أضف سؤال أو موضوع جديد          

الكفرات الأندونيسية موضوعين في 1

up 1 down 0
غيـث 130
قبل 7 سنه و شهر



السلام عليكم
اخباركم

اليوم بغيت اطلب كم غرض للسياره 
وكلمت الرجال قال لازم فلوسك ترسلها كامله وانا لا اعرفه ولا يعرفني  وانا لا اثق في احد وبسبب عدة تجارب

المهم بحثت هل هو مسموح له ياخذ الفلوس كامله ووجدت هذا الحديث

حكم بيع مالايملك ..,
قال صلى الله عليه وسلم: "لا يحل بيع وسلف، ولا شرطان في بيع، ولا بيع ما ليس عندك" أخرجه النسائي وأبو داود ، ولأن من شروط البيع أن يكون المبيع ملكاً للبائع،

ومن رايي انه ياخذ عربون ولا ياخذ المبلغ كامل 
وش رايكم في هاذي التجاره
----------------------------------------------------------
الاستفسار الثاني ابغى كفرات تركب على مقاس 285/45/22 
ولقيت اكثر شي الكفرات الاندونيسية وسعرها ماهو بسيط ب 660 وبعد مكاسر ب 640 وش رايكم للكفر الواحد
واذا عندكم كفرات طيبه وتعرفون اسعرها لذا المقاس اذكورها للفايده 
وجزاكم الله خيرآ 
والعذر والسموحه اذا فيه غلط او نقص







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ارحب ابراهيم
الحديث يخص الموضوع الاولى 

 وسالفته  انا بغيت اطلب  قطع للسياره من برا وكلمت الرجال قال لازم ترسل الفلوس كامله وكنسلت الشغله 
لان مافي شي راح يثبت انه لي لا ورق رسمي ولا عقد ولا شي 
وانا معك كلامك صحيح لازم كل واحد يضمن حقه 

-------------
الموضوع الثاني اتكلم على الكفرات اني مالقيت الا الكفرات الأندونيسية ولا قد جربتها ووقلت اسالكم عنها




up 0 down 0
غيـث 130
قبل 7 سنه و شهر



والله الموضوع الاول هذا متعب ودايم اكثرهم يتهورون ويحولون

ويمكن تجي اذا كان ابن حلال ويمكن ماتجي على حسب نية الشخص البائع

بس انا اقول اذا انت محدود جدا على انك تشتري جرب الرجال بمبالغ قطع بسيطه زي بواجي واشياء بسيطه

اذا هو صادق وحسيت ان الرجال امين توكل على الله

بس مع العلم انا مااثق نهائي من هل النوع بالبيع والشرا لان كلا الطرفين لايضمنون حقهم

وبخصوص الموضوع الثاني

مالي خلفيه فيه

موفق يالغالي


up 2 down 0
amear 1347
قبل 7 سنه و شهر



امير صدقة ودايم نشوف الاعضاء جزاهم الله خير يحذرون من النصابين 



up 2 down 0
غيـث 130
قبل 7 سنه و شهر



الموضوع الاول
انا تعاملت عبر التحويل كثيررر
سواء احول لهم ويرسلونها او يؤسلها لي ثم احول

يعني بمعرفتي اعرف هل هذا ثقة او لا .. ولله الحمد ماعمري انسرقت من احد
واللي ما يعرف يميز هذا ثقة او لا فيترك الشغلة


الثاني
معي كفرات اندنوسية ماشية تمام حلوه
بس مافيها عزل يعني اسمع صوتها بالطريق .. ماهي ناعمة


up 2 down 0
الفارس2022 475
قبل 7 سنه و شهر



و عليكم السلام
انا مركب على سيارتي كفرات هانكوك تجميع اندونيسي ما لقيت كوري
مقاس الكفرات 215/R16
و انا اداوم خط شبه يومي لا بأس فيها بس لها صوت خفيف


up 1 down 0
أبو نجوى 2442
قبل 7 سنه و شهر



صبي بني بشر 
الحمد لله والله يبعدك عن النصابين
الشغله ماهي شغلة تميز او لا مافي شي يثبت حقكك انك شريت من الرجال 

