لمن جرب المكدة بالليموزين

رأيي كآلتالي ..

-  تجربتي مع التآكسي، أخذتها من مشروع عبداللطيف جميل، قلت إن ناسبتني إستمريت وكان تخطيطي 

إذا وديت أهلي مشوار مثلاً السوق، عند الأقارب، زيارات، أروح بدل ما أنتظرهم أي أحد على الطريق
آخذه وأوديه لين مايخلصوا،، وإن ماحصلت رجعت البيت .. 

وأحيانا تكون تبي تتمشى بالشارع تغيّر جّو، في أحد عالطريق آخذه وأوصله .. الحلو فيها تكون مدير نفسك 

وفي نهاية المطاف إن ماجازت لي، قلت أخليها سيارة عادية وأنزل منها أدوات التآكسي وتكون سيارة عادية .. 

كـ تجربة، ما كديت فيها كثير لأني أبحث عن وظيفة، وكنت محتاج سيارة توماتيك وقتها قلت أكسبها وأخليها

إثنين في واحد ... ونبدأ من الصفر على قولتهم بالتجارة، لكن ماهناك دبره هههه 

-  السلبيات المتكرره، ماشفت للحين سلبيات لكن مع إحتكاكي لبعض الناس أعرفهم متكسّين، يقولوا لا تركبوا حريم 
منعاً للإحراج لأنهم يخسفون السعر عليك، في اللي ماوده يركب كونّــك سعودي، وفي اللي يبخص أم السعر عشان مايركب 
ويشوف تاكسي أجنبي ويرتاح له يمكن!

-  طريقة مثلى للكــّد، أوقات وتنظيم، الصراحه مالي ترتيب فيها فقط عالدرب حصلت وترزقنا .. 
وأحيانا بعد صلاة الفجر قبل زحمة الناس أحصل بعض العساكر يخلصون ويسلمون وأوصلهم .. 

والحين موسم الشتاء، تسوق وماتشيل هم الزحمة والحراره والمكيفات وصرف البنزين، والله يكتب اللي فيه الخير 

أتمنى رأيي يكون مفيد لك وللقراء ،، والسلام عليكم ورحمة الله وبركـــــــــــــــــــاته ... 

معذرة، باقي استفسار عن نوع السيارة، سمعت مؤخراً راح يوقفون الإلنترا (هونداي) من وزارة النقل لكن فقط سمعت ماني متأكد 
وإذا تبي الراحة خذ كامري توماتيك، بس تعرف البنزين مع التوماتيك غير عن العادي، إذا ماتبي صرفية هونداي حسب ظني. 

وأي سؤال نحاول نخدمك فيه بإذن الله ،،، 

خذ ارخص سياره نظيفه بس اهم شي تغسلها يومياُ ولا تستعجل وتلفلف كثير تحسب الزبون بيطير لان الرزق على الله  ولا يكون هدفك مالي فقط بل انت سعيك بالحلال ان شاءالله فيه لك خير. أحياناً تضطر وماتلقى معك صرف خلك سمح ولاتكبرها اذا مافي مكان تصرف منه. وانا من رأيي بعد صلاة الفجر تاخذ لك 3 ساعات وترتاح اليوم كله او بعد صلاة العصر الين صلاة المغرب ويكون كذا ماتعبت نفسك ولا قصرت في بيتك واكلك حلال وصرفك حلال وتنام مرتاح مطمئن البال احسن من الف ملياردير ينام وهو قلقان وتعبان نفسياً

بسم الله الرحمن الرحيم 

اذا بتاخذ لموزين خذ قير عادي لانه يخدم اكثر من التماتيك

بالنسبة للرزق هذا بيد الله تحصل بعضهم ينزل في نص ساعه

يضرب ضربته ويمشي وبعضهم يطارد طول النهار وما يحصل الا 

الفتات ( الارزاق بيد الرحمن ماهي بيد الخلق ).

