أضف سؤال أو موضوع جديد          

تويوتا كورولا 2015

up 28 down 6
ssv8 1048
قبل 6 سنه و 11 شهر



السلام عليكم ورحمة الله وبركاته 
أسعد الله أيامكم وأوقاتكم يا أعضاء منتدى حراج 

أولاً أنا حبيت أقدم هالتقرير عن الكورولا 2015 ، لأنه كثيرين محتارين بينها وبين سيارات ثانيه 
طبعًا هالتقرير بقدمه لكم بكل حياديه إن شاء الله وللعلم أنا لست رئيس شركة تويوتا موتورز ولا أعرفه ولست أحد المسوقين لها داخل المملكة العربية السعودية أو خارجها ( صدقوني بيجني واحد متفلت علي ويقول انت داخل شريك مع واحد يمني في محل قطع غيار تويوتا )

ما علينا أهم شيء نفيد ونستفيد في هالموقع
وكلامي كله راح يدور على فئة محدده وهي الـ إستاندر 

نبدأ في المواصفات : 
- محرك 4 سلندر 1.6 لتر 122 حصان
- 16 صمام بنظام VVT-i مزدوج و نظام وقود EFI
- ست سرعات يدوية/أربع سرعات أوتوماتيكية
- عجلات مقاس 15 بوصة 195/65R15 مع أغطية كاملة
- وسائد هوائية أمامية للسائق والراكب
- فرامل مانعة للإنغلاق (ABS) مع مساعد فرامل (BA) وموزع فرامل إلكتروني (EBD)
- شبك أمامي أسود اللون
- أنوار أمامية هالوجين
- مقابض أبواب خارجية ملونة
- مرايا خارجية ملونة بتحكم كهربائي
- نوافذ بتحكم كهربائي مع قفل مركزي
- نظام دخول مضيئ للمقصورة
- جهاز فتح الأبواب عن بعد
- مقاعد مخمل
- حركة كرسي السائق والراكب يدوية بأربع اتجاهات
- الكرسي الخلفي ثابت
- دعاسات أرضية مطاطية*
- مكيف الهواء اليدوي
- مقود يورثين رباعي الشكل بأزرار تحكم بالنظام الصوتي
- حامل اكواب امامي ثنائي
- راديو مع مشغل أسطوانات MP3 و منفذ USB & AUX

خلصنا من مواصفاتها ، هذي طبعًا فئة الـ إستاندر ^ 

نجي الحين ل تقييم السيارة 
طبعًا التقييم راح أبنيه على إستخدامي للسيارة لمسافة 10آلاف كيلو 

-السيارة تملك عزل أرضي يعدّ من الأفشل بالعالم ، صوت الشارع يسولف عند اذنك (0 من 10) 
- عزل الهواء عن المقصوره لا بأس به ( في السرعات المتوسطه ) (6 من 10 ) 
- الديكور الداخلي شكله جميل ومستوحى من ديكور الافالون 
- رساوة السيارة مقبوله  ( 6 من 10) 
- المراتب غير مريحه في المسافات الطويله والعكس للمشاوير البسيطه ما راح تحس فيها ( 5.5 من 10 ) 
- صوت المحرك في السرعات المتوسطه ( 8 من 10 ) 
- مساحة الارجل في المراتب الخلفيه ( 5.5 من 10 ) 
- التكييف ( 8 من 10 ) 
- السماعات ( 7 من 10 ) 
- المرايات الجانبيه ومقدار الرؤية ( 7 من 10 ) 



والحين نجي للشيء المختلفين عليه الناس وهو القير 
طبعًا بعضهم يقول ان القير 4 نمر زفت وما ينفع والموتر يحنّ اذا زادت سرعته 

أنا صراحة توّي واصل للرياض جاي من الدمام ، وإستغليت هالفرصة عشان أصور لكم عزم الموتر وأصور لكم صرفيّة البنزين 

أول صورة عندكم هذي قبل لا أمشي ، عبيت عند أول محطة في الخط وحركت 

الصورة الثانيه ، هذي المسافة اللي بقطعها لين الرياض ، أول لوحة جتني صورتها

الصورة الثالثة ، هذي عداد الضغط على سرعة 180 ووصل 4,400 دورة ( اعذروني على التصوير ، راجع لحالي مامعي أحد ^_^ ) 

الصورة الرابعة ، عداد الضغط على سرعة 200 ووصل عند 4,800 دورة 

الصورة الخامسة ، عداد البنزين بعد ما دخلت الرياض ، طبعًا سرعتي بالخط كانت 140 لا زيادة ولا نقص وكنت مشغل المكيف ( للي يقولون ان المكيف يصرف بنزين ، ما ادري عن هالمعلومة ) 


وبالأخير أنا بترك التقييم لكم في القير وصرفية البنزين ^_^ ونسمع رأيكم 

أهم شيء إذكروا الله اذا عجبكم شيء 
( ما شاء الله تبارك الله ) 


ما اسمح بنقل الموضوع إلا بذكر المصدر 
العضو ssv8 ، لشباب منتدى حراج 


في أمان الله 














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي عندي مشكله بالمسجل لما ادخل سيدي عادي او ام بي ثري يجلس ١٠-١٥ ثواني ويطلع مدري وش المشكله او لها حل دلني عليه الله يجزاك بالخير جوالي٠٥٥٥٥٧٥٤٦٧


up 0 down 1
abdulah 43 -9
قبل 5 سنه



عندي وحده فل .. عيوبها عزل الهواء سيئ والديكور تجميعه ضعيف .. ولكن اشهد لها بالرساوه والتكييف والمساحه الخلفية والنور الزينون ماشاء الله يفرش الخط


up 0 down 0
hawk south 12
قبل 5 سنه