بخصوص مساعدات كورولا 2009

اول شي رح افحص يمكن الموتر يحتاج جلد عمود وجلد مقصات وكرسي مساعد وبس ، مهب شرط المساعد على طول

بالنسبة لي انا من سكان الرياض ولا اعرف احد في الشرايع ، لكن دور لك على ميزان كويس ومايتفلسف ومايمنع انك تمر اكثر من واحد حتى تتأكد من وجود تلك الخرابات في سيارتك

بالتوفيق

اذا كانت المساعدات تهرب زيت وبتغيرها مافيه ازين من الوكالة لا تركب شي مهب زين ثمن تتحسف بعدين ولا خلها على فاله

لو المشكلة بالمساعدات.. و ماقدرت تاخذ مساعدات الوكالة 

بتلقى مساعدات kyb  ارخص و افضل 

بس المساعدات لو خربت بتحس ان السيارة تناقز وصارت زي السفينة تموج فيك هنا يعني صح المساعدات ودعت وتحتاج تغيير

اما اصوات بسيطة الاكيد انها جلود.. والطقطقة اوقات من العكوس والمقصات

انت مهبطها او مرفعها ولا على وكالتها ؟؟

الحفريات والمطبات ماتخلي شيء على حالة

جزاكم الله خير عالرد

كشف عليها جاتني كل الخراب اللي ذكرتموها..اسب لان اللي بلي اهلمها من يوم طلعها من الوكاله

كراسي مساعد اثنين امامي + عمود توازن اثنين امامي+اثني مسمار توازن امامي+اثنين عكس + مقصات اثنين امامي+جلودكمر اثنين خلفي + اربع مساعدات...طبعا الجلود وكراسي مساعدات والمقصات اصليه....والمساعدات الاماميه انجليزي...والخلفية يابني وبقية القطع كلها يابانيه ..العكوس يابانيه كذلك

الحمدلله ضبط شغله ..اخذ طول الصبح الين اذن الظهر وهم اثنين

خمني بالمبلغ شوي لكن الحمدلله

الله يعطيكم العافيه