استشارة بموضوع التصريح للقيادة

ماهو صحيح تحت ال ١٧ بيوووم واحد مايطلع 

أن يتم من العمر 17 عام
إجراء الكشف الطبي
عدد 6 صور شمسية 4×6
يتم إحضار صورة من الهوية كالتالي :
المواطنين : صورة من البطاقة الشخصية
مواطنين دول مجلس التعاون : صورة من الجواز وأن يكون مضى على دخوله المملكة ثلاثة أشهر متواصلة دون سفر
المقيمين : صورة من الإقامة
إرفاق خطاب بموافقة ولي الأمر أو الكفيل
ملف لحفظ الأوراق

طيب يمكن طلع نظام جديد الي هو ١٦ سنة ٦ شهور 

يارجال سوق ماعليك من أحد بس حاول تتفادا نقط التفتيش 

يعني حاول ان مشاويرك داخل الحي 

داخل الحي ماافي ولا شي لازم اخرج من الحي عشان اقضي المشاوير بس ي ليت لو احد عنده خير عن التصريح ذا الي ٦شهور

يارجال بس خل اسلوبك حلو ويمشونك ماعليك ان شاء الله 

مافي تصريح ابو 6 شهور لاجديد ولاهم يحزنون ..

طيب ماافي حل ثاني يعني فقدت الامل خلاص ؟؟؟
اكثر الناس مدري ليه تقولي روح وحيعطوك وواثقين من كلامهم لدرجة كانهم ف عمري !!!
وجربو الشي ذا

الحل انك تروح وتسأل في دله لتعليم القيادة لكن ما اعتقد انه فيه هم رافضينها اصلن لأن 16 يعتبرونه صغير جداً حتى على التصريح لكن ممكن اضافوه بعدين الله العالم لكن اللي اعرفه مافيه انا سأل قبل سنة وشوي تقريبا وعليها

لكن الحل الثاني يا الغالي انك تسوق ولا عليك الا العافية ، طالما ان الواحد مترفق وراكد ومهب مبين عليه الطيش وحركات المبزرة مع احترامي للجميع ماعليها الا العافية انا سايق وعمري 16 تقريبا واروح المدرسة واجي وفي الصيفية شفت لي وظيفة صيفية وفي شمال الرياض واروح واجي ولحد تعرضني لكني ولله الحمد مترفق وراكد ومالي في حركات المراهقين رش جنوط وتظليل وخربطه ، وصدقني اللي يمشي سيده ولا يخالف النظام ماراح يضره شي ، ولو وقفوك يمكن اذا استقعد مرة العسكري بيعطيك مخالفة وحاول انك تتجنب الاماكن اللي تعرف ان فيها تفتيش واستقعاد


تحياتي

طيب كيف امشي سيدة بدون مااخالف النظام وانا مامعي لا رخصة ولا تصريح وانا بس عندي استمارة السيارة وبطاقة الاحوال 
يعني مايشيلوني ع الحجز !؟