أضف سؤال أو موضوع جديد          

يغفل عنه الكثيرين

up 31 down 7
الـتاجر الـكبير 726
قبل 6 سنه و 3 شهر



السلام عليكم ورحمة الله وبركاته، 




أخواني الكرام اعضاء حراج وزوار منتدانا الغالي .




فيه حاجه يمكن الكثير يعرفونها ويمكن القليل يعرفونها .
وهي (الغطاء اللي يجي فوق الكفرات الأماميه في كل السيارات ) وأسمها البطانه .




هاذي سلمكم الله مهمتها هي حماية المكينه من اي شي تمر من فوقه الكفرات خصوصا الأماميه سواء ( ماء او طين او رمل وغيره )
ولاكن اللي حنا نتجاهله او نغفل عنه ان هالبطانه لها وظيفه مهمه جدا وهي حماية الكفرات الأماميه من حرارة المكينه عند الوقوف بالذات فالحراره اللي اتكلم عنها ليست سهله بالمره .
فلو احد اختبر الهواء اللي يجي للكفرات الأماميه من جهة المكينه فراح يحصل حراره غير عاديه بالمره مما يجعل الكفرات الأماميه تتأثر مع مرور الوقت بالحراره خصوصا عند السفر مما يجعل الكفر ( ينفجر ) او يضرب باللهجه المعتاده .
وهاذا من الأسباب المهمه جدا اللي نجهلها , وايضا نعتبرها غير مهمه بتاتا عند خرابها او انقشاعها او حتى عند عمل سمكره للسياره من حادث او اي شي من هاذا القبيل .




احببت ان انبه على خطوره عدم حماية كفر السياره من حراره رهيبه تصل للكفرات والله يستر علينا من كل شر .
ولكم فائق تحياتي .
ملاحظه : حماية الكفر الأمامي من حرارة المكينه مهم جدا












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ممتازه وبعض الشركات الحين صارت تحط عليها طبقه ثقيله تحس انها مخمل او قماش
عشان عزل صوت افضل ومنظر اجمل 
بالتوفيق +1


up 2 down 0
mlay store 499
قبل 6 سنه و 3 شهر



صحيح. صدقت تصدق من قبل ما اقرا الموضوع عطيتك لايك. والحين في بعض الشركات تخليخها مزدوجه وبعضها تخليها. زي القماش او اثقل


up 1 down 0
مراجل 194
قبل 6 سنه و 3 شهر



بيض الله وجهك ورحم الله والديك
لايك


up 1 down 0
المعرباني 1521
قبل 6 سنه و 3 شهر



موضوع مهم بارك الله فيك


up 1 down 0
faisal2002 892
قبل 6 سنه و 3 شهر



البطانة مهمتها مزدوجة حماية المكينة من الرمل والطين والحصى والماء 
وحماية الكفرات اﻻمامية من حرارة المكينة 
وأضيف أيضا أنه يجب في حالة تغييرها أن ﻻ يتم تغييرها اﻻ اصلي فقط 
التجاري منها ما ينفع نهائيا وذلك لقدرة اﻻصلي على عزل حرارة المكينة عن الكفر
وكذلك يتحمل الكسور واﻻهتراء بسرعة عكس التجاري
وشكرا صاحب الموضوع معلومة في غاية اﻻهمية


up 2 down 0
رعد 4 3254
قبل 6 سنه و 3 شهر



والله عندي الكورلا لها ثلاث سنوات بدون البطانة الامامية وخصوصا اللي عند الكفر انخلعت اول شي ,,

والحمدلله لا انفجر الكفر ولا فيه تحبيل مختلف عن غيره ,, بالعكس البطانة كانت تحك فيه ايام كانت راكبة  :)


up 2 down 0
سآآآل 318
قبل 6 سنه و 3 شهر



انا امس علقت في حصبى وموتري دفع امامي.وماقدرت اطلع الا بالدعسة كاملة.
.ولولا الله ثم هالبطانة كان راحت فيها المكينة من كثر الحصى المتطاير
..المشكلة ان الحصى دخل بين البطانة والصدام واذا مشيت اسمعه يطقطق وما اعرف شلون اطلعه!!


up 1 down 0
t7tfo8 73
قبل 6 سنه و 3 شهر



وازيد ع كلامك يالتاجر الكبير

ان البطانه مهمه لحماية البكرات والسيور والدينمو من الرمل والتراب اللي يدخل من تحت السياره




up 2 down 0
نوار الوذيناني 510
قبل 6 سنه و 3 شهر



بوركت أخي ، كلام جميل ومنطقي ، الله يكثّر من أمثالك ..


up 1 down 0
bmw 2013 369
قبل 6 سنه و 3 شهر