القول الأخير في تغيير زيت القير
6
2
إضغط هنا للإخفاء
السلام عليكم
للي شاف مواضيعي السابقة اكيد يعرف اني كنت متردد بموضوع زيت الجير
المهم القصة باختصار اني اشتريت قبل كم شهر كامري ٢٠٠٧ اوتوماتيك مستعملة
كانت ماشية حول ١٨٠ والان فوق ١٩٠
كنت اغير زيوت عادي بالبناشر
لكن قلت اجرب بترومين ولما شيك على زيت الجير قالي لازم يتغير
هنا انا ترددت لاني كنت سامع عن مشاكل حول هالموضوع
المهم سألت قالوا روح للفرع الرئيسي بحي الاندلس
وفعلا رحت وشافوها وجربها الفلبيني اسمعه قال الجير اوك مافيه مشاكل
ومع ذلك قالوا نغير على مسؤليتك
قلت غيروه
قالي بس ترى لازم تغير ثلاث مرات كل مرة تمشي عليه الف والرابعة نغيره لك مع فلتر على شان الزيت اسود ومحروق ويمكن يضرب عليك الجير لو غيرناه من اول مرة
قلت امري لله انتم اخبر
رحت لمنيف النهدي واشتريت الفلتر والغازقيت والزيت هذا
الي لون علبته اسود
وغيرته ومشيت عليه اسبوع بس احس بثقل بالسيارة مع انه تغييراتها جيدة
ويوم كملت الف رحت مرة ثانية للنهدي واشتريت نفس الزيت ومريت على بترومين وغيروه لي
طبعا كل تغيير ياخذون ١٠٠ ريال مع اني اشوفها ماتستاهل ٥٠
بعد ماغيرت المرة الثانية احس اني ماني مرتاح مريت على كم ورشة مختصة بالجربوكسات الي يقول خلاص رح يضرب عليك الجير والي يقول لازم تغير الفلتر الان لكن انت وحظك يمكن ماتمشي
خطرت لي فكرة اروح الوكالة واسأل مالكها الاول متى اخر مرة غير الزيت
وفعلا مريتهم دق رقم اللوحة عالكمبيوتر وقالي غيره على مية الف مع الفلتر
هنا انا قلت الحمد لله يعني مو ماشي كثير
سألته كم التغيير عندكم لو القطع من عندي
قالي ٥٠٠
اشتريت زيت للمرة الثالثة خلال اسبوعين
وجبتها ثاني يوم الصباح وعلى طول دخلوها للصيانة
بعد ساعة تقريبا والا ينادوني
قلت الله يستر :)
والا يقولو لي ترى هذا الزيت الي علبته سودا مو حق سيارتك
هذا حق الموديلات الاقدم
الزيت حق القير الي لون علبته فضي
قلت خلاص غيروه وخلو هذا ارجعه
المهم استلمتها امس العصر وفعلا احس بتغيير والسيارة اخف
سألت المهندس عن قصة ان القير يخبط بعد التغيير
قالي والله اسمع ولا شفت وقال احتمال اذا القير فيه مشكلة اصلا فممكن بعد التغيير تصير اوضح مثل التأخير
وقالي امس جا لنا لاند كروز ماشي ٢٦٠ على زيت الوكالة
وغيره والحمد لله ماصار شي
الزبدة من كل هالكلام
لا تسمعون فتاوي الورش والي مايعرف وضع سيارته اذا هو مستخدم ثاني
يراجع الوكالة يمكن يلقى جواب
بعدين الفني قالي ايضا مو اي احد يقدر يعاير الزيت تمام
لانه ممكن علبه وحدة ماتكفي
وانا اشوفه كان ينزلها ويشغلها ويطلع فوق يدور الزيت
وجماعة بترومين حط الزيت وامشي
فالافضل الواحد يروح الوكالة حتى لو دفع زيادة يرتاح من هاللفلفة بين المحلات
وسلامتكم
حبيت انقل لكم تجربتي على شان تستفيدون لان الكلام حول هالموضوع بالذات كثيررررر
اضافة
على فكرة وقعت تعهد في الوكالة بعدم مطالبتهم بشيء
إبلاغ
الردود
هذي من اختراعات شعبنا
ولا طول عمري انا والي اعرف نغير زيوت القير ما واجهتنا مشاكل
0
0
1
1
1
0
اخوي انا قلت لك من قبل معاي نفس موترك كامري 2007 اوتماتيك وماشيه 250 وكان زيت القير مررره معدوم واسود وانت سبق وان طرحت موضوعك وقلت لك خل عنك الشك وابعد عن كلام الناس انا شريت زيت القير والفلتر والمعجون اخذت نوع الماني ممتاز جدا جربته قبل على يارس ماشفت منه مشاكل ولله الحمد ورحت ورشه مكانيكي اعرفه منت زمان وقال بغير لك الفلتر والزيت ب100 ريال بس والحمدلله غيرته من اول مره ولاحظ الزيت مررره معدوم واسود وله ريحه بس الحمدلله اهم نقطه تاخذ الزيت المخصص لنوع سيارتك الي علبته اسود واحمر مو الفضي ونظف لي الكارتير بالبنزين وصبينا الزيت ولله الحمد السياره الحين ماشيه 7000 والحمدلله تمام بس اول 3000 كيلو كان الموتر ثقيل شوي بعد ماتعديت 6000 كيلو صارت تغيرات القير سلسله ومفروض ماخسرت نفسك كل شوي تغير زيت
