أضف سؤال أو موضوع جديد          

صور ..لا يفوتك المخزن ماشي 500 ألف

up 14 down 3
الشبح يكفيك 1459
قبل 9 سنه و 6 شهر



اللي يأيدني يعطيني لايك // ......... الموضوع بتكلم فيه عن .. ظاهرة تخزين السياره .. المعروف في دول العالم أن السياره المخزنه هي السياره اللي تكون نظيفه جدا مثل الوكاله والكيلو متر ما يتجاوز 10 آلأف بالكثير 15 ألف والبودي يكون مثل ماطلعت السياره من المصنع تشوف اللمعه ... ؛؛؛؛؛؛ بس التخزين عندنا غير.. يجيك شخص يحط إعلان عن كامري مثلا .. صيغة الإعلان هكذا.. لا يفوتك النظيف / ألحق عالمخزنه / كامري مخزنه .. طيب تجي تقرى التفاصيل كامري موديل 2006المراتب فيها تقطيع بسيط بس منجد عليها .. بودي وكاله بس راش الصدام الامامي والخلفي والكبوت جا فيه تبهيت من الشمس ورشيته ...أها بدينا بالنصب .. وفيها عفط بسيط في طرف الكبوت ..وفيها حكه بمقدار شبر في الرفرف الخلفي ورشيتها .. وهي بسيطه ماتضر .. <<<أي ماتضر يالحبيب ..العداد 350 ألف كيلو ..وطبيعي بحكم الموديل << الاخ طلع كداد ....... أهــــا نجي للمهم ... بالنسبه للسوم ياشباب لحد يسوم بأقل من 35 ... << وإذا سمت بأقل زعل ........ زبدة الكلام للمقارنه شوفو عدادت السيارات عندنا .. وشوفو صور الكامريات المخزنه برى مثل اليابان وأمريكا وأحكمو عليها .. وشوفو سيارات ربعنا
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انا قد تكلمت فهذه الموضوع اكثر من مره وقلت (( لاتدور على اي سياره مخزنه عندنا ))  للاسف ثقافة التخزين عندنا رايحه وطي   تلقى السياره ماشيه 60 الف كيلو ويقولك مخزنه !!!    واذا لقيت سياره مخزنه   تلقى السياره واقفه لها سنين وزيت المكينه موجود فيها ومن المعروف انه اذا بتخزن لازم تفضي زيت المكينه وترفعها عن الارض عشان شوي وتحطها فمكان بعيد عن الرطوبه والحر وحرارته معتدله وبعيد عن الشمس     


up 13 down 2



مساء الخير .

في مثل يقول الله يكرمكم (( القرد في عين أمة غزااااااااااااال )) يعني كل واحد بيمدح موترة بأي طريقة من اجل يبيع السيارة

بسعرعالي .. مشكور على موضوعك يالشبح .


up 7 down 0
أبو ميان . 154
قبل 9 سنه و 6 شهر



كلام سليم أخ شاقح ..صح لا زم تفرغ المكينه من الزيت.. وهذي النقطه يجهلها ناس كثير ..اشكرك عالمداخله


up 6 down 0
الشبح يكفيك 1459
قبل 9 سنه و 6 شهر



هلا وغلا أبوميان ..


up 6 down 0
الشبح يكفيك 1459
قبل 9 سنه و 6 شهر



يبدو انه اخوكم ( شقوحي ) جاته حاله نفسيه من سوق السيارات فالسعوديه   ههههههههههه  


الاحظ ممكن 95% من الي بيشتري سياره في الموقع وبرا الموقع اول مايسأل عن ممشى السياره وبعدها يسأل مرشوشه واخر شي يسأل عن المحركات ويمكن يشتري ومايدري عن محركات السياره ويتورط ..