بناسبه للكفرات صوتها مزعج !! ولا بيسط وكيف مطبها 
--------
ابو نجوى جزاك الله خيرآ 
كيفها مع اللفات وهل تنمسح بسرعه 


up 0 down 0
غيـث 130
قبل 7 سنه و شهر



هانكوك لينة و مريحة بس صوت الكفرات لا بد منه
حاليا" الكفرات الخلفية فيها مسحية بسيطة ركبتها قبل أكثر من سنة
بس مهو من نوعها الاذرعة يبي لها وزنية
اﻻمامية لها ست شهور ما شاء الله ما فيها شي و السيارة دفع امامي
انصحك تركب كفرين و تجرب بعد احكم و ركب كفرين من نفس الشركة او غير
الاولوية للكفرات اللي عليها دفع السيارة ( دفع امامي او خلفي )


up 1 down 0
أبو نجوى 2442
قبل 7 سنه و شهر



بالفعل انتبه لحجم الجنوط ترا يفرق كثير


up 1 down 0
أبو نجوى 2442
قبل 7 سنه و شهر



ما ودي افتي لكن

حسب ما فهمت ان الطلبات تكون من مواقع امريكية وهي الحالة مهو بايع هو وسيط لنقل الاغراض

فيه كثييير اعضاء في الموقع فيهم الخير و البركة في هذا المجال وكل واحد و تخصصه

عشان تتاكد انه حقك مهو ضايع باذن الله

دور على العضويات القديمة مثلا سنة و فوق ومستمر
يكون دافع عمولات للموقع
عنده تقييمات للعملاء السابقين
يوضح لك شروط الشحن و النقل واللي لك و اللي عليك

واذا كل ما تساله شي يقلك حول المبلغ و ابشر غالبا نصاب اما الثقة اخر شي يهتم بتحويل المبلغ بعد الاتفاق و توضيح كل البيانات




up 4 down 0
almuhands 242
قبل 7 سنه و شهر



بالنسبة للموضوع الأول، اللهم صل وسلم على محمد.
تماماً كما في الحديث، دامه ما يملك السلعة عملية بيعه والشراء منه ما تجوز، وما نهى عنها الدين عبث.
الواحد أول ما يبدا في التجارة يبدا بشي رخيص يقدر يشتريه.

الموضوع الثاني، إن كنت تسافر وتمسك خطوط، نصيحة لا تركب الأندونيسي والتايواني، إلا إذا كان ماركة أصلية معروفة مثل هنكوك أو بريجستون.
من تجربة لي جودتها تعبانة وتورم بسرعة ما تسوى ريال.

أفضّل كفرات صينية مشهورة والكل يمدحها على الأندونيسي شركة وتصنيع.


up 1 down 1
وليد م ع الدخيِّل 490
قبل 7 سنه و شهر



ابراهيم جزاك الله خير
ذكرتني بحق الكفرات اقوله عندك كفرات 22 قعد يكبر ويهلل ههههههه مادرى وش جاه 
ودي اقيمك لكن يقول لايمكن تكرار تقيم العضو 
ابونجوي 
شكرآ لك ووفقك الله
على الرد وبتوفيق يالحبيب
 almuhands 
صدقة ولكن ليش الواحد مايطلب بنفسه ويعتمد على نفسه شوي ويجرب بمبلغ بسيط
وليد 
حياك الله 
انا فكرة الواحد ليش مايفتح محل ويطلب من برا وياخذ عربون بنص القيمه ومحله رسمي موثق من وزارة التجاره 
وبينك وبينه عقد رسمي وكل شي  موثق ويعطيك ضمان وراح يشتهر ويتوسع وافضل من الجوال ماتعرف الاصوته 
ويشتغل فيه بنفسه !! والله بيدخل خير وماتوقع الشغله فيها ذيك الصعوبه 
الصيني متررد منه مادرى ليش 
والله يوفقك


up 1 down 0
غيـث 130
قبل 7 سنه و شهر



كلامك صحيح غيث
وكلام المهندس صحيح أيضاً في حال كان البائع قديم وناس كثيرة جربته وتمدحه.

الكفرات الصينية ممتازة إذا كانت من ماركة معروفة الكل يمدحها بعد تجربة.

أنا جربت ماركتين، Rapid و Savero ومشيت عليها من ١٥ إلى ٢٠ ألف وما شفت منها أي خلاف
أبداً من ركبتها ولحد الآن كأنها كفرات ميشلان وبرلي ومسكت عليها خطوط وديرة وبر.


up 0 down 0
وليد م ع الدخيِّل 490
قبل 7 سنه و شهر



جزاكم الله خير

الحمد لله اليوم شريت جنوط اسكاليد مقاس 20 -ب2000 ريال
وشريت كفرات جديده قوديير ب 3000 ريال 
مع الترصيص و التركيب مجاني 
-----------------------
تغيرت السياره 180 درجه صارت ارسى من قبل وتغير المنظر
ولكن هل في برمجه بعد تغير الكفرات 
واذا كانت فيه كيف اسويها 
وشكرآ لكم جميعآ


up 1 down 0
غيـث 130
قبل 7 سنه و شهر