لا خاب من استشار..

انا اسف جدا الاكورد هي الافضل لانها تدوم وتدوم وتدوم اسئا مجرب

هلا بك اخوي ومشكور على اهتمامك .
 الاكورد اكيد طيبه ، ولكن في الغالب اذا بتشتري اكورد فالأفضل يكون وكاله على يدك ، اما المستخدم فلا ينصح بها اكثر من استخدمها.

هلا بك اخوي ومشكور على اهتمامك .
 الاكورد اكيد طيبه ، ولكن في الغالب اذا بتشتري اكورد فالأفضل يكون وكاله على يدك ، اما المستخدم فلا ينصح بها اكثر من استخدمها.
وغير كذا الاكورد يعيبها التقنيه ولو ان القوه تفوق التقنيه .

اكيد تورس افضل وفخامه وقوه وراحه 

السلام عليكم اخوي ما يبلها اثنين يتكلمو فيها التورس بدون ما تفكر سيارة فيها كل شي تتمناه عزل مو طبيعي رساوة كانك راكب الماني دفع رباعي فخامة روعة داخلية السيارة شي خيالي فيها افضل نظام صوتي بالعالم حتى بالالماني ما حطوه ومبروك مقدما

توورس ان شاء الله افضل

توووووووووووووووووووووووووووووووووووووووووووووووووووووووووووووووووووووووورس وانت مغممممممممممض

الف الف الف شكر على ارائكم الطيبه...مسكينه الافالون محد عطاها وجه ههه.
المهم يا اخواني الافاضل ..فيه رجال نصحني وقال لي :
الفلوس اللي معاك حطها دفعه في هوندا اكورد2012 وراح يخفضون لك الاقساط..وبكذا معاك سياره جديده واقساط قليله.
***
بس مشكلتي عندي قرض من اول وراح اخذ قرض ثاني عشان الزواج .
وش رايكم انتم..
كثرت الحلول خخخخخخخ معليشششش..بس وربي ماجيت وطلبت مشورتكم الا وربي راسي انفجر من التفكير.

نصيحه دامك مقبل على زواجك يكفيك الدين الي على عليك ولتزوجت وخلصت قرضك القديم وتحسنت احوالك اشتر وكاله والتوريس عمليه جدااا وقطع رخييييصه

بيض الله وجهك ..

لا تنظر غير للتورس فقط اذا هي عاجبتك من جد ترتاح معها
وان عزمت عاتورس خذلك الليميتد sel

عفوا عفوا انت بالاصل مختار الليميتد لاكن انا ما ادري عن الامريكي كيف استخدامة
لاكن قبل لا تشتري خذ رقم الشاص حقت التورس وشيك علية بالكارفكس وشوف تاريخ السيارة بالكامل

هلا بك اخوي ، بس الكارفكس هذا وش هو ..؟؟

ان كانك جازم على الامريكي خذ تورس

اووووووووووف وتفكر بعد بسرعه انقز خذ التورس خخخخخخخخخ امزح
بالنسبه لي اشوف التورس افضل والاغلون روعه برضو وتعيش لكن التورس اجمل بكثير

الكارفس موقع تعطيه 25 ريال وتعطيه رقم شاصيه السياره يرسلون لك تاريخ السياره كامل الي في امريكا من حوادث غرق يعني السياره صار عليها شي بيطلع الشي الثاني انا اخوك مادام وراك زواج ربي يوفقك وتتيسر امورك كلها ويبعد عنك العين ويرزقه بالمال والبنون انصحك لاتورط نفسك بقروض التورس بتمشيك تقريب 5 سنوات وبتنزف فيها ان شاء الله في الزواج ومن هنا لين ترتاح وتعدل امورك بعد الزواج تقدر تختار الموتر الي تبي وماتزنق نفسك احنا الدين مانفكر فيه الا لما نتدبس ومانقدر نطلع خلك على الفلوس الي عندك خذبها التورس ان شاء الله وخل تدفع دفعه فلوس والباقي تقصده يعني كم بتقصد اقل شي 5 سنوات وقتها تفكر بتغيير السياره مثلها مثل لو اخذت التورس الحين وبعد خمس سنوات ممكن تغيرها التورس ماوراك الاتزام مالي عليها بتبيعها وتزودها على دفعت موتر الاكورد دافع فيها مبلغ وقدرها بتبيعها بتخسر اكثر من الي بتخسره في السياره المستعمله لنها نضام اقصاد ومبلغها عالي ولك اجمل تحيه وربي يسعدك 

التورس 2010 و الافالون 2007 وش تبي بالقديم. خذ الاحدث. التورس اكيد.

انا ارشح التورس

واذا انت مقبل على زواج نصيحه ابعد عن الديون
انا لي  تقريبا ٤ سنوات متزوج ومازلت ماكلها من الديون
خذلك اي سياره نظيفه وسعرها حليل والاحق خير ان شاءالله اذا انتهيت من الديون الزواج

بيض الله وجيهكم والله يسعد ايامكم يارب.
نصايحكم على راسي من فوق ، وكلامكم من ذهب.
الله يعطيكم العافيه .