استفسار اسعار الهايلكس الدبل الخليجي

ما فيه فرق بينهم أبدا
في المكينة و القير و الدفرنسات و الشاسية و البدي و الداخلية
بس الفرق في الخطوط و بعض الكماليات من جنوط و تخشيبة و مسجل و حساسات
و فرق السعر مو كبير بينهم

الناس يحذرون من الاردني مدري ليه..
عموما المنطقة الحرة بالاردن الكل يحذر من سياراتها..سواء تريلات او بيك اب.
خلك على البريمي اقلها تلفيقا حسب مابحثت عن هالموضوع بالنت..وهو الاكثر انتشارا بعد السعودي بالسعودية..
لكن يبقى ايضا الاغلى بعد السعودي.الدبل 2015 حول 90..و2014 فل كامل 85 الف.
مرة عماد الدين نزل هايلوكس دبل اقل فئة 2013 حول 76  الف..وصراحة سعر ممتاز جدا.

الاخ badalfa

الخوف من وارد الاردن عندك بالمنتدى ذا فقط .. والا لو تروح لمنتدى السيارات الكورية تلقى الناس يمدحونها ويعتبرونها افضل من السعودي بالمواصفات .. عالعموم هي سياره وحده فقط وخربت على الكل ؟ وهي السوناتا المحولة من غاز لبنزين لانها كانت تكسي بكوريا .. وترى فيه فرق بين وارد الاردن المستعمل والجديد

المستعمل مثل هالسوناتا المحوله مايدخل ضمان الوكالات عندنا ويسمى ( كوري ) وارد الاردن .. والجديد الاصفار يدخل الضمان ومافيه مشكله ويسمى ( خليجي ) وارد الاردن .. طيب لو يجيك واحد ويقول الالنترا وارد الاردن ( الجديد ) مافيه abs ؟ ايضا السعودي مافيه باستثناء الفل الكامل 

وبعض الناس اذا سمع كلمه ( وارد الاردن ) سواء مستعمل او جديد علطول يخيل له  ان الموتر مافيه ايرباقات وناقص المواصفات ؟ والعكس صحيح عندك الهايلوكس الاردني يجيك ايرباقين مع نظام abs نفس البريمي بينما السعودي الدبل وارد ابو جميل مافيه ولاريحة الايرباق ؟ والمشكله قيمته 100 الف هههههههههههه

هذا رد سابق لي بهالخصوص.
--------------
اللي اعرفه ان الاردني يجيب الهايلوكس من الامارات لان بينهم وبين الامارات تجاره حرة..
ياخذ الهايلوكس منهم املط ويركب له اكسسوارات ويخليه فل كامل.
وعني لو باخذ هايلوكس خليجي اخذ بريمي بشهادة..
صح انه اقل الهايلوكسات من ناحية الاكسسوارات الا انه اقلها تلفيق.
-----
وللتوضيح انا تحدثت عن الاردني تريلات وبيك اب..ماجبت طاري كوري ..الا اذا الكوري يصنع بيك اب..

بعبارة اخرى انا مايضحكني الا اللي مزعجنا بالهايلوكس السعودي ويجلس يهايط ويقول الخليجي فيه كذا وكذا خصوصا وارد الاردن ؟ 

ولو فكر فيها يلقى ان ابو جميل ضحك عليه مرتين ؟ الاولى انه باع عليه الموتر بأعلى سعر ؟ والثانيه عطاه أقل مواصفات 

هههههههههههههههههههه يخافون من الاردني ومايدرون ان ابو جميل اخس منهم 

بعبارة اخرى يابو هيثم..هذا اللي ابغى اوصل له.
تخلي الاردني من ضمن الاخس بعد ماكنت تمدحه..

ممتاز اجل .. اذا الاردني على كلامك جاي من الامارات فهذا تأكيد انه افضل من السعودي ؟ مادام ان الاردني فيه ايرباقين ونظام abs نفس البريمي فهو عندي اطلق من وارد ابو جميل

واذا هي على الخطوط والتخشيبه يارجال امرها سهل ؟ الخط او الشطرطون اغيره كامل بـ 415 ريال اهم شي مايكون فيه تلاعب بالمكينه والقير والدفرنس  .. اما الباقي يهون 

طيب وشرايك انت سياره فيها ايرباق والثانيه بدون ؟ ايهم افضل بالنسبه لك 

انا اقارن الخليجي في بعضه ..ما امدح السعودي..
المقارنة عندي بين البريمي..القليل بالاكسسوارات..والاردني المليان بالاكسسوارات.
والامارات حسب معلوماتي ماهو اكيد..يمكن يجيبها من الكويت..يمكن من تايلند مباشرة.
لكن الاكيد ان الاكسسوارات اللي بالاردني تلفيق مثل ابو جميل..
من تايلند يجي مثل البريمي .
والله اعلم.

بيض الله وجيهكم ماقصرتو
طيب وشي المعارض الي تبيع الهلي الدبل البريمي والاردني الخليجي عموما

الهايلوكس ماحد يدور معارضها..على قفى من يشيل.
..انزل الحراج وطب وتخير...لكن نصيحتي لك اذا ماتبغى السعودي خذ بريمي وتاكد من الشهادة.
طبعا خذ من المعرض اللي سمعته طيبة في مدينتك..بعد سؤال اهل مدينتك.

السيارات الاردنيه الغاز هي سيارات هونداي فقط

ونسيت اقولك..
الاوتو عزم الثاني فيه بين الاول والثاني...يعني وسط لاهو ثاني ولا اول.
لكن العايدي الريوس فيه دمار..قوة خرافية.
لكن الرابع بالاوتو مريح للمكينة اكثر من الخامس بالعايدي.
واشوفه بدأ ينتشر وعليه اقبال ..
عموما هذا توضيح نسب القير بين العايدي 5 نمر والاوت 4 نمر
::
العايدي
1st 3.830
2nd 2.062
3rd 1.436
4th 1.000
5th 0.838
Reverse 4.220

الاوتو:
1st 2.804
2nd 1.531
3rd 1.000
4th 0.753
Reverse 2.393

ففكر بالاوتو..

الاوتو عزم الثاني فيه بين الاول والثاني...يعني وسط لاهو ثاني ولا اول.
----
اقصد عزم الاول...