أضف سؤال أو موضوع جديد          

ما عندي عنوان ..لكن حياكم..

up 19 down 6
شبح 600 sel 6081
قبل 6 سنه و 11 شهر



السلام عليكم

كيف حال الشباب عساكم بخير ؟؟

موضوعي اليوم تغير جو شوي


منظر مر علينا جميعاً ......... سياره قديمه ،

فيها بعض الصدأ ، فيها حكه بسيطه هنا او هنا ،ولكن لاتزال بطيس الوكاله ، و وقفتها وقفت وكاله ..!!


نروح للمنظر الثاني : سياره يادوب لها سنة او سنتين من المصنع ، فيها ((قبعة)) في الرفرف الخلفي :)

وواحد من الصدمات طايح :) + أحد الإسطبات غير موجود ..!!

المنظر الأول لسياره مع واحد أجنبي !!

ليش الأجانب مهما كنت جنسيته تلاقي سيارته نظيفه ؟

أعرف واحد تونسي كانت معاه 180بي ، مين يعرفها ، المهم موديلها والله اعلم 82 والله ياناس إن طيس

الواكله عليها وكتلوجها بالدرج!! وهو كل يوم مداوم عليها رايح جاي وسافر عليها كم مره ،

لا أحد ينكر هالشي واغلب الناس إذا جاء بيوصف سيارة يقولك مع مصري ! مع سوري ! مع هندي !

وكأنها ضمان وكاله ههههههههههههه المشكله وبصراحه لما تشوف سواقتهم مع احترامي للكل تحس أنهم من

جنبها في السواقه الواحد تلقاه يحرق أم الكلتش وهو لسا ماتحرك وتلاقيه

(يزرها) بالتروس لين تطلع عين السياره ، وفي السنه ممكن يغسلها مرتين :) ،،،،


وتعال لسياراتنا حنا الله يخلف علينا ، والله ياجماعة الخير إني مره كنت بمطعم انتظر طلبي

يجهز وشفت ربع موديل 2011 وقف ونزل السواق ، تتوقعون وش يكون ؟ والله العظيم ياشباب إنه طفل


عمره لسا ماوصل 10 سنوات !!!! و وين ؟؟؟؟

هنا بالرياض مهوب بمنطقة نائيه او من هالقبيل ونقول عادي مافيه زحمه الدنيا بر !!!!


طيب ياخي إذا انت كسلان تروح تجيب لك عشاء ومتخاف على اخوك ولا ولدك يوم تعطيه السياره بالعمر

هذا ياخي خاف على ارواح المسلمين وانتم عارفين الربع وخطورته وسرعت إنقلاب الجيوب بصفه عامه

كأني طلعت عن الموضوع ..

نرجع لموضوعنا حنا الواحد من يكبر شوي يحصل تحت رجله سياره

إما حقت ابوه او اخوه وتعال شف انواع التفنن في الاكسوارات ( ام كلب ) هههههههههههههه ،

وفيه البعض تلقاه فعلا محافظ على السياره بس قليل للأسف ،

في النهاية كلامي هذا مجرد دردشة** على خفيف معكم واليت نشكر الله على هالنعمه (( السياره))

ونقدر قيمتها ونقدر حتى قيمة الحرمان منها ، وعلى قولت بعض الشيبان : لاتشغل المسجل يصرف بنزين

ههههههههههههههههههههههههههههه

في امان الله ..








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لايك لوقفه الدوج


up 8 down 3
raedzoom 36
قبل 6 سنه و 11 شهر



سبحان الله العظيم. لايك ي اخوان مقدر انزل موضوع


up 23 down 4
bnd0re 74
قبل 6 سنه و 11 شهر



كﻻم واقعي 100 % 

وأضيف عليه أيضا بعض أصحاب السيارات وخصوصا المراهقين لدينا ﻻ يكتفي بما يضيف من ترهيمات لسيارته

بل يستخدمها ﻻذية الخلق بقصد أو بغير قصد بتفريغ الدبة وازعاج ﻻ يطاق وتركيب الزينون المؤذي للنظر 

واستخدام كوسيلة لﻻذى أكثر منها وسيلة للحاجة .

