الكامري والجربكس
3
2
إضغط هنا للإخفاء
السلام عليكم
ياخوان انا في واحد الله يخسه شريت كامري ٢٠١٠ سبورت لولوي فل كامل
ماشيه ٥١ الف. وفحصتها طلع القير ٩٥ والمكينه ممتازه
وماشاء الله بعد التجربه المكينه اغير زيتها بعد ٥ الاف اصفر ولاينقص اذكروا الله
المهم خالي معاه اكورد ٢٠٠٤ مهربده وامتحني يقول يبغاها راس براس ؟؟
انا مشتري الكامري قبل سنه ب٥٧ الف
والاكورد ماتسوى ٢٠
ومره يقولي الكامري كأنها لكزس وقفتها !!!
وانا اتهرب منه المشكله حصلت قبل شهرين من الان وانا ماسك
خط الجنوب الطائف جات نتعه قويه والسياره لسه ماشيه ٦٥ الف
والله واروح لميكانيكي وكشف عليها حصل مويه بالجربكس
قالي اكيد مبرد القير انفجر ودخل مويه ع الجربكس روح غير المبرد وغير الزيت
وان شاء الله تزبط انت وحظك
رحت سألت عن مبرد القير ماينباع لوحده لازم مع اللديتر كامل وقيمته جديد ب٢٧٠٠
واروح لباكستاني حصلت عنده مستعمل واخذته ب٣٠٠
وكشف على مبرد القير القديم طلع ينسم زي خرم الابره
وغيرته وغيرت الزيت وللاسف الان بعد مرور شهرين
لازالت النتعه اذا تعديت ٨٠ تجي وتختفي خفيفه واحيان تختفي وعادي امشي عليها ١٦٠ ولافيها شي
غير نتعه تجي احيانا
واليوم ولعت لمبه المكينه وصوت ونه قويه من الجربكس. ولاادري وش اسوي
رحت لمهندس تركي قالي الصوت من الجربكس ممكن تكون رمانات لازم ينفك
فاللي يخبر لي مهندس ممتاز في الطايف واهم شي أمين ماينصب علي
يدلني عليه لاهنتم والشي الثاني
لو صلحت الجربكس اخاف ينفجر مبرد القير مره ثانيه ونفس المشكله لانه المنيوم
وش الحل مع تويوتا والله انهم داجين في الموديلات الاخيره ماهناك جوده
واسف على طول الموضوع
إبلاغ
الردود
4
1
ياحبيبي توكل ع الله وماعليك من كلام أحد
وبعدين وش تويوتا داجين
معنا 2011 ماشيه 220 الف مافيها ولاشي ماشاء الله
حاول تفك كارتير الزيت وشوف وش بلاه القير
1
3
ممكن تكون عين و ممكن ربك كاتب هالشيء
و اذا تبي تتطمن قول له صار لها كذا و كذا اذا ذكر ربي و قال ماشاء الله و حسيته ندمان ف هالشيء مو منه.. واذا حسيته مبسوط اعرف انه بسبب عينه
لو اني من الطايف كان افدتك
عموما ابدأ بالاشياء الصغيرة قبل ماتفك الجيربوكس نصيحة
1
0
1
1
واللي يقول عطها خالك طيب انا اخسر ٣٥ الف ليش !!
واللي يقول موسوس والله اني ماشكيت فيه الا بعد ماخربت السياره يعني ماهي وسوسه من البدايه ونقول خربت عشاني موسوس لا والله بالعكس انا انسان مؤمن بقضاء الله ولا افكر كثير ولله الحمد
والاخ اللي يقول خذ من اثره هذا اللي ناوي اسويه ان شاء الله اليوم
2
0
لكن اللحين حتى الاقارب ينظلونك هاذي وهي مستعملة اجل لو انها جديدة وش يقول ؟
اعوذ بالله بعض الناس مايملى عينها الا تراب اجل كامري وقفتها وقفة لكزس ؟
خالك عينه فارغه ولا في احد يضر ولد اخته ؟ عموماً قدر الله وماشاء فعل
انت خذ من اثره وحطها بمويه ورش الموتر بهالماء وان شاء الله خير ..
وودها للحلواني في الطايف خلف محطة مكة شغلهم نظيف وارخص من ابو جميل.
موفق
2
0
انا متأكد انها بدون قصد ممكن السياره عجبته ولاذكر الله وأنا والله مستحي اصارحه ولكن باخذ اثره وربي ييسرها
2
0
حيتعب القير مايسخن القير بالشكل المطلوب خذ نوع رخيص وولفه قدام رديتر المكيف منها القير يعيش ومنها انت ترتاح ولا تخاف
يصير معاك اي مشكله والرديتر مادري يتصلح ولا لا بس خلي المبرد خارجي وروح لخالك وخليه يدعي لك ويدعي ويبارك لموترك
افضل حل تسويه
والله يوفقك تمنياتي لك بالتوفيق
0
1
الله يعينك ياخوي
2
0
2
0
اخ عبدالعزيز اذا سحبت المعيار يطلع زي الطين وهو زيت محروق
0
0
عموما احسن رد الي قالك الغي المبرد الي برديتر الوكاله وركب مبرد خارجي
رغم اني اشوف المبرد الخارجي الكبير ممتاز .. ومهما فجرت السيارة يحافظ ع حرارة القير بس عيبه ينزل ضغط طرمبه زيت القير شوي زيادة
اخر المشاكل وخذ من اثر خالك .. وبإذن الله بسيطه لا تخاف
1
0
لانه لما اسحب المعيار يطلع زي الصدا حتى العصا بدأت تتأكل
0
0
لكن ممكن تنفع طريقه انك تسحب لتر وتعبي لتر لين كل الزيت يصير صافي
تسحب لتر وتعبي لتر وتمشي مثلا 3 الاف كيلو وترجع تسحب لتر وتعبي لتر وع هالحال لبن يصفى الزيت
بمكن تزبط ويمكن لا .. وروح للوكاله وشوف اش يقولوا .. ومراكز الصيانه الكبيرة بترومين وغيرهم
0
0
قبل 10 سنه