محذووووووف

تصدق الاوريون الشكل الي بالصوره اخذت شكل الكامري الاول 
لاحظ الواجهه كأنها الكامري ٢٠١٣ 
هههههههههه 

الكامري الجديده هذي الي بالصوره كلام كبير 
بس بتتشلح تصير بس فتحه وجناح وجنوط 
ومسجل صيني ومثبت وخلاص وريموت وارباقين ماتخرج 
بس 
وبكم ؟ 
١٢٠ الف 
:/ 
حاجه تغبن 

خذلك بيجو فيها جلد وبرجوكتر ومواصفات امان وخرايط وزينون وحركات ولا اكورد فل كامل ٤ سلندر فيها شاشتين وجلد وكاميرات ٣٦٠ درجه وخرايط 

لو يفكر الواحد شوي راح يستفيد 

طيب تقول قطع الغيار ؟ 
اقلك 
خذلك اكورد ولا تورس ولا بيجو ٥٠٨ 
خلها واقفه للسفريات والطلعات فالليل عشان مافي زحام 

وخذلك موتر مقربع 
ددسن ٩٧ ولا ٩٥ غماره ولا غمارتين ١٠ الاف ولا ٦ الاف يكون للدوام والمشاوير الظهريه والعصريه 
لأن الغشمان ينامون فالليل 
فتقدر تفرفر بموترك فالفخم وتقل الزحمه 

ههههههههههههه اما اخذ موتر فخم وفي المقابل دتسن صعبه اشوي وانا خوك

اجل تنزل بموترك الفخم فالظهريه 
يجي يقبع فيك باكستاني معه كرسيدا ٨٨ معدومه ومصديه 
وش بتقول له ؟ 
مامعه فلوس يدفع حق التصليح ! 
تسجنه ؟ 
ماحليت المشكله ولا تصلحت سيارتك 

بتقول لي التأمين يصلحها 
اقول لك 
وش تبي بالسياره وهي قد انصدمت اول 
خلاص يروح طعمها تعيفها نفسك 

برضه ياخي قوووويه ههههههههههههه دتسن مقابل الموتر فخم
يعني اداوم بدتسن والموتر الفخم اوقفه اجل ليش اشتريه عشان اتصور في جنبه
ههههههههههههه ياخي كلامك غير مقنع دور غيرها ربي يسعدك
تستاهل لايك عشان الدتسن لبى قلبك

اجل وشوله يا انيق تشتري موتر جديد دامك منتاب طالع عليه الا في الليل اشتر ددسن 85 وخله معك ليل ونهار


ياحبيبي انا شاري موتر جديد علشان استمتع بمواصفاته بتبريد مكيفه في النهار ارتاح في المركب وانا رايح وراجع من الدوام مهب ارزه عند الباب ولا ارزه في البايكه لين يقدم موديله


وبعدين لو كلن بينظر لنظرتك كان مالقينا في الشوارع 2014 و2015


المؤمن واللي قوي ايمانه عارف ان الاشياء هاذي مجرد قضاء وقدر ما نربطها بالاسباب دائما

يعني انت الحين ضامن ان موترك وهو واقف في البايكة ماتطيح عليه المضله وتعدم عليك تندته ويروح تشليح ، ولا يلتمس جنبه فيش كهرب ويقبع الموتر الله لايقوله


فكرررر شوي انت منتاب جالس تقصد عشان ترزه في البيت وتظهر بالقرمبع عند الناس انا اشتري جديد استمتع فيه وبموديله جاها دقشة حكة عاد هاذي كتبت الله مكتوب اني في نفس اليوم بينحك ولا ينصدم موتري


راجع ردودك

ياحبيبي انا كانت معي سوناتا ومحافظ عليها لابعد الحدود واخاف عليها من نسمة الهواء في يوم من الايام ربي قدر بعد ماكملت حدود سنة معي

موقفها عند البيت صلاة العصر وملبقها زين وكل شي

جاء ددسن يا ابو ددسن ههههههههههههههههههههههههههههههههههههههههههههههههه وضف خلفيتها كاملة رفرفين وشنطة وصدام انشق وانعفطت دبة الشكمان هاه وش رايك ؟؟؟؟

يعني لو انك مكاني بتعترض على قضاء رب العالمين

تفكيرك غلط 100%

انيف شفت اول تعليق لك وقلت يمزح الرجال
يوم شفت تعليقك الثثاني استغربت صراحة اجل اشتريي ددسن واخلي هوندا اكورد 2015 بالبايكه وخايف عليها!
ووالدسسن قير عادي وتصرف حتى بنزين 
ذكرتني بخويي اشترى كامي 2011 على ايامها علىى الجنلط يعدد لها 4 دقات ويوقف دق دق دق دق وخلاص ومحافض عليها
خ حتى اخوانه تهاوش معهم ما يعطيهم
الى ان قدر الله وصدر له قلاابي وحتى المكيف تعطل وتكسرت المواصير وصلح بس المكيف 2400 ريال 
وصلح الوجهية7000 ريال
عيش عمرك يا رجل لا تصير مثل جارنا ضابط وراتبه يوصل لل20 الف ومعه لانسر والدينالي 2012 بالبايكه موقفة 
والظاهر الكفرات محبله

ههههههه انيق.  خربتها. اشتري موتر فخم واداوم على دتسن. ههههههه

انيق لو قلت الددسن للاوقات المزدحمه مثل اول رمضان ليلة العيد
اماكن مزدحمه ومواقف قليله ينفع القرنبع فيها
ممكن لكن كل يوم على القرنبع والموتر الجديد بالبايكه واخر الليل ههههههههههههههههه

الامريكية اجود وافضل 
بلا شك 

ياطارق الله يجزاك خير حللت شخصية الرجال على طول حطيته على قد حاله


مو شرط بعضهم ماشاء الله دراهمه واجد وعنده سيارة فخمة وموقفها وتلقى معه موتر من 7 ولا 8 سنين جالده وتقول له الجديد يقول لا خله واقف وشوله هاذي معي


بالعكس مير اللي على قد حاله وشاري له موتر اقساط تلقاه يحلل الموتر يطلع ويتمشى عليه ويداوم عليه لأن ماعنده الا هي ولا شراها الا بعد ماسكنت به المواتر القديمة وضاق صدره من الصناعية


كلامك غير صحيح