ونسي أو تناسى ما يلحقه من الدعاء عليه من كل آذاه 


up 2 down 0
رعد 4 3254
قبل 6 سنه و 11 شهر



كلامك صحيح.  انا اتذكر يوم كنت صغير اهلي يقولون لي ماتشد الموتر.يعني موتر لي خاص. الا اذا وصل عمرك ١٨.  بدل غير. مافيه. ميبسين. مع اني ما اسرع وهادي وسمح وما احب اسرع.    بس يخافون علي جزاهم الله خير. طبعا اكيد كنت اسوق سيارات  الوالد.   كلها.         


up 1 down 1
مراجل 194
قبل 6 سنه و 11 شهر



فعلاً كلام منطقي جدا 
مشكلتنا حنا يالشعب السعودي مافيه الا جلد للسيارة ولا تحمية ولا شئ شغل وأمش ماقول الكل البعض والأغلبيه أيضاً
محافظه صفر ع الشمال الا مارحم ربي صدقني السيارة لو حافظت عليها وصنتها تعمر سنين ودنين معاك 
+1


up 1 down 1
Abu Tariq 16 1086
قبل 6 سنه و 11 شهر



والله ياخوي موضوعك قيد فكرت فيه قبل كذا و انا من وجهت نظري اشوف ان السبب اللي يخلي الاجنبي يحافظ

على سيارته انه تعب فيها اكثر من السعودي خاصة اذا كانت قديمة يعني مشتريها كاش تعب في فلوسها و هو في غربة

يعني اذا طاحت سيارته مارح يقدر يقسط اي سيارة او يصرف اموره مثل السعودي و المصاريه بذات يحافظون

على السيارة جدا لانه عارف هي كم سعرها في بلدهم تصدق ان السيراتو عندهم مايركبها اي واحد و الكورولا

نفس الشي طبعا قصدي موديل السنه روح مصر و انت تعرف ليش رواتبهم معدومه هناك يعني الرجال قيد ذاق المر

و عارف قيمة ان يكون معاك موتر وكالة عشان كذا تلقاه محافظ عليها مثلا لو اانت جاتك بانوراما وكالة ايش بيكون

احساسك بسيارة ؟ لانها تعتبر غاليه عندنا و مو اي واحد يتملكها و طبعا بعد ما شرحت لك وضع المصاريه اتخيل

وضع الفلبيني او الاندنوسي ؟ لان دولهم افقر من مصر بكثير عشان كذا لاكن بلمقابل احنى السعوديين نشوف ان الكيا

او الكورولا سيارة تمشية حال عشان كذا ما تشوف الناس تحافظ عليها و تهتم فيها و اعتقد الموضوع في البداية و النهاية

راجع لاقتصاد البلد


up 3 down 0
shadowz33 1098
قبل 6 سنه و 11 شهر



انا اخذت موتر ماشي 150 موديل 2010 من أجنبي

الصراحه لو تشوفه تقول لسا مامشى 40 الف مشالله تبارك الله حتى الاسيات ملبسها بلاستك وفوق البلاستك ملبسها تلبيسه قماش لما تشيلها كلها تلقا السسيت وكااله اكياسه باقي عليها كل مايطري لك بالموتر وكاله ولله الحمد لو انه على يد سعودي كان مرشوشه كامل وكاتب الرشد كبر الكف


up 4 down 1
شكلين مابحكي 3159
قبل 6 سنه و 11 شهر



جزاك الله كل خير على هالموضوع وكل من شارك فيه 


up 2 down 1
الـعــز 67
قبل 6 سنه و 11 شهر



 وعلى قولت بعض الشيبان : لاتشغل المسجل يصرف بنزين 
هههههههههههههههههههههههههههههههههههههههههههههههههههههههه


up 3 down 1
حزاام القحطااني 99
قبل 6 سنه و 11 شهر



جعلها دوم الضحكه


up 1 down 0
شبح 600 sel 6081
قبل 6 سنه و 11 شهر