سيارتي والحرامي ...
8
6
إضغط هنا للإخفاء
السلام عليكم ورحمة الله وبركاته
أسعد الله أوقاتكم يا أعضاء منتدى حراج
وأسأل الله لي ولكم المغفرة بالدنيا والاخرة ولمن تحبون
هذي السالفة يا إخوان صارت لي أمس ، ولا اكتشفت الموضوع الا قبل شوي
اللي صار بالمختصر يا شباب ، إني أمس بالليل وصلت للرياض ولله الحمد ، دخلت الرياض وعلى طول رحت للبيت ، وصلت البيت نزلت ثيابي وأغراضي ودخلت للبيت .
بعد ما نزلت الأغراض طبعًا ، ((نسيت أقفل السيارة))
المهم صحيت اليوم والحمد لله وطلعت من البيت بروح مشوار ، فتحت شنطة الموتر أبغى أنزل أوراق عشان أجهزها وأروح أخلص شغلي .
يوم فتحت الشنطة الا فيه غرض مو موجود ، وش السالفة يا ولد وين راح هالغرض هذا ، أمس فاتح الشنطة وكان موجود قدامي
إلا يجي على بالي اني نسيت السيارة مفتوحه ولا قفلتها ، وأنقز أمشي مليون داخل السيارة اشوف اغراضي اللي جوا والحمد لله إن أغراضي موجوده
وهنا بدا عقلي يلعب فيني
أنا أنسرقت وإلا لا ، طيب إذا فيه حرامي دخل سيارتي ليش ترك كل هالاغراض اللي جوا وركز بس على الغرض اللي بالشنطه
بعد كل الهواجيس اللي جتني إقتنعت إنه فيه واحد سرقني ، بس اللي ما اقتنعت فيه ليش ترك كل اللي بالسيارة وأخذ الغرض اللي موجود بالشنطة ليش هالغرض بالتحديد
طبعًا بقولكم يا شباب وش الأغراض اللي بسيارتي ، عندي 3 أجهزه جوال داخل السيارة طبعا الاجهزه مو لي ، وعندي مبلغ 4 آلاف ريال لكن بعملة أجنبية
وبالشنطة عندي ، الاستبنة والعفريته وبعض والاوراق وتقريبا مع الاوراق مبلغ 200 ريال
وخوينا الحرامي ترك اللي فوق كله ولا أخذ شيء منه
تدرون وش سرق يا شباب ، أنا نفسي ماني مصدق
ترك كل شيء وسرق شنطة تايوتا الحمراء اللي فيها العدة والمنفاخ والاسعافات الاولية
حتى طفاية الحريق اللي تجي جنب الشنطة الحمراء بالضبط تركها ولا أخذها
انا للحين متعجب يا شباب من السالفة
وبنفس الوقت حمدت ربي انه ماخذ شيء ثاني
وأتمنى منكم يا شباب انه محد ينسى يقفل سيارته في اي وقت ، ممكن تسلم مرّه لكن مو كل مرّه
خاصة إذا كان معك أشياء لها قيمة ، أو أمانة لشخص معين
أما عن الحرامي ، فما راح ادعي عليه بالعكس الله يهديه وأتمنى تدعون له بالهداية والله يسامحه يارب وتجعلها آخر ذنوبه
وتقبلوا تحياتي إخوكم ssv8
إبلاغ
سيارات للبيع
الردود
0
0
ويعدين كل الحولات بالسياره ومبلغ 4000 وتبون الامن والأمان
اذا الشخص بنفسه ماعرف يامن دراهمه ويحطها بجيبه كيف تبون الدوله تحميكم
الحمد لله جت على كذا
8
1
2
0
اخوي ابو خلودي ، اشكرك على مرورك وجزاك الله خير
2
1
او انه خاف من احد او سياره وما امداه يقش ويفتش على رواقه
معوض خير
3
0
إن شاء الله إنه درس لك وترى بعض الأوقات أدور
لشئ وأنعمي ما أشوفه إلا بعدين مثلا بعض الأوقات
أجلس أدور للنظارة وأنا لابسها فسبحان الله يمكن
إن اغراضك موجودة بس مع الربكة والإنشغال ما لقيتها
ودي وإحترامي .
1
1
1
0
ايش نوع وموديل سيارتك؟؟
0
0
هههههه يعني ممكن يسرقك واحد على شغلة يحتاجها
ولو يبي المادة كان شال الجنوط كلها لاني وقتها موقفها بعيد عن البيت
اكيد واحد من حارتكم وﻻ حولكم ومعه تويوتا وﻻ مين بيجي من بعيد وعلى سيارتك تحديدا عشان عدة اسعافات هههههههه
شكله واحد من الجيران انتبه لك لما تركت السيارة وماقفلتها
1
0
واللي سأل عن الموتر ، اللي معي الان كرولا 2015
0
0
حرامي بس صغير لونه حرامي ميه بميه كان سرق سيارتك بكبرها
0
3
نصيحة : دائما قل (لاي شي تخاف علية ) : استودعتك الله الذي لا تضيع ودائعة
تراني مجربها بنفسي والحمدلله الله حافظني
3
1
0
0
بأنه يفتح بابها، وأكيد يقول بنفسه ممكن أحد نسي باب السيارة مفتوح، وكل مامر على سيارة جرب يفتحها،،،
وصارت للوالد نسي المفتاح بس الجيران شافوه وهو داخل السيارة ونحاش،،، ما نقول إلا حسبي الله ونعم الوكيل عليهم
(نصيحة حاولوا تلغون مفتاح الشنطة من السيارة، خلوها على الريموت فقط) وخلوا مفتاح الشنطة منفرط، موفقين
1
0
أنت لما تحط المفتاح في قفل الشنطة تلفه لليمين حتى تفتح الشنطة عادةً، جرب تلف المفتاح يسار بيلف معك 90 درجة وبعدها اسحب المفتاح وهو على نفس الوضعية بتكون قفلت الشنطة وما تنفتح لا بالريموت ولا من الداخل
ما أدري إذا الكورولا الشكل الجديد فيها هذه الميزة ولا لغوها لأن الكامري الجديد بدون قفل مفتاح في الشنطة
جرب واعطيني خبر
0
0
شكرًا على الردود
0
0
و معوض خير ان شاء الله
1
0
على العموم الحمدلله على سلامت باقي اغراضك
قبل 9 سنه و 6 شهر