1
0
الله يعافيك ويبعد عنك الخشق :)
،،،،،،
Naac
الظاهر كل مستخدم وماتعود عليه
انا ماكنت اعرف انه يتغير
وعندي مرسيدس قديم صار لها اربع سنوات ولا قد غيرته
،،،،،،
ابو غالية
محشومة فلسطين عن هالقضايا
لكن انت خابر الواحد ماوده يخسر راتبه كامل في غلطة لا سمح الله
1
1
0
0
وانا احترت فشي عليك بالوكاله
وخذو الزيوت من الوكاله خصوصا القير برقم الشاص يطلع لك الزيت المناسب
0
0
،،،،،
اخ شاقح
مشكور انت من الاشخاص الي شجعني عالتغيير
والي مكتوب بكتلوج السيارة انه على ٤٠ وعلى ٨٠ الف يتم التشييك على الزيت وتغييره ان احتاج الامر
0
0
خلك من بترومين ومن اي ورشه. الاهمم نوع الزيت
اذا بتفكر تغير تفتح كتالوج السياره وتلقا نوع الزيت المخصص لنفس السياره
تصوره وتروح محلات الزيوت وتشتري نفسه وبعدها تروح ترايستار او اي ورشه مخصصه بالقيور وتغير عندها وانتهينا
انا جيت رحت بترومين ابي اغير زيت القير ووريته نوع الزيت المخصص لسيارتي وقالي لا مو موجود وهو نوع iv
وبعد البحث والتحري ودرت بكل مكان ولا لقيت نفس النوع الا بالوكاله اللي هي وكاله كيا والعلبه عندهم ب 71 ويكفي 5 علب
ولو شريتها وبغير برا قالو لي تراي ستار ب 150. ف بالمره وحده ب غير زيت القير بالوكاله ب 500 ريال واريح مخي
كنت بركب زيت اسيدلكو او موتر كرافت قريب من نفس اللزوجه
1
0
القير ياخوان مايخرب بهذي البساطه
يخرب اذا كان الموديل قديم يعني حاليا من ٢٠٠٥ وتحت ممكن توسوس اذا ماشي عليه كثير
0
0
والله الواحد يدفع ٥٠٠ ويريح نفسه ولا يدخل بدوامة لاسمح الله
،،،،،،
محمد
٢٠١٠ توه المفروض يغير ويحافظ عالتغييرات
0
0
الأسود الموديلات القديمه
0
0
والمره الثانيه غيرته نفس الطريقه علبه زيت تويوتا الاصلي وفلتر بمحل معروف ونفس شغل اليد
لاكن زودو عليه تقريبا نص علبه اسي دلكو وقلت له كيف تعبون زيت اصلي وتزود عليه زيت اسي دلكو
قال لي ماكفت في نقص شوي وكنت موجود عند السياره م اغيب عنهم ثانيه
المهندس والعمال لو جا شي للقير حقك استلم ممنا قير جديد وعادي ماشي عليها الحين يمكن 70 الف
والحمد لله القير تمام ولا جاه شي
اما مسئله اسحب لتر وعبي لتر ليش مسوي فيها تخدع القير ؟ من انتم هبال من جد
2
0
اولا طريقة تبديلك خطأ !!!
يقولك تسحب لتر و تظيف لتر و المرة الثالثة تنزلة كامل و تركب فلتر جديد
اما طريقتك بدلته مره وحده مع الفلتر و يقولك بعد 1000 كيلو تبدله !!!
كلام غير صحيح , يعني لو كان ما تغير لها من فترة قريبه يمكن يضرب القير
كان عندي كامري 2000 كان ماشي حدود 200 الف وبدلت زيت القير كامل مره وحده وما صابه شي ابد
و تاهو 04 كان ماشي 170 الف ركبت مبرد و زاد الزيت و ما مشي معي اسبوع و ادا هو ضارب !!!
مع اني سألتهم بتزيد زيت قال لي قليل !!!
والا كنت بعمل الطريقة كل مره اسحب لتر و اظيف لتر
ولكن لعانة ترايستار ما صدقوا معي بالكلام و بعدين بكل بساطه يقول يحتاج له توظيب !
2
0
0
0
حيث أنا غيرت من قبل الأسود هل من مشكله اذا غيرته فظي
0
0
هل في فرق بين زيت الجير الأسود والفني المرفقه في الموظوع اعلاه
0
0
انا من ناس كنت متخوف اغير زيت القير مدري ليه هه
قبل 9 سنه و 5 شهر