برادو 2015 او فورشنر 2015؟

الفورتشنر 6 سلندر فئتين فقط الفرق بينهم مراتب جلد + مرتبة السواق كهرباء 
اذا معك عائلة كبيرة خذ برادو ﻷنه اوسع ومواصفاته اكثر مثل فتحة سقف 
واذا انت صاحب بر ومكاشيت خذا فورتشنر ﻷنه مخصص للبر والطرق الوعره ويطربك في البر 
والفورتشنر 2015 تغير فيها بعض الاشياء مثل الجنوط والاصطبات 

والله البرادو اجمل بكثير الااذا فرق السعر بينهم 50الف خذالفورتشنر ميزته خفيف في البلد وتحسه لايق وحط طلعات

والله ياخوك اذا البرادو على مواصفاته القديمة وماحصل فيه تغيير او زيادة فئات وتشليح مواصفات فانصحك فيه .. عندي واحد 2005 ستاندر , 4 سلندر شريته بوقتها ب 95 الف وقبل فترة مسيوم مني ب 45 الف على انه ستاندر بس فيه مواصفات يمكن مو موجودة الان بستاندر 15 .. موتر حق كرف بس للامانة غير مريح في الخطوط مثل اغلب الجيوب بشكل عام .. موتري ماشي 580 الف ماغيرت فيه الا قير على 500 الباقي كله اشياء إستهلاكية , اما الفورتشنر اسمع انه حق كرف ايضا بس ماجربته للامانة بس شكله ماعجبني

ارشحلك الفورشنر 6 سلندر موديل 2016 لانه بيتغير شكله بالكامل
وبعد الهايلوكس  2016 والانوفا  2016  بيتغر شكلهم وبالتوفيق 

البرادو يعيبه شكله قبييييح 
و الباقي الله اعلم به 
و بالتوفيق 

البرادو لا تاخذ الا ستة سلندر الاربعه عزمه سيء جدا 

طبعا البرادو افضل من الفورشنر من ناحية الراحة والوسع ويكفيك انه ياباني 

الافضل تاخذ برادو خليجي سبير علاق تانكيين افضل شكل من السعودي

استعمل حالين برادو  الجديد . 

طبعن  قبل لا اشتريه كنت مثلك كذا . محتار بينه وبين الفوريتنشر .

قلت يافوريتنشر . جديد 
ولا برادو مستعمل . 


جربت فوريتنشر 2013 ....  ماعجبني ينسم + ينقز مع الحفريات الصغيره . 

وجربت البرادو ارتحت له مريح الحمدالله مافيه تنسيم ولا تنقيز . 

 وشريت برادو 

تبي شوري وموتر يطربك هيبه وقوة وجودة وبر وخط خذ لك باترول فتك سفاري ثلاجه تانكيين فتحه سقف دوف لوك انوار ضباب امامي مكينة مجنونة وسعر ممتاز فل الفل 2014 ب 140 الف 

وخذه من الوكيل العيسى عنده عرض تدفع نص القيمه والباقي بعد سنتين وضمان 3 سنوات 

وعلى فكرة الفتك ارسى من الفورتشنر  واقوى منه وعيب الفورتشنر سريع الانقلاب