استفسار عن شراء شاص من الامارات

الأخ خالد عندك خطاء إملائي في كتابة (إن شاء الله)
نصيحة أخ انصحك ابتعد عن المستعمل من الامارات لعدة اسباب
اولا مافيه فرق بالاسعار للمستعمل ولا توفي تعبها
ثانيا عندهم الشريطية من العرب الغشاشين
قصة قصيرة لزميل اراد ان يترزق الله ومعه 120 الف راح هناك للامارات وحصل مرسدس اعجبه وشرط عليهم الفحص
قالو افحصه بالامارات باي ورشه
فحصه وقالو تمام اشتر الرجال الموتر وجا للرياض وجا يبيعه بمعارض النسيم اشتراه منه صاحب معرض وشرط
الفحص
وافق الرجال واثق من الموتر قالو مايحتاج نوديه لورشه بنفحصه بالمعرض وافق الرجال
قال صاحب المعرض للعامل فك البطاريه وديكورها البلاستك ونزلها بالارض 
فكوها وطلع المخفي السياره مصدومه بقوة وماقدرو يسمكرون الي تحت قاعدة البطاريه لانه ماكن ضيق 
قالو بنعطيك 100 الف والرجال مشتريها 120 الف رفض ولف المعارض ماجابت 100 الف رجع وباعها عليهم 
هذي سالفه لعلها تكون عبره 
 

مشكور  اخوي وجاري تعديل الخطا والله انا ودي بموتر للبل وللحلال ولانيتي بيع الا بعد 3 سنوات ولاني شريطي 

والله ماعندي فكره عن الامارات لكن النظيف وبسعر معقول صعب
اكثر الشاصات عندنا النظيفه مع شايب مايبيعه ابد واللي يبيعوون اكثرهم شباب يلعن والديه
ويبيعه وسعره عالي
لكن مثل ماقال الاخ انت توحي ماتوقع فيه فرق كبير عشان تتعنى
دور هنا افضل وتحرى الصيدات وان شاء الله تحصل  النظيف وسعره مقبول
بالتوفيق

الجيب خصوصاً سواءً تويوتا اونيسان الاسعار بالخليج النظيف ماتفرق عن السعوديه شي
يعني بإختصار المعارض ماتسوى تعب الروحه والدوران هناك 
الا ان كان تعرف الشخص صاحب السيارة وتقدر تتفاوض معه قبل يوقفها في معرض
بالتوفيق

قبل كم يوم جاي من الامارات طلعت مع اخوي عشان ناخذ موتر من هناك

المعارض اللي رحنا لهم هناك منطقة اسمها ابو شغارة والثانيه اعتقد راس الخور

راس الخور اغلبها مواتر ضغط عالي

المهم فرينا في ابو شغاره ندور يوكن او تاهو وحصلنا بس يقولك شرط ويطلع بلاوي فيها
طحنا على افالون لمتد نظيييييييييييف ماشاء الله وصاحب المعرض اماراتي قال افحصوا وطلع معنا العامل
وفحصنا وطلعت سليمة الحمدلله رجعنا بورقة الفحص وضحك صاحب المعرض قال تدرون ان العامل موديكم لمركز الفحص حقي !!!!!

ويقلبها فوق راس العامل ويعتذر مننا وكتب في عقد المبايعه ضمان الهيكل والصبغ وختم عليه (الله يجزاه كل خير).

وهذا اللي صار معنا لما شرينا

الجمارك اذا وصلت منفذ الامارات يرسلونك لمكتب تخليص جمركي جنبهم يسجل السياره ويعطيك ورقة جمارك بعد مايطلع ويشيك على السياره اتوقع
اخذ مننا 220 درهم

تاخذ اوراقك وتسوي خروج وتروح منفذ السعوديه تختم من الجوازات وتوصل الجمارك وتروح مكتب داخل يقيم لك السياره او بحسب سعرها بالعقد

لان الجمارك تدفع 5 بالمية من قيمة السياره

بعد ماتدفع عن طريق الهاتف المصرفي يوصلهم السداد يعطونك اوراقك وتروح الجمارك اللي داخل البلد اضن يعطونك ورقه عشان تفحص الموتر وتستخرج استمارتك

باقي على سنه 2009 شهرين اتوقع وبعدها يصير مايدخل الا 2010 وفوق

ومبرووووووووووووك مقدما

ملاحظه

انتتتتتتتتتتتتتتتتتتتتتبه من معارض الامارات انتبه الغشيم ينصبون عليه سلااااااااام سلام ويدبسونه بموتر مايسوى .