بوقتها بمركز مضمون خارج الوكالة وعز نفسك بدل الانتظار بالساعات

الالف هذي زي الدعايه وفي نفس الوقت فيها نوع من السيفتي ع السياره ترى تهمهم سمعه وكالتهم يعني حج وبيع مسابح وع قولتك عشق ومدري ايش سوى
امسكه وخذ اسمه وارفع شكوى عليه وخلهم ينفضون السياره ويغسلونها لو
انها لكزس اهتموا اكثر وانا بعد رايح لهم صيانة الالف معي جي اكس ار لكن شوف ايش بسوي فيهم امسك سرى ويعشق بدون والله لاقطها عليهم واطلب استبدال طيب حلو الكلام شوف بعدها كيف يتناقزون بس لاتتعدى حدودك خلك زي المصاريه اخواننا شد وارخي شد وارخي وانت ماشي......

طيب السؤال السياره ماشاءالله جديده ليش يغسلون المكينه ؟ هذا اللي انا مستغرب منه

انا قد رحت لفرع السويدي كنت اعرف واحد هناك سلمته السياره ورحت اتغدى وجيت وهي جاهزه هذاك الفرع مايطول

اهم شيء غير زيت وفلتر القير ف 60 الف +في 100 الف البواجي غيرها 
في الوكالة نصيحة

في صيانة 5000 آلاف غسلوا المكينة ــ في لمبة طفت في المسجل ــ والمساحات حق المطر ماعاد تشتغل 

راح آراجعهم فيها بس أجيب عداد الصيانة الثانية .. 

لا ياشباب ترى الصيانه الاولى والثانيه ضروريه جدا .. انت فكر مثلا الفحمات والبواجي ماتنتهي الا على 30 الف وفوق ؟ ليش ماخلو اول صيانه على 30 الف وليس 5 الاف 

السبب طال عمرك ان الصيانه الاولى يتأكدون هل السياره فيها خطأ من التمرين او فيها اي عيب مصنعي يكتشف علطول ويتم تصليحه قبل ماتتفاقم المشكله ( عاد كل وكاله تختلف عن الثانيه بس هذا السبب الرئيسي )

لكن وش يضمن لك تطلع الموتر اصفار وماتدخله الصيانه ابددد وبعد ماتوصل 60 الف تخبط المكينه ؟ واذا جيت لمهم قالو ماعندنا لك سنع انت مااتلزمت بالصيانه انت خارج الضمان ؟ وتروح تشتكيهم ع وزاره التجارة وتدخل بمطالبات وسين وجيم واحتمال يضيع حقك

اوكي انا معك انهم حراميه ونصابين .. بس عشان تريح راسك لازم تسوي الصيانه الاولى والثانيه عشان يتفعل الضمان بعدين اسحب عليهم .. والله يعطيك خير الموتر ويكفيك شره 

انتو للحين تروحون الوكاله ماتو الي يرحون حراميه كلاب يحسب للك صيتنهة 5000الف 300وشوي وهي تغير زيت وقيمت الكرتون يطلعه من سياره وحده