موضوع للعبره

9 5

لايمكنك التصويت حتى الحصول على 20 نقطة على الأقل
إضغط هنا للإخفاء

الخور قريبه 422
قبل 9 سنه و 6 شهر

السلام عليكم ورحمه الله وبركاته كيفكم ياشباب عندي موضوع حاب اوصله لكم والموضوع هذا صار قدامي والله على مااقول شهيد السالفه هذي كانت عام ١٤٢٧ وكنت مداوم وقتها وعندي بالداوم واحد من اخوياي شريطي سيارات اشترى سياره مرسيدس بنز من سوق الحره في الاردن موديل ٨٨ بس ماشاء الله تبارك فتحه سقف مكيفه ولونها ذهبي والسياره حتى لوحاتها ماركبت يعني قيمتها تقريبا من ٢٥ وانت طالع المهم وكنا انا وخويي ندخن برا عند السياره جانا رجال شايب وجار لخويي وبينهم معرفه قويه فالشايب هذا سأل خويي قال المرسيدس للبيع قاله ايوه للبيع قال كم عليها قاله سوم قال اسوم ب ٧٠٠٠ قال خويي طلعها من جيبك وخذها يوم قال خويي طلعها من جيبك لانه عارف الرجال حالته الماديه صفر وماتوقع انه بجيبه شي قال الشايب عطني المفتاح واعطاه المفتاح قال الشايب ماترجع بكلامك قاله والله مارجع بكلامي وراح اسويلك المبايعه الحين والله ياخوان ان الشايب قال والله واللي يحفظ عيالي اني لو طلعت ٧٠٠٠ غير اخذ السياره ولاني متنازل قال خويي والله ماني متراجع عن كلمتي وشنبي على مره اذا تراجعت والله طلع المحفظه ماتشوف غير الزرق الخمسميات وقام يعد والله يارجال انها ٦٩٨٤ ريال وخويي تغيرت ملامحه قال السياره راحت وقام يدور في جيوبه ويقلب بس انها ما وفت ٧٠٠٠ والله يارجال باقي ١٦ ريال على ٧٠٠٠ حظ خويي والشايب قال والله لو كملت ٧٠٠٠ ماودك تحلم فيها ولا تحسب اني راح اتراجع عن السياره بس عاد حظك باقي ١٦ ريال وخويي يرتاح ومن بعدها بطل النقزات هذي وانا انقلكم السالفه هذي عشان بعض يتعض ويبعد عن النقزات هذي واعتقد ياما سيارات راحت بسبب هالنقزات وانا اسف اني طولت السالفه عليكم والسلام عليكم ورحمه والله واستودعكم الله الذي لا تضيع ودائعه 

إبلاغ

الردود