المكيف وأثره على السياره

وعليكم السلام ورحمه الله

اي شي يزيد عن حد مو كويس له هالمثل مو لـ الأوادم وبس لكل شي
كل شي له طاقة وحمل لتأدية وظيفة معينة وعمر إفتراضي مافي شي خارق على العاده
وش اكيد اذا زدت الحمل عن اكثر من المخصص له بيكون الامر عكسي او سلبي وبداية النهاية
بالتوفيق

أتوقع لا إذا كانت السيارة جديدة ... لكن الأفضل من وجهة نظري عدم تشغيل المكيف فترة طويلة أثناء الوقوف .. 

هذا رأيي ونسمع كلام البقية♥

انا من ناحيتي اشوف عادي  دايم اخلي سيارتي بالساعات واقفه والمكيفف شغال وماعينت الا كل خيير 




وبعدين تسأل عن المدى البعيد له اضرار ولا لا.. انت بالاول اضمن نفسك تعيش لبكره ولا لا 

ماعتقد لأنه سيارات الشرطة والدوريات تتوقف بنقاط التفتيش ونقاط التمركز ساعات طويلة ..والعسكري جالس فيها .والمكيف شغال ماضرها

لن يصيبنا الا ما كتب الله لنا ...

وعليكم السلام ورحمة الله وبركانه.
توكل على الله وان شاء الله مافيه اي ضرر وشوف كتيب السيارة اذا مذكور فيه من ضمن التحذيرات عن تشغيل المكيف والسيارة واقفة فمعناه صحيح غير كذا مافيه الا العافية

هذي من خزعبلات الاولين حتى كانوا يقطعون سيور المكيف اعتقاداً منهم ان المكيف يضر بالسياره حتى وهي ماشيه ،،،

ولو يأثر كان ماتلاقي سيارات موديلات قديمه للان تعمل . اذكر كنت بالكليه اطلع اجلس بالمواقف واشغل المكيف لمده ٣ ساعات وعز الحر وللان ماشيه السياره زي الفل من ١٠ سنوات.

تحياتي اخوي

كنت انام بالساعات ايام الكلية في كرسيدا 92 والمكيف شغال

عادي وش المشكله سيارات ساهر توقف 8ساعات والمكيف شغال ولاتضرر اهم شي حرارة السياره مضبوطه ماتصخن ومابيجيها شي ان شاءالله

مالها ضرر اطلاقا
والسيارات اللي ترتفع درجة حرارتها اذا شغلت المكيف والسيارة واقفة هذي فيها خلل في المراوح
اما لو المراوح تعمل بشكل طبيعي ماراح تؤثر نهائي

اجلس فسيارتي الكرسيدا بالساعات ساعتين و4 و6 واحيان 10 ساعات

والمكيف شغال عادي مافيها شي اهم شي ماترتفع الحراره… 

اذا السياره مافيها مشاكل حراره فمايضر اما اذا فيها حراره الافضل اطفاء المكيف 

اذا كان الموتر جديد ودورة التبريد فيها فعالة وممتازة بنسبة 100% ماعليه الا العافية


يعني اللي يتأثر من كثرة الوقوف مواتر قديمة مرررة او فيها مشاكل في حرارتها يعني مشهورة بارتفاع حرارة المحرك اذا وقفت مدة طويلة


لكن اذا معك ياباني ولا كوري ماعليك الا العافية

انا كانت معي سوناتا 2006 دخلت كلية التقنية وسنتين وانا اوقفها ساعتين ساعة ونص شبه يومي وطاق المكيف وحاط الشماسه وانتفض ماشاء الله من برودة مكيفها ، وبعتها وهي ماشيه 310 الف ماشاء الله حرارتها ماتحركت شبر ومويتها مافيه انظف منها اهم شي الواحد يداري الرديتر ويحط له موية اصلية اهم شي مهب يحط ذا الجالون ب 10 ريال وماعليها الا العافية


تقبل مروري ، ويمكن فيه ناس لهم وجهة نظر ثانية ان كثرة الوقوف يجهد المروحة لكن اشوفها طبيعية جدا لانها ماتشتغل مروحة التبريد بشكل مستمر تشتغل فترة ولين برد المحرك فصلت وبعدين فيه سيارات ماشاء الله معروفه انه من ناحية حرارة انس اذا كنت مواضب على موية الرديتر وتتابعها اول بأول


بالتوفيق للجميع

بعض السيارت وليس الكل عند الوقوف السياره لفتره طويله والمكيف شغال ترتفع الحراره فوق النص وهذي صارت معي شخصيا ولمن طفيته رجعت الحراره لحالتها الطبيعيه علما بان السياره وانيت سلفرادو وكاله 6 سلندر

عاش بو علي
كانت المشكلة عندي وراحت يوم نضفت الراديتر تنضيف ممتاز وغيرت البلف راحت ...لأنه من وكالته ماترتفع حرارته بس يوم صرت أريده مودة مقطرة بدون موية راديتر ارتفعت مع الوقوف

ما يصير شئ. اهم شئ حاول لا تنام في السيارة والمكيف شغال( لو ما تعرف هذه المعلومه اقرأ عنها)