أضف سؤال أو موضوع جديد          

الفرق بين هايلوكس السعودية و الخليجة بالأسعار

up 7 down 11
hayr2011 -59
قبل 7 سنه و 6 شهر



السلام عليكم و رحمة الله و بركاته

أنا من فتره أفرفر في أعلانات الهايلوكس لاحظة فرق بين أسعار الهايلوكس السعودي و بين الهايلوكس الخليجي من 14000 إلی 18000 ريال

لقيت اعلان عن هايلوكس غمارتين GLX 2014 من عماد الدين ب 74000 ريال !! و لو نقارن سعرها بسعر الهايلوكس غمارة من أبو جميل يطلع الفارق 2000 ريال فقط ( سعر الغمارة ب 72000 ) !!! صراحه من ذا الغبي إلي بيترك غمارتين فل كامل ويشتري غماره !!!؟؟
و لو نقارن سعرها بسعر الغمارتين GLX من أبو جميل بيطلع الفارق 17000 ريال !! ( سعر الغمارتين السعودي ب 93000 )            
و إلي يغبن الخليجي بجي فيها شاشه و أرباقين و جنوط ألومنيوم و abs و يكفي أنها شد بلد ، أما السعودي مشلحه تشليح و لا تجي فيها حتی أرباق واحد ( الأرباقات ما تجي إلا بالدبل )                

هذا إعلان عماد الدين /  5687367
و هذا اعلان معرض الشهري /  5329560












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ابو قبيح يحط لك شطرطون على المزاج السعودي ويطيرها في السماء

التجاره لعانه


up 4 down 3
ألو مرحبا 1895
قبل 7 سنه و 6 شهر



لحظه شوي الله يجزاك الجنه ؟


انت كاتب ان الخليجي يجي ايرباقين و abs وسعره رخيص .. لكن السعودي مافيه ريحه الايرباق واغلى من السعودي لدرجه انه يوصل 100 الف ؟

اذا على كلامك المفروض الخليجي يكون اغلى لانه اكثر مواصفات وليس العكس ؟  لكن الظاهر ان ابو جميل ماشي بالمقلوب ههههههههههههههههههه 


up 5 down 2
ابو _كادي -3
قبل 7 سنه و 6 شهر



طيب هل الخليجي يجي مراتب كهرب والداخليه لونها عنابي بالكامل واشارات بالمرايا مثل الفل السعودي ؟


up 3 down 2
ابو _كادي -3
قبل 7 سنه و 6 شهر



مجرد سمعة وارد القبيح ما فيه مواصفات
و عند البيع هو طلب الشريطية و المستخدم الغشيم
الحالة مشابهة للددسن الياباني و المكسيكي ناس تمدح و ناس تسب
و كله من آثار الغزو الشريطي للسوق


up 2 down 1
أبو نجوى 2443
قبل 7 سنه و 6 شهر



أبو كادي

شف الصورتين الأولی هذي خليجية و هي بتعطيك الجواب



up 2 down 0
hayr2011 -59
قبل 7 سنه و 6 شهر



و أرقام الأعلانات إدخلها و شف المواصفات 
بتهبل من فرق السعر و المواصفات


up 1 down 0
hayr2011 -59
قبل 7 سنه و 6 شهر



ما يميز مواصفات السعودي عن الخليجي

تلبيسة الصندوق والجناح تركيبها محلي صح لكن محبوكة صح وﻻ اثنين يختلفون على اتقان تركيبها بينما الخليجي تجي بدون تلبيسة ولا جناح واذا جاء نوع منها فيها تلبيسة ما تكون بذاك اﻻتقان 

السعودي حساسات خلفية وتركيب محلي كذلك والخليجي ما فيه 

السعودي ديكورات داخلية مركبة عند عصا القير في المرتبة المتصلة 

الخليجي يميزة ارباقين ونظام abs وخطوط تركيب بلد وريموت بلد وبدون وغيرها كل مواصفاتها تركيب بلد

الدبل السعودي جنوط كروم ودعاسة ستيل شكلها اجمل من الخليجي

الخليجي جنوط حديد ودعاسة كروم 

في المحصلة الخليجي أفضل من السعودي (وجهة نظر)  السعر ومواصفات الامان 




up 3 down 0
رعد 4 3254
قبل 7 سنه و 6 شهر



ابو جميل نزل 2015 بنفس سعر 2014..
يمكن حس بالخطر ..
وانا عني اشوف الخليجي بدأ ينتشر بالشوارع بشكل سريع..خاصة من 2013 وفوق..
ويقولون مسوي تخفيضات 5 الاف على موديل 2014..



up 0 down 0
badalfa -39
قبل 7 سنه و 6 شهر



ليت معي قيمتة وربي ماشتري غير الخليجي




up 0 down 0
ألعاب نارية1 36
قبل 7 سنه و 6 شهر



القطري غمارتين ب79


up 0 down 0
ابوابراهيم ksa 1391
قبل 7 سنه و 6 شهر



طيب سؤال الحين ابي معرض يبيع خليجي دبل تأجير واسعاره مناسبه 


up 0 down 0
نواف الشراري 3
قبل 7 سنه و 5 شهر



ولا ندري وش سر غلى السعودي.
المهم ان تطبيقات عرض السيارات للبيع اغلبيتهم شريطية كلاب اموال لاحظ اذا شفت واحد عارضة سيارته للبيع تلقاه حاط سعرين للسيارة سعر قديم مسوي عليه شطب وحاط سعر جديد اقل من الاول بواجد هذه الحركة اذا شافها واحد غشيم بالشريطية بيقول اكيد السيارات نازلة سعرها والمسكين يصدق ثم يعرض سيارته بسعر اقل.حسبي الله ونعم الوكيل.


up 0 down 0
aboyahya18
قبل 2 سنه و 11 شهر