أضف سؤال أو موضوع جديد          

هل ضرب الفرامل فجأة يخرب نظام ABS

up 4 down 6
plus1987 31
قبل 7 سنه



السلام عليكم ورحمة الله وبركاته 
اليوم قدر الله وستر بغيت اصدم واحد ضرب الفرامل بقوة فجاة قدامي وأنا ضربت الفرامل بقوة وسيارتي فيها نظام ABS مانع الانزلاق 
هل يضر هالشي في المستقبل ولا عادي؟
 افيدوني مشكورين 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام
كيف يضر .. النظام مصمم ومخصص لمثل هذه الحالات


up 4 down 0
ahoh 178
قبل 7 سنه



لو انهه يضر ماكان حطوه لك بالسيارة 





يا ابن الحلال النظام وضع ليستخدم احتجت تفرمل فرمل لا تفكر يخرب ولا ما يخرب لو قعدت تفكر كذا بتجيب العيد ترا .. لانك تخاف على الفرامل تخاف على البنزين ما تزيده تخاف تكسر الطارة اخر شي عشان ما تخرب علبتها الخ اخرتها تحك السيارة وتصدمها او يجي غشيم يصدمك لانك مو مع الناس ماشي 
مدري هاذي وجهة نظري
يعني لو فرضا يخرب الافضل تصدم ؟
عموما ما يخربه ان شاء الله 


up 3 down 0
الباحث1 135
قبل 7 سنه



لا ما يضر ابدا ....ونادر يخرب ABS إذا عندك خربان أو مولعة اللمبة أحيان يكون من فحمات خلفي أو أمامي إذا فيها حساس يعطيك إشارة ABS أو عندك نظام تماسك العجلات تعطل يفصل ABS مباشرة لأنه مرتبط بنفس النظام



up 1 down 0



ما ذكرت سيارتك !!! نوعها إيش وموديلها عشان تفيدك أكثر


up 0 down 1



كامري سياحي  2013 


up 3 down 2
plus1987 31
قبل 7 سنه



وني ويلسون جونز لو يقرا موضوعك راح ينتحر ويندم انه فكر فهالنظام


طيب وش اسوي يا اخ شاقح بن مشقوح هنا عندك الشعب يخليك وهالمنتدی بالذات مواضيعه يخليك توسوس بكل شي بالسيارة لدرجة قريت موضوع تحذير انك تعبي مويه قربة المساحات بمويه عادي عشان فيه نسبة أملاح ويشهب القزاز معلومة اول مرة بحياتي اسمعها 


up 3 down 1
flower47 299
قبل 7 سنه



لامايضر ياخي اذااذا نت تتعمد اتلاف الفرامل اكيد بتخرب امافي الحالت العاديه مافي شي الااذتكررالحركه هذي كثير راح ينلوح الهوب ويرج والاقمشه تروح بسرعه


up 2 down 0
سمورة -76
قبل 7 سنه



فلور47
كلامك صحيح
فيه بعض المواضيع اقراها واقول في نفسي انها ماتخلو من حاجتين لاثالث لهما
يا ان راعيها يستهبل ويطقطق على الناس
يا ان راعيها جاهل تمام الجهل بالسيارات

لذلك بعض الاوقات اشوف مواضيع اطنشها 
بس حلوه الاكتشاف حق المويه العاديه تشهب بالقزاز ههههههههههههههه


مع احترامي لك يا اخوي انت كل من قال شي بتصدقه ، ياحبيبي خذ العلم من الناس الفاهمه واللي ماتتفلسف


يعني فيه بعض اعضاء المنتدى ينزلون مواضيع تحس انه من خوفه على السيارة وده يحطها في مخباه او وده يسدد اقساطها وهي واقفه في البايكه مايبي يروح عليها ولا يجي يستعمل موتر قديم ويخليها واقفه عشان ماتخرب ولا تمشي واجد وتسوى له لين جاء يبيع


ياحبيبي انا لما اشتري سيارة جديدة ابي اتمتع في كل فلس دفعته فيها بروح وبجي وبسافر عليها وبسوي كل شي بس اني برضوه بعطيها حقها من الصيانة يعني الزيوت اغيرها في وقتها الفلتر اغيره في وقته طلع عندي خراب معين اصلحه اذا كان يأثر على الموتر اما غير كذا هذا وسوسة مع احترامي


ولو تفكر فيها من ناحية ثانية ترى الموتر ماصنع الا هالاشياء انك تروح وتسافر وتجي عليها خربت ماخربت عاد هذا كتبت الله لو انك موقفها في وسط بيتكم


خلاصة الكلام الموتر ماعليه الا العافية ولا تفكر واجد في موضوع اخاف ادعس الفرامل بقوة تخرب ولا مدري وشوا ترى مثل ماقالوا الشباب بيجي يوم وبتجيب العيد وبتدف اللي قدامك والسبه خوفك الزايد على الموتر ، ولا بتصير سواقتك سواقة سواقين ماسك اليمين وكل شوي تهدي خايف انك تقوي على الفرامل وتخرب


يبن الحلال سق سواقتك هدوا بقوة هد مشوا امش ، خرب الموتر عاد هذي كتبت الله ، وثانيا الكامري والسيارات هذي ماشاء الله عليها صبورة وتتحمل يعني لاتشيل هم


تحياتي واتمنى انك فهمت كلامي زين وتغير نظرتك للسيارة انها مجرد وسيلة مواصلات وبيجي يوم وبتخرب سواءن وقفتها في البيت ولا طلعت عليها ، وسع صدرك وعش الحياة


up 0 down 0
a.ibrahem 3169
قبل 7 سنه



انا يامكلمك موتري 2009 اوبريس طبعا ، ويهدون في وجهي وادبل وبعض الاحيان يشبك ABS من قوي الفرملة والسبة الغشمان اللي فيذا وانا بطبعي اخلي شوي مسافة بيني وبين اللي قدامي ليس خوفا اني ما اتمالك السيارة ولكن تعرف المفهين اللي وراك ممكن يجي مدرعم ويضفك وتبلش


ولا قد عمري فكرت ان موتري يخرب فيه ABS ولا يجيها شي ، الحمدلله موكل الله واداوم كل يوم 110 كيلو تقريبا رايح وجاي ومشاويري في الليل وكادها ومادها بس اني اواضب على تغيير زيوتها وفلاترها واداريها اول باول


والحمدلله لها 9 شهور مع ماشاء الله تبارك الله ماعرفت درب الورشة اللهم غيرت مساعدين قدام وسويت وزن وغيرت كفرات وبس


وانت 2013 وخايف تخرب ، وكل الله ياحبيبي وكل الله



up 0 down 0
a.ibrahem 3169
قبل 7 سنه



العنوان مضحك
أصلا ال ABS يشتغل لما تضرب فرامل فجأة وبقوه 
يمنع السياره من لانزلاق ويخليك تهدي تدريجي


up 0 down 0
pirlo.z 425
قبل 7 سنه



خلاص اصدم اللي قدامك وقله معلش خفت يخرب علي ال ABS من كثر الاستخدام ... 


up 1 down 0
benz lover -75
قبل 7 سنه