أضف سؤال أو موضوع جديد          

فرق هائل في اسعار البواجي -عبداللطيف جميلvsامازون

up 8 down 18
fx2y -207
قبل 7 سنه











السلام عليكم ورحمة الله وبركاته 
كيف الحال عساكم بخير ؟
اليوم رحت لشركة عبداللطيف جميل في مدينة الطائف .. بشتري بواجي اريديوم للهايلكس وهي نفس مكينة الفورتنر 2tr-fe
انا : السلام عليكم 
الموظف : وعليكم السلام (بدون نفس) كالعادة
انا : ابي بواجي اريديوم وهذا رقمها (SK20HR11)
الموظف : وش السيارة وكم موديلها 
انا : هايلكس 2007
الموظف : موجودة بس غالية !!!!!
طبعاً انا قلت خلني اشوف الفرق يوم قال غالية كم بيكون (كمل السالفة وبتفهم)
انا: بكم يعني؟ بكل ثقة خخخ!
الموظف : ب 79 ريال !
انا : للاربع بواجي ^_*
الموظف : لا للبوجي الواحد !! 
انا : *_* اوكية شكراً 




طبعاً مغزى الكلام كله ذا وش ! 
انا كنت من الاساس بشتريها من موقع امازون لكن قلت ياولد رح الوكالة واسال عنها يمكن موجودة وبسعر مناسب! لكن تفاجات بفرق السعر الهائل للبواجي !!!!
طيب نشوف سعرها في امازون ونقارنه باللي عند عبداللطيف جميل :
Denso (3421) SK20HR11 Iridium Long Life Spark Plug, Pack of 1 https://www.amazon.com/dp/B002FOO884/ref=cm_sw_r_awd_S7.Fub04
GBCDR




*لمحة: ذا رابط البواجي الاريديوم اللي تمشي 160 الف كيلو عن تجربة شخصية ومنها توفير واحسن من انك كل 20 ولا 40 الف مغير البواجي العادية!
طيب تعالوا نحسبها :
6.53*3.75=24 ريال للبوجي الواحد !
طيب تعالوا نحسب الاربع بواجي من امازون:
24*4=96 ريال
تعالوا نحسب الاربع بواجي من عبداللطيف جميل:
79+4=316 ريال 
الفرق بين سعر البواجي الواحد 55 ريال لكل بوجي !
طيب اللي بيقول الشحن وما الشحن من امريكا تعالوا نحسبها بعد (: !
البواجي : 96 ريال 
الشحن عن طريق ارامكس: 68 ريال
واصلة للسعودية :96+68=164 ريال فقط لاغير!
316-164=152 ريال !




بالنسبه لي اشوفه فرق شاسع وهي نفس البواجي بالضبط وش المبرر لشركة عبداللطيف جميل ببيعه بهذا السعر المرتفع ؟ 
انا والله ياشباب ماهمتني الفلوس لكن يهمني انه محد ينصب علي وهذا نصب عيني عينك ! وفي بدائل كثيرة غير اني اشتري من شخص رافع علي السعر 150%
بالنسبة للشراء من امازون كويس للاشياء الخفيفة عشان الشحن ممكن يكلف عليك اكثر من قيمة السلعه نفسها.




اتمنى اني اكون وفقت في طرحي للموضوع وافادة الجميع.
https://www.youtube.com/watch?v=20uwXGUbup8







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالله اذا قدرت اطلب لي معاك 4 حبات للفورشنر 
وانا في الطائف 

0555528881


up 1 down 5
siaf 348
قبل 7 سنه



كل الوكالات نصابين وماهو بس عبد اللطيف قبيح


up 4 down 1
ألو مرحبا 1895
قبل 7 سنه



لو انا لاعب كرة قدم بشوف لاعب يضحك على الناس ويوقع عقود ولما يستلم فلوسه يقول بطلع ويشوف فريق ثاني وعلى هالحاله وبشوفه ماشي صح (بسوي زيه)

لو اشوف قارئ ياخذ فلوس على قراءة القرآن والناس تدفع له بالهبل وتدعي له (بسوي زيه)

لو انا وكيل سيارات واشوف عبداللطيف جميل يشلح نص المواصفات ويركب صيني والناس تمدحه وتشتري منه دبل السعر (بسوي زيه) 


راجعوا حساباتكم ياعرب : )


up 3 down 6
bandara 1134
قبل 7 سنه



الطاسه ضايعه وانا خوك هي جات على البواجي بس شوف ارباحه بقيمة السيارات تصل الي ٤٠ ٪ ببعض الطرازت

اهنيك على وعيك وثقافة الشراء لديك...




up 1 down 0
panamira 1906
قبل 7 سنه



بقولك معلومه ..

تحويل العمله في امازون 1 دولار = 3.93 ريال

انا دخلت ع البواجي في امازون طلع سعرها 102.91 + قيمة الشحن الى عنواني في الباحه 49.52 = 152.43 ريال

طبعا السلعه تقبل الشحن الدولي وماتحتاج شركة اعادة توجيه مثل وورلد شيب (عشان كذا سعر الشحن منخفض)

حط عنوانك في السعوديه وراح توصلك في خلال 10 الى 14 يوم ان شاء الله ( طبعا اختار ارخص شحن )

بالتوفيق




لاهنتوا كلن باسمه ..
يالازم كلامك سليم .. لكن انا ماراجعت هي تقبل دولي او لا .. 
وبالنسبه للشحن المباشر فيه قروشه شوي اتوقع شركات اعادة الشحن اضمن بالنسبه للاشياء الخفيفه
والفرق ماهو شاسع .. مقابل ضمان وصول الشحنه بسلامة

تحياتي لك (: 


up 0 down 9
fx2y -207
قبل 7 سنه



بالكويت 12 دينار اربع حبات اريديوم
وسلامتك


up 0 down 0
hemi_392 332
قبل 7 سنه



اريديوم ما تركب على المكائن الجديدة وتاكد اخوي ماهو بس تطلب وتمشي!!


up 0 down 1



انا شريت 4 بواجي للهايلوكس 2011
من ابها وكيل يحيا ب 96 اربع حبات وكاله 
ما ادري كيف يبيعها ابوجميل 


اخوي التكلفة من امازون 147 ريال فقط !!!



up 0 down 0



وبالعكس الشحن المباشر افضل واضمن وحق محفوظ من امازون عكس شركات اعادة التوجية


up 1 down 0



صوت العزاوي .. 
انا مستعد اجيب لك كتالوج تاكوما .. الامريكي 
مثل الهايلكس ونفس المكينة 2tr-fe : يقول في الكتالوج استخدم ذي البواجي الاريديوم دايماً فقط وكاتب رقم البواجي 
هاه اللحين بتقولي المكينة تختلف وياليت اثباتك انها للمكاين الجدد !!! 


up 0 down 6
fx2y -207
قبل 7 سنه



انا مجرب الشحن المباشر أفضل وأوضح من الشحن عن طريق شركة اعادة توجيه
جربت الشحن الرخيص ووصلت بعد اسبوعين


up 0 down 1
سلطان4040 1237
قبل 7 سنه