افضل طريقة لرش السيارة كاملة

احسن شيء فرن لانه مايبين ان السيارة مرشوشة ام السنفرة تبين ويصير شكل السيارة تقل مسمكرة كلها ولارحت ترشها خذ عليهم فاتورة انها رشة فرن وخذ عليه ضمان من التبهيت وتغير اللون أنا قبل سنة كنت اعرفلي ورشة سمكرية وكهرباية وكنت كل ماجيهم ابصلح شيء مثل المكيف ولا حاجة ثانية يمسكني السوري يقولي خلني ارش سيارتك واللة ارجعها وكالة واوزنلك البيبان والديكورات ومدري ايش مقروش مخي وانا اقوله لا لا اخر شيء لعب بعقلي اللة يسامحه واتفقت معه على الرشة انها فرن قالي عشر ايام وتعال خذها جيتهم اليوم الخامس دخلت عليهم فجاة الا قاعدين يسنفرونها ماحرقوها واسال وين السوري قالي الهندي مسافر وانا انغبنت وامشي جيتهم اليوم العاشر واحاسب واطلع السيارة خذيت ضمان سنتين من التبهيت بس البوية زفت اكرمكم اللة تقل ان السيارة قالبة ستين قلبه ومسمكره اللة يسامحه بس 

ورشة ليزر قدام الفحص الدوري

ي اخ mhmad89065  الله تكتب كذا الله مب اللة الله يجزاك بالخير 

قبل فترة رشيت سيارتي ب 2000 رشة جدا سيئة وواضح الرش والمعجون 
خذ قاعدة لنفسك الرش المحترم لا يقل عن 4500 

قيمة الرش لاتعتمد على جودة الرش بالغالب هي تعتمد على الشغل والامانة
واكبر خطا ان الواحد يترك سيارته بالورشة اذا كانت بتطول ولا يجي الا وقت استلامها 
المفروض يجي كل يوم ولا كل يومين يشوف ها وش سوو وش ماسوو وعشان يدرون ان وراهم واحد يراقبهم 
زي اخونا في الله يعني لو ماراح لهم باليوم الخامس ولا ماكان درا والمفروض يوم درا ان مايعطيهم باقي الفلوس لان اخل بالاتفاق الي بينهم والمفروض يمرمطه ويقدم عليه شكوى 
عالعموم اسف بالكلام الكثير لكن معلومة وحبيت اوصلها زبدتها لاتترك سيارتك بالورشة بدون ماتجيها كل يوم ولا كل يومين وتشوف وش سوو بالشغل 
ولله يوفق الجميع