انصحك توصل مدارس او جامعات او مشاغل نسائية او مستشفيات

لان في نظري اللفلفه ما معك منها الا تعب ووجع راس والزباين

تقابل انواع واشكال تقابل النفسيه والمجنون والمستلج والصاحي ..الخ

اذا فيك شده المكده خطوط طيبة لكن متعبة نوعا ما ويبيلها واحد 

كبير وعاقل وفاضي لانك تقابل عينات الله المستعان مايدري وين

الشرق من الغرب الحمد لله الذي فضلنا على كثير من الخلق تفضيلا

هذا اللي اقدر افيك فيه والله يرزقك ويرزق كل مسلم بالرزق الحلال.

السلام عليكم
اولا انا صراحه معاك في الفكره لاكن اخالفك انك تشتري سياره جديده
انا اخذتلي اوبتما 2008 ب عشره الاف ريال
والحمدالله كديت عليها اقسم بالله انها خير كثير
وخويي معاه تكسي لاكن صراحه ما كسب مثلي والسبب

اولا انا ولله الحمد والله من يوم اشتغلت فيه ما عمري حددت سعر اقسم بالله دايم يقولي بكم
اقوله الي يجي منك 
والله نهاية اليوم نتقابل انا وخويي انا مطلع 500 ريال وهو مطلع 200
لانه صراحه هو ماخذ التكسي للترقيم ولا يشيل الا بنات الله يغفرنا ويغفله

شوف يا غالي والله نصيحتي خذ ولا تتردد سياره رخيصه واتوماتك ولا ترد احد حتى لو قالك ما عندي فلوس ربك بيعوضك والله
طبعا الي يقولك لا تاخذ ما اقول انو كلامه غلط لا
في ناس تحب الحركه وفي ناس تحب الجلسه 
في ناس مشغل عقله وفي ناس معتمد على دخل ثابت
علشان كذا هذا يرجع لك انت شخصيا 

هل انت قدها ولا منت قدها ؟

وعليكم السلام ورحمة الله

لم يسبق لي العمل في هذه المهنة

لكن في كل شغله معوقات وصعوبات في البداية الى ان تتعود ،،

يعني لا تكره الشغلة من اول شهر ،، هذا طبيعي

فإذا عزمت فتوكل على الله وادع الله ان ييسر أمرك ويشرح صدرك

موفق انشاء الله يل غالي. 

بالتوفيق اخوي..

لكل مجتهد نصيب

توكل على الله ونصيحتي لك تبدأ بعد صلاة الفجر فالرسول صلى الله عليه وسلم دعا بالبركة كما جاء في الحديث (اللهم بارك لأمتي في بكورها) ولا تنسى دعاء الخروج من المنزل كما جاء في الحديث (من قال بسم الله توكلت على الله لا حول ولا قوة إلا بالله فيقال له حينئذٍ كفيت ووقيت وتنحى له الشيطان)

ومثل ما قالوا الشباب خلك سمح وابعد عن المشاكل

واسأل الله لك التوفيق والسداد

المكده بركه لكن تبي صبر على الركاب بالنسبة إلى السياره خذ لك انترا اوكامري حاول تاخذ قير عادي لانه اكثر تحمل
وبالتوفيق للجميع 

والله عاد انا عطيته رائي ماظربته على يده الا ياخذ قير عادي

العنزي وش تبي أنت الحين ؟

العنزي عرفتك ززين انت من حقين التويتر سالب جاد وكذا هههههههﻻ

العنزي دا السافل المنحط كل ماادخل موضوع القاه يلقي يقاذوراته مدري ايش يبغا النفسية دا

ي رجال والله ثم والله واللي خلق هالكووون لو انه صادز متصل علي
كان ماتلقونه للحين ييدخل المنتدى والمشكلة يحلف بالله كذب 
والله انه مريض نفسي ومن كثر ماهم خارشينه الرولة والعنوز 
ماله حيله المسكين غير بالحتسيي من ورا شاشه 
والله ي رجال انه نصااااب ويحلف بالله كذب واللي 
 اكد لي هالشي انه يحلف انه متصل علي وانا ماشفت منه شي 
اتصل اذا ماخلييتك جاريه عندي يالمريض