تويوتا هايلوكس تتربع على عرش المبيعات في السعوديه لشهر 8

اللي حطو ديس لايك حاقدين هههههههههههههههه

ياخي قايلكم 
والله تويوتا ماسكه سوقها رغم انعدام الامان فيها والراحه والعزل 
والمنافسه الان بين تويوتا سيارات الصغيره وهونداي سيارات الصغيره

يارجال 

متبطحه موب متربعه بعد 
ههههههههههه

في كل جحر تلقى هايلكس 

ياخي اكرهه هالموتر هو والددسن والكامري الحاليه 
تايوتا بكبرها اكرها 


الا لكزس صراحه احبها حب عظيم 

كل موتر وله عشاقه واخوانا القصمان ماقصرو في الهايلوكس

انشهد ان اللكزس موتر بطل

ياليت الناس يستخدمونها بالتحميل يستخدمونها بالمقاومات والهياط والتهريب فقط يعني تستخدم بغير ماخصصت له اصلا لا راحة ولا ثبات ولا امان و100000 ليه اطقلي موتر زي الناس ب 100 ماخلا ابو جميل زي البلون غير الشعب 

الهايلكس سيارة نقل واستخدامات شاقة لا يختلف عليها لكن يعاب عليها سعرها المبالغ فيه جداً
حتى في امريكا فئة الميد سايز بيك اب من عام 2007 وتويوتا تاكوما (هايلكس أمريكا) مسيطرة سيطرة تامة على السوق
والناس هناك تشتكي من سعره المرتفع

السوزو ديماكس أفضل من الهايلكس وأقوى عزم وحمولة لكن ما جاله تسويق زي الناس
ودليل عملانيته وتحمله الشركات تبعد عن الهايلكس وتشتري ديماكس

لو ما يحسبون الشركات اللي طايحين بالهايلكس والديماكس ومكاتب التأجير كان تغير الترتيب 180 درجة 

اكثر مدينه تلقى فيها هايلكسات. القصيم.   ماشاء الله الشباب ماقصرو. فيها.  مليان هايلكسات.  بس الصراحه. انا من عشاق الهلي.  ابو جنوط سوود وكتم  الدرايش.  ولمع الكفرات. خلاص. حالك حال. راعي البنتلي يوم يترزز ههههههههههههه

كل منطقه ولها سيارة خاصه فيها 

الهايلوكس تحسه مفصل تفصيل لمنطقه القصيم وحواليها والسبب طبيعه النفود والرمل هناك لانه بدون دبل ويصير خفيف بالبر .. حتى لو كانت دبل عالاقل تبقى المكينه 4 سلندر وماتحفر بالبر مثل الجيوب 

عكس الجنوب مثلا كله جبال ويناسبه الجيوب وسيارات الدفع الرباعي اكثر 

صحيح ان الهايلوكس غير مريح ومافيه وسائل امان لكن تحس انه هو الموتر المناسب لشوارعنا الانيقه باستثناء المدن الكبار زي جدة والرياض

وعلى قولت الشيبان تراه موتر يشيل ببطنه وظهره ههههههههههههه يعني تستفيد من غمارته وصندوقه وعزمه وحتى سعره مايطيح عند البيع

الهايلكس صحيح غاليه لكن تعيش وما تحتاج صيانه مثل باقي السيارات كلها زيت وسيفون وكفرات
انا معي هايلكس صار لها عشر سنين اكلت بها حفر ومطبات والله لو اكلت سياره صغيره مثل هالمطبات كان الحين في التشليح

وغير كذا سعر الهلي رخيص ؟ تلقى الغماره  GL بـ 65 الف اصفااار موديل 2015  بعكس الجيوب اللي تبدا من 120 الف وفوق ( يعني ضعف السعر ) سواء فورتشنر او افجي او ربع 

حط نفسك بمكان القصمان تطق هلي هالوقت ذا على بدايه دخول الشتاء وماتسمع عن شعيب الا تروح له ؟ وبعد 6 شهور تبيعها ب 60 الف ؟  منها طيحت الهبال اللي براسك ومنها انك ماخسرت الا 5 الاف بس 

يارجال لو تدخل القصيم بسياره غير الهايلوكس قالو هذا مهو من ديرتنا هههههههههههههههههه

الحين كيف الايسوزو الديماكس اكثر من الددسن اصلا قليل الي يشتريه 

مدري هي الدداسن عندنا بالشرقية كثير ولا الاحصائية مضروبه

^^^
ايسوزو دي ماكس مطلوب عند الشركات بشكل كبير وهذا اللي رافع مبيعاته
الشركات ماينفع معاها فالتحميل والكرف الا ايسوزو دي ماكس
اما هايلوكس ددسن ماتوكل عيش

الهايلوكس موتر كرف  لكن اكبر عيب فيها بدي ضعيف يعني عندي تحميل ماراح اخذها تندمر
على طول 
وبريك يجيبك على التنده ههههههه
وسعر مبالغ فيه 
لكن تبغى افضل للشخص اللي مايبغى ورش وصيانه دوريه وخرابيط 

افتح باب بييتكم او العمارة اللي انت فيها التفت يمين او يسار اذا مافيها هايلكس بحق

بس خلوكم منطقيين .. الهايلكس اليوم ماله علاقه بهايلكس اول

... اليوم والله جسمه ضعيف وصداماته تطيح من اقل سبب
وتطلع لك فيه اصوات ويبين عليه الكرف بسرعة وفوق هذا اسعاره مبالغ فيها الصراحة ... راحت ايام الهايلكس .. الان مبيعاته ماشيه بتاريخه العالم مطفيه النور تمشي وراء الاسم