سبب التفتفه

ممكن البواجي اذا لها فترة طويله ماتغيرت 

حصلت لي نفس مشكلتك وطفشت منها وبالأخير طلعت ( اسلاك بواجي ) واحد منها ضعيف مايوصل كهرب صح .. غيرها كامله وان شاء الله بتضبط معك 

ولاتنسى اذا حليت مشكلتك اكتب عنها هنا 

صحيح افحص البواجي واسﻻك البواجي 

المحترف هههههه  اضحكتني يا شيخ 
اجل تبيه يكتب حل مشكلته 
زين لو يرد الحين يمكن يقرا  تعليقات الاخوان ويحط رجله وما عاد تدري وين راح 

دامك نظفت هذولي باقي لك البواجي واسلاكها شيك عليها وعلى دربك شف صفاية البنزين يمكن متسددة والموتر موديل 2009 يعني له 5 سنوات

صارت لي بيارس زي حقتك 
المهم سويت تصفية مكينه وضبطت.

والله البواجي كل شوي اغيرها غيرت بواجي وكاله ب 80 ريال يقول مخصصه لليارس
المهم وغيرت بواجي عاديه من ب 40 ريال حتى غيرت بواجي راسين ولا تيغر شي
الان فيه بواجي عاديه

اما اسلاك البواجي فحصها لي مهندس وقالي اثنين ضعيفه وغيرتها

لكن صافية البنزين بجرب اغيرها 
 
ام تصفية المكينه هذي ماسويتها لكن كيف وكم تكلف

اما حلك يالتركي جربته قبل شوي ولا حياة لمن تنادي هو هو ماتغير ضغط الهوا

لكن عموما مشكورين كلكم على تفاعلكم وماقصرتو وكل الي تقولونه باخذه بعين الاعتبار

ابشر يالمحترف لكم وعد عليه ان لو ضبطة معي اني اعلمكم بالطريقه
لاني والله في معانها مع هذ السياره لايعلمها الا الله ولا ودي تصير لاحد غيري خاصة عز الظهر مع الحرارة 
والزحمها لكن عسى الله يفرجها ويرزقنا بخير منها



ههههههههههههههخهه اضحك الله سنك يالعزوي وين احط رجلي بطير مثلا 
معك معك في قسم اليارس حتى وتحج البقر على قرونها 

وشاكر لكم تفاعلكم 
وفي انتظار المزيد من الحلول اجربها لان المهندسين غسلة يدي منهم كل ماجيت واحد قال نظف بخاخات ونظف منظم 
واخذ 300 ريال ولا كنك يابو زيد غزيت 

عندي نفس المشكله في يارس 2013
ولكن الاختلاف في التالي /

طبعاً إذا سخنت السياره يعني بعد مشاوير داخل البلد تطلع لي وهي : إذا وقفت عند الاشاره مثلاً تبدأ تتفّتف وينزل ضغط المكينه تحت 1 وكأنها بتطفي ثم يرجع يرتفع فجأه !! وتتكرر الحاله ثم تطفي إذا ما دست لها بنزين وإذا حرّكت ماتتجاوب معي بسرعه يعني أدوس بنزين تحسّ السياره ما تجاوب في المشي شوي وتنطلق .
غيّرت بواجي ونظّفت بخاخات وبوابه وشيّك على الكويلات وقال تمام . ومشيت من الصناعيه وعند أول إشاره رجعت نفس المشكله .
ولا أعلم الحل ؟
هل المشكله في أسلاك البواجي أو صفاية البنزين ؟ أو طرمبة البنزين لاسمح الله ؟
ويبدو الحل الأمثل هو كشف كمبيوتر إذا ما أحد أفادنا مشكوراً .

a-r-g-z

انا عندي نفس مشكلتك ونفس سيارتك ياريت ياريت لو لقية حل قولي والله تعبت انا قربت اغير السياره من قدام كلها

بشرو ان شاء الله لقيتو حل لانني اعاني من هالمشكله 
سيارتي يارس 2013
غيرت كل شي ولا فيه فايده

بشر يا جنوبيn  بعد 4 سنين لقيت الحل و لا فيه احد لقى حل لهذي المشكلة الي بهذلتنا !!!!!؟

أنا عندي يارس ٢٠٠٦ 
نفس مشكلة

معايا يارس نفس الطريقه بس ينخفض الضغط عندما ارجع للخلف وتهز وش الحل البواجي مغيرها بوابه منظفها