بعيدا عن السيارات استشاره يالربع افكر بمشروع

ولد عمي معه جيب شاص بتروال حوض اذا طفر فلل الحوض حطب يروح يحمل حطب ويوقف بدورات للي يرحون البر وطعوس  يشترون منه حطب انا خويته مره وماشاء الله فيها فلوس لو معي موتر حوض ماتردده فيها والحين وقت برد 

 هذي ابسط شي طبعن سمر ممتاز وزين  سوق الجمله  مشروع كويس بس لزم تعرف لك ناس يزبطون لك ببضاعه وتبسط فيها الشغل ماهو عيب بتوفيق مشروع ناجح  

اشكرررك  اخوي  سكودرررر

دائما   لاتتوانا  عن  تقديم  النصائح  الاخويه

وايضا اخواني  مايقصروون
فعلا  الشغل ليس  بعيب  
والعمال  اكلووو كل  شي  

توصيل المعلمات و الطالبات ذهب حتى لو انت الي تشتغل  
اذا المعلمات تبعد عن مكان سكنك حوال 100 كيلو تبي تأخذ على الوحدة 1000 ريال تقريباً 

شوف كم معلمه 

او بنات الجامعة  

الحطب كويس لكن انصحك ترب الدلال افود لك واقل راس مال هه

دام هذي الشغلة بتعجبك


ليش ما تاخذ دينا

وتشتغل في كذا شغله



الباص صغير

الدنيا ممكن تغير نشاطك بسهوله




مممكن تشتغل شغلات رديفه لشغلتك اللي انت مخطط عليها مثلاالسوق فيه ركود او شي تصير تنقل عفش او شي مثلا خربت معك تقدر تجيب بضاعه كميات كبيرة وتورد عالمحلات في القرى والاماكن البعيدة وتخلي بضاعتك عالتصريف مثلا تجيب قبل موسم الدراسة حمله شنط مدرسية سعرها وشكلها مناسب وتوزع عالمحلات الفكرة هذي براسي بس مافضيت لها

اهم شي العمال يكون هندي ( من كيرلا ) اشطر عماله ممتازين


لاتجيب لك واحد عله بعضهم حقود لو كرفته وناوي ينتقم منك يصدم بسيارتك وهو يعرف انها راس مالك ولاتنسى تأمن عالسيارة تأمين شامل علشان تسلم من خاينه بعض العمال

اخوي قالوا لك الشباب واحب اضيف

بالنسبه للحطب احس وضعه صعب ومراقبين ومن وين تقطع الحطب وموسمه ثلاث شهور بالكثير والحموله تاصل الى 2500

نقل المعلمات < لازم سياره جديده ومامونه وفيه مخاطرات وديه لاسمح الله واقصى شئ تطلعه بالشهر 8000 واتمنى السعوديين
يعملوا بنقل المعلمات يارجال الاجانب دعثوا في حريمنا وربي بعيوني اشوف البنات يستهبلن مع الاجانب اقسم بالله وين الغيره يارجال

احس انسب وافضل شغله دينا تحميل حموله ثقيله واقل مشوار خمسميه حتى لو تشيل بعير واحد  ودخلك ياصل الى عشره بالشهر 
ووقتك حرر  واسعار السيارات من ستين الى ميه ايسوزو وانصحك فيها وشغله مافيها مخاطرره


تقدر تشري تريله وتشتغل خطووط وانا والله نفسي بهالشغله بس انها تعب ومخاطرات 

الشغله كلها فيه بركه ولله الحمد يكفيك العمال الهنودي وغيرهم يجي فقير ويطلع بعد كم سنه غني فيها فايده ديرتنا

( المشاريع كثير بس وين اللي يصمل )

الدينا اذا تبغى تنقل عفش او غيره 

كيف تبغى تنجح بين 100 دينا واقفه 


اعرف واحد شغال شغله ماشاء الله 

هو عارف اسعار التحميل والتوصيل 

يجيك الزبون يتصل عليه يقله كم يعطيه سعره مناسب اذا ما اعجب الززبون 

يقل للزبون انت دور عند كل اصحاب الدينات اقل سعر 

وقلي كم تلقى بالامانه وانا اوصل لك بأقل منه بخميس او بميه 




وبعدكذا يصير يعرف زباينه 

شوف حبيب قلبي انا بقولك مشروع اللي باذن الله ناوي اسويه لما تجيني سيوله واعتبره مشروع ناجح

المشروع هو مغسلة ملابس والله ياهي تطلع ذهب والشغله كلها صابون ونشأ

بس اهم شي اختيار الموقع

يعني اذا مالك بالحوسه دور مغاسل للتقبيل بس نصيحتي حاول المحل يكون جديد لان صعب تحصل مغسله للتقبيل بمكان مميز

افضل المواقع هي ( عند شقق عزاب + تحت شقق مفروشه + عند سكن عمال + مكان لايوجد فيه مغسله بنفس الشارع )

لو تفتح عند هالمناطق صدقني راح تدعي لي

وبعد مشروع مغسلة سيارات حلوه بس متعبه بشكل غير طبيعي لان يبي لك مساحه كبيره + عمال مايقلون عن ٤ عمال هذولي بروحهم ميزانيه + المويه بتحصل اشكالات مع الشركه وانت راس مالك قليل

موفق