اكثر شي يهمني عن شراء سياره المحركات + الشاص مايكون جاه شي



up 4 down 1
ابو نواف 954 1771
قبل 9 سنه و 6 شهر



مايرفع ضغطك بالسوق بالسعوديه الا السوم



يامال العافيه حد سيارتك وفكنا






up 4 down 0
ابو نواف 954 1771
قبل 9 سنه و 6 شهر



اكثر سيارات ملعوب في عداداتها هي الخليجية خاصة الجيوب .


up 1 down 0
الوافي5555 126
قبل 9 سنه و 6 شهر



ياخوان حنا عندنا السيارات ممشاها مب طبيعي ابد
تحس ان بعض الناس دوامه بزحل ولا عطارد
يعني كامري 2010 ماشيه 250 الف !!!
انا شاري كورلا اللحين كملت سنة معي مامشت الا 9000 كيلو



up 3 down 0
أبوعبدالرحمن - عنيزة 52
قبل 9 سنه و 6 شهر



انشهد انك صادق بس ليش جايب الصور كلها كوامري هههههههههههههههههههه


up 1 down 3
نواف 2000 n -101
قبل 9 سنه و 6 شهر



والله ياشباب اكثر اللي عندنا كلهم نصابين اهم شي االفلوس الذمه ماهمته يخليك تجيمن ديرتك ومشوار وتعب وفي الاخير تطلع السياره زفت ولا يفوتكم واحد هنا عارض لكزس موديل 99 ويقول السوم 61 الف والحد 67 طيب شايفنا بهايم عندك والله شي يرفع الظغط


up 0 down 0
ســامــر 1057
قبل 9 سنه و 6 شهر



جارنا معه لاندكروزر موديل 2007 ماشاء الله باقي جديد واكياس الوكاله باقي فيه للحين
حتى اللصقات اللي بالديكورات باقي موجوده اشوفه كل فتره تقريبا كل شهر الى شهرين يروح يغسله ويغير زيوته
مع انه مايحركه كثير واقف على طول ياخذ فره عليه ويرجع يوقفه بالشهور سالته كم ماشي قالي 11 الف بس !!

مره كنت واقف عنده واكلم جوال وشافني الرجال من النافذه وجاني يركض يقول معليش انا خايف على السياره وافكرك
حرامي السموحه مانتبهت انه انت من الخرعه هههههه هذا المحافظه والتخزين الصاحي ماهو بعض الناس يمشيها 150 الف ويقولك مخزنه ياخي اقنعني وين التخزين والمحافظه البدي مشهب الله يصلحك ...

بالنسبه لربعنا ياخي انا اقوله حنا شعب اكثر ناس تفر بسيارتهم من قوة الفضاوه والطفش
بعكس الدول اللي ذكرتها بالنص هذولا ماعندهم فراغ ووقتهم من ذهب ويستغلون الوقت بأي شي يفيدهم
وضعنا بالحضيض الله يسلمك مافيه جدول ابد الشباب يعاني من الفراغ القاتل الله المستعان .


up 3 down 1
عـادل عبدالله 4751
قبل 9 سنه و 6 شهر



نسيت اهم شي
(((( رش تـــــجمــــيـــلــــي ))))


up 3 down 0
أهل القلوب الرحيمة 1150
قبل 9 سنه و 6 شهر



ههههههاااااااي ماشية 350 الف ويقول مخزنة ؟ لا والشريطية يجون على رنة من جواله يزيدون واخرتها ماتشوف واحد منهم حسبنا الله فيهم بس
موضوع جميل ومفيد :)



up 1 down 0
كارمي 2038
قبل 9 سنه و 6 شهر



وكمان نقطه
ونطلب من الله الزود يوصل سعر خيالي من سايم كذاب ويقول نطلب من الله الزود ما شفت اعلان فيه بيعه واضحه لسايم واذا باع ماقال بكم باع هذي والله مشكله بعد


up 1 down 0
وليد ابو فيصل 1205
قبل 9 سنه و 6 شهر