الموضوع محذوف

الزيت اللي تستخدمه ثقيل ورقمه لزوجته 20-50 صح ؟؟؟؟؟

اتوقع لاني اغيره عند بترو مين وهم يغيرونه

اخوي خلك عند الثاني 

واتوقع نوع الزيت ماهو مناسب لسيارتك 

وش اسم الزيت ووش السياره 

هلا اخوي السياره راف فور 2012. الزيت بترومين 10 30 أو 20 50 مني متأكد بضبط بس ودي اعرف لو بغير الصفايه كم بتكلف 

اهم شيء لاتروح للسوري نصيحححه من اخ محب 

وعليكم السلام ورحمة الله وبركاته




...... يا ابن الحلال السيارة 2012 ما شاء الله تبارك الله وتوها جديده الله يعطيك خيرها ويكفيك شرها وانتبه لاحد يلعب عليك واترك كلام السباكين على جنب الحين الاجواء بارده هالوقت واكيد الزيت عندك ثقيل ومع البرد يثقل اكثراو له فتره ما تغير انصحك ابداء باسهل الامور روح اقرب بنشر غير الزيت الى لزوجه اقل مثل 10-30 وغير السيفون وان شاء الله امورك فى السليم ....... :)

والله ياخوي الواحد يدور السعر المعقول السوري الله يصلحه 1200 أزيد 1000 واوظب مكينه بس ودي أحد من الأعضاء الكرام يفيدوني أكثر 

اخوي سيف الله يوفقك ويسهل امرك ويطول عمرك تدري ليش لأنك سهلت الأمور علي انت مثل الي يقول هونها وبتهون بروح بكرا اغير الزيت بحط كاسترول 10 30 وعسى الله يهونها

اول شي غير زيت 10 30 سياره باقي جديده 2012 تغير طرمبه الزيت لولعت عليك لمبه الزيت تشتغل في طبلون 

بنسبه لفك الكرتير وتنظيفه وتغير شخال ابو يمن لاينضف لك شخال قله غير شغال وترا سعره رخيص 40 ريال  بنسبه لتغير طرمبه  الزيت ماتكلفك بكثير الى 600 ريال ليه يقولك 1200 بفك مكينه ذا حتى فك مكينه 1000 ابو شكيب يحب دراهم 

هلا اخوي سكودر الحين بروح اغير الزيت وانا اتوقع من الشخال لأن المبه ماولعت حقت الزيت والف شكر لك ولجميع الأعضاء صراحه ماقصرتو 

الله يلعن بترومين وشركة بترومين حاطين لي سيفون كورلا وصغير مره 

اللهم امين وياك يالحبيب والى يهمنى فى الموضوع ان ربي يسهل امرك وتتسهل امورك وتنحل مشككلتك والدعوة الطيبه الله يجزاك كل خير ..... واوجه لك نصيحه اخويه دائم فى السيارات ابدا باسهل الامور ولا تتسرع وتصدق كلام السباكين الحين صار البلد العماله الفاهمه والمتمكنه شى من الماضى وقليل تحصلهم هالزمن اغلبهم سباكين وفى نفس الوقت استغلال وبالنسبه للسيفون لا عاد تغير عند بترمين او البنشري دايم اشتر السيفون من الشركه او من محلات قطع الغيار يكون ارخص وتضمن انه اصلى والمهم انه حق نفس السياره والمكينه وبالعكس ارخص من بترمين والبنشريه اشترى 3 او 4 حبات وخليها فى شنطه السياره وكل ما تبى تغير زيت مع السيفون طلعه وخلي البنشري ويركب وكذا تضمن وفى نفس الوقت تحافظ على سيارتك واتمنى لك التوفيق ....... :)

والله الغلط منك ياتركي 
اول شي خذ فلتر من الشركه اظمن لك 
لاتثق لا في فلبيني او يماني 
وثاني شي غير زيت خفيف يكون 5-30 او 10-30 
وامورك طيبه 
زيوت بترومين ممتازه لكن تجنب الثقيل منها 
موفق

الله يسهله أن شاءالله غيرت الزيت وأحس الصوت خف احسن من أول بصبر يوم ولا يومين وبشوف الف شكر لكم والله يجزاكم الجنه يارب ياكريم 

اذا انت تغير عند بترومين ومن زيتهم اللي يعبيه لك من الطرمبة هذا 20w50 انا كنت اغير عندهم ايام السوناتا


اولا انصحك انك تغير لزوجة الزيت قبل كل شي لانه هذا اللي يدمر الطرمبة ويجهد المكينة وخاصة في فترة الشتاء والمكاين الجديدة كلها المنيوم وماتتحمل ثقل هالزيت


اولا غير بترومين 10w30 علبته بيضاء وغطاه اسود كوووويس ذا


وشف بعد التغيير وش يصير


وطالما ان عندك الطرمبة تعبانه على حسب افادة اللي رحت انا ما ادري عن حالة السيارة الراهنة ، لكن ناهيك لاتمشي بها كثير وهي كذا تفاديا انها تضرب المكينة انتبه


بالتوفيق

مهيب اول مرررة يسوونها بترومين انا قعد سووها مع في السوناتا بس مهب حاط سيفون صغير لا ما لك السيفون كويس

وانا على نياتي جيت ومشيت عليها يوم ونص تقريبا وداومت ايام الكلية وجيت المهم اليوم الثاني جيت بطلع العصر مشوار قريب مررة عند بيتنا واشغل الموتر احس المكينة اشتغالها مختلف بشي بسيط يعني اللي بيدقق وانا بطبعي ولله الحمد اشيك واتطمن على موتري لين يحتمي المهم رحت لمشواري وانا راجع والقى بقعة زيت في المكان اللي كنت ملبق فيه على طول عرفت انه موتري وادنق تحت القى الزيت متجمع على الصاجة ويخر واروح لبترومين اللي جنب بيتنا كان توه فاتح خفت اروح للي اغير عنده وامشي واجد وتتأثر المكينة


وادخل واحوسهم حوس وخليتهم يعبونه علبة صار ناقص علبة كاملة واعبيها واروح لاخوياي اللي مغير عندهم واشلخهم وخليته يغير الزيت والسيفون من جديد وببلاش ومن بعدها تركتهم وعرفت انهم سمعة وزرررف عيني عينك ياخذ فلوس من غير وجه حق عشان عبا لك موية المساحات وشيك لك على ظغط الكفرات


انصحك يا الغالي تشوف لك بنشري كويس تتعامل معه صدقني بترتاح نفسيا وماديا بس شف لك واحد مضمون وتعرفه مايتفلسف وترى تغيير الزيت مايبي له شي يعني حرام بترومين الناس ماخذه عنهم فكرة ومعطينهم اكبر من حجمهم خلاصة الكلام بترومين حررررامية وشغلهم ابو كلب والله اغلبهم رحت لهم مايعرف يوزن الزين ويقعد ساعة يطل تحت الموتر يشوف مافيه تهريب انا اول احسبه حرص منهم صاروا كلهم مفهين ولا يدرون وين الله حاطهم


تقبل مروري

هل اختفى عندك الصوت، ترى عندي نفس المشكلة في رافور 2006 ويا ريت لو وصلت الى حل تخبرني الله يعطيك العافية