والله قهرررررر انضحك عليا
25
4
إضغط هنا للإخفاء
السلام عليكم ياشباب
حبيت اشاركم بموقف صار معي
قبل كم سنه طبعا حصلي ها الموقف
باختصار نزلت معارض جده ادور لي ع كامري
وتعبت من الاسعار المبالغ فيها اغلبها من ٣٨الف ريال وفوق
المهم دخلت معرض واحصل كامري سعودي موديل ٢٠٠
لون اخضر غامق واكلم العامل اللي ف المعرض كم عليها
قالي ٢٩ الف قلتله كثير ياشيخ
قالي كلم صاحبها اذا بينزلك من سعرها واعطاني رقمه
وادق عليه سلام كيفك ياطيب ومن ها الكلام واقله عطني
كم حدك من الاخيييير
قالي ٢٩الف ولا ينقص هلله
يابن الحلال انت مانزلتلي شي طيب نقص
ابداً الرجال مصلب ع ها السعر
طيب وش فيه الموتر ؟؟
قالي ابد مافيه الا العافيه مافيه الا رفرف مرشوش
ومكينه وعضلاته ع الشرط
وارجع اليوم الثاني عشان افحص
واكلم العامل اللي طلع معي من المعرض وين افحص
لاني ماني من جده
قالي في واحد ممتاز يفحص كمبيوتر
قلت مشينا
ومن دلاختي رحت عند صاحبه اللي وصفه لي
وفحص وقالي السياره صديق ميه ميه
نسبة المكينه ٩٣٪
انبسطة انا ووجهي
وارجع اكلم صاحبها واتشحت فيه ينقص ولاكأنك تكلم
الا حجر ولا نقص ريال واحد
وقلت امري لله توكلنا
واعطيه عربون ٥٠٠٠ريال وقلتله بروح اكمل المبلغ وارجع لك
قالي لا تتآخر والا بيروح العربون قلتله ان شاء الله
والله ياجماعة الخير ماكنت املك الا ١٨٠٠٠ الف ريال
وقلت ف نفسي بتسلف وربك ييسر
والا ياجماعة الخير مابقيت احد من الاصحاب والاقارب
الا وتسلفت منه والحمد لله بعد جهد تتدبر المبلغ واشد خط
مع كداد ع جده وانا مبسووووط وفرحان
واستلم السياره كأني والله مستلم مرسيدس اصفار
المهم واروح للبنشري واقوله شيك ع زيت المكينه جديد
والا لا؟؟
قالي نص عمر قلت يمشيني كم يوم لاني والله مطفر
قالي بالراحه يمشيك لا تخاف
والله ياجماعة الخير ماكان بجيبي الا كم عشره بس
المهم امسك الخط واقراء الدعاء وبسمله
رحت اليوم الثاني للبنشري واحد اعرفه جنب البيت
وقلتله شيك ع زيوتها وغير زيت المكينه مع السيفون
بس ترى مامعي ولا ريال مفلس بعدين بحسابك
والله وماقصر
المهم طلعت فيها مشوار يمكن ٣٠كيلو بسرعه ١٢٠ ماحب
السرعه.المهم يوم وقفت ادعس بنزين شوي واشوف ورا
الا وذاك الدخان الازرق .
انفجعت ووديها لميكانيكي واعلمه
ويرجع يعاير الزيت الا يقولي ناقص ربع علبه زيت
قلتله مستحيل توني مغير الزيت
قالي يمكن معك شنبر ضعيف والا المكينه بتجاوب معك قريب
قلتله خير ان شاء الله
واروح لكذا ميكانيكي ونفس الكلام
قلتلهم انا فحصت كمبيوتر وطلعة ٩٣٪
قالولي فحص الكمبيوتر فاضي مايبينلك الا كهرباء بس
المهم انا انصدمت وتأثرت نفسيتي كثييييير
وارجع واكلم صاحبها بالجوال واعطيه العلم
وقلتله السياره لها معي تقريبا ٣ايام تكفى تردلي دراهمي
وتخصم اللي تشوفه مناسب وترجع موترك لك
بكل ادب واحترام وانكسار اكلمه
قالي بكل برود انا صرفت الفلوس ماعندي ولا ريال
لكن بشوف خويي اذا يبيها
عرفت اني طحت بشريطيه
وقلت طيب
المهم اقل من نص ساعه الا ويدق جوالي
ويكلمني واحد ويقلي كم تبي من الاخر
قلتله انا ماخذها من صاحبك ب٢٩الف ريال
قبل ٣ ايام بس
قالي بعطيك ١٨الف ريال
قلتله انت من جدك تهرج؟؟
ياخوي انت كذا بخستني ١١الف من قيتها ف٣ ايام بس
قالي هذا اللي عندي
قلت حسبي الله فيك انت والشريطي خويك الثاني
ورجعت ادور مكينه واغير واصلح
ونسيت ماقولكم البدي طلع مرشوش كامل ماعدا السقف
فتعلمت درس لكن صح انو شوي قاسي
بس الواحد ياجماعة الخير لا يستعجل ف البيع والشراء
ولا يوثق باحد
والحمد لله رب العالمين على كل حال
إبلاغ
سيارات للبيع
الردود
0
0
قبل 9 سنه و 11 شهر