أضف سؤال أو موضوع جديد          

قصتي مع طريق حائل تبوك

up 7 down 8
مستر12 897
قبل 7 سنه و شهر



السـلام عليكم ورحمة الله وبركاتة .

طبعن القصه الي فاضي   مثلي عاطل  لا وظيفه ولا شي :(  يلا بدامنه تونا متخرجين خل نفله سنه . 

المهم .   كتبت قبل كم يوم اني ذاهب الى تبوك مشوار بسبب ظرف  لاحل له الا ان اااتي انا .

وسالتكم . عن الطريق .  وكتبت اني علمي فيه قبل 10 سنوات . 

بسم الله .

طبعن في يوم . اعتقد الثلاثاء .  في تمام الساعه 10:30. صباح . انطلقت الى مدينه تبوك . 
السياره برادو 2011 سته سلندر  

مسكته  وانا طفشان .  سبب الطفش  طول المسافه فقط . ولا احب اسافر با النهار .

المهم   الظهر كان في محطه اسمه ساسكو معروفه .  وقفت لكي اودي صلاة الظهر والعصر جمع .

حصلت راعي جي اكس ار . واقف عند المسجد يركب حاجه . المهم  وانا داخل اصلي راح الرجال .

صليت وخلصت . وركبت ومشيت .  طبعن . بعد 200 كيلو قبل  كبري الجهره . با 5 كيلو . 
حصلت  جي اكس ار .  متقلب . الله يرحمة ويسكنه جنات الفردوس . طبعن انا شاك انه هو . لانه ماحد تعداني في الطريق 
ماوقفت عليه كان في امن الطرق وكان موجوده    ومغطينه .

بعده  كملت .  صار جوي . كائيب جدا وطفشت . والطريق مايساعد  صح صار سيدين بس .
بعد الحادث الي شفته  جتني ديقه صدر . والطريق بهت شكله  ولا في زحمه شبه فاضي .

المهم قبل وصولي تبوك . با 110 كيلو .. جاني اتصال انه تم حل المشكله .  

قلت وشيي  يوم قربت المهم قلت بجي اسلم عليكم وبمشي قالو حياك . 

وصلت بيت الرجال في تمام الساعه مادري قبل المغرب بانص ساعه . 

المهم  سلمت على الرجال  وتقهويت عنده . وصليت المغرب والعشاء وقلت عن اذنك ماشي .

قال العشاء . قلت على بلاطه . انا رجال مارتحت من دخلت تبوك وانا ضايق صدري  ولا ابي اتعشى عشان
ماحس با الخمول با الطريق  المهم غصبني لكن رفضت ماقصر . ( الرجال مايدري اني جاي عشان  حل مشكله عائليه له . يحسب عشان شغله ثانيه  

المهم   قلت بنام شوي . ابو ساعه او سعتين .  وانا اسدح مراتب السياره . واتقلب ربع ساعه نص ساعه 
الا ماش . يقول الدرب حائل 

قلت برجع بس  

كان وقت صلاة العشاء في توقيت دبي . اقصد تبوك .  

المهم وقفت لمن طلعت الصلاة  واعبي فل . 

طلعت مشيت 10 كيلو او تعديت اخر محطه  با الطريق .  احس في غلط  في مخي . 

قلت برجع اتعشى واخذ  غرف با الساعات . ديورت  الى مدخل تبوك . قلت ياولد ليش ماصبر شوي .

واخذ با ساسكو بعد 150 كيلو .  كانت مرهق وابي انام . قلت بش حل اشد . ( بعد ماوصلت محطه ساسكو  جاني اتصال بان المشكله رجعت .قلت اقرب طياره احجز وتعال  ماقدر ارجع   

المهم  اول ماتعديت المحطات الا بكرسي با الارض  مرمي ربك ستر . الي قدامي دق فلشر  على طول هديت . قلت ابي اشيله  الا الرجال  كان سابقني 

وبعده بكم كيلو .  الا بحادث فورد + وتريلا . الله يرحم من مات منهم نفس السالفه  متوفي الرجال ومغطينه .

وجتني ديقت الصدر . والله بوقته اني قلت ماني واصل ديرتي . وامشي با الطريق 110 اول شي  متعض كنت :( 

واقول هاه اثبت السرعه لا اثبت لا  ياولد لا يعلق عليك تانكيه كبير وفل يوصلك القصيم مهو حائل . 

قلت لا بس  خل شغل المسجل وازعره .  طبعن الطريق ماتشوف شي امامك 

عيون القط في الطريق قديمه جدا ولا تشوف لمعه  والطريق سيدين صح لكن بدون شبك  
لو تجي  يعني مثله ومثل ابو سيد واحد .   وبعارين كان با النهار مليان لكن بالليل الحمدالله ماشفت

الحمدالله وصلت ساسكو .  دخلت الغرفه 10 تمام  عيرت الجوال 12  الا ماش ماكل هم الطريق قمت قبل 
 11:45 تقريبا . وانا  اكمل الطريق . امشي تقريبا 140 150 راحت العضه  الانسان نساي .

وماوجهت مشاكل بعده يارب لك الحمد  ووصلت مدينه حائل في تمام الساعه . 5 تقريبا      

والحمدالله على السلامة .  

كنت احب السفر واسافر كثير بعد السفره هذي كرهت السفر . كليا 

وقلت ماعد اسافر لو اي احد يتصل علي يقول مشاكل او احراج 

واسف على الاطاله  والسلام عليكم .

 يازين السياره السيدان في السفر بس 











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحمدلله عالسلامة ياخوك 

واكبر خطأ ان الواحد يكابر النوم في الخط او ماتحس انك نعسان 

شوفلك مكان آمن طف سيارتك وامن البيبان وخذلك ابو نص ساعة ترييحة 


up 5 down 3
... غالي الأثمان ... 146
قبل 7 سنه و شهر



الحمدلله ع السلامة با خوي حاول لا تتردد في اي امر لان التررد بطال... اذا قررت ع شي خلاص كمل عليه الين ما تنهيه
و موفق ان شاء الله


up 2 down 1
the son of the kingdom 927
قبل 7 سنه و شهر



^^^ديس لايك ___________________-


up 4 down 2
the son of the kingdom 927
قبل 7 سنه و شهر



انا اذا حسيت بتعب اوقف تحت كبري واصكها نومه ساعه بالكثير تخليني انشط


up 3 down 3
شويخ من أرض مكناس 2823
قبل 7 سنه و شهر



ياشين اذا شفت حادث قدامك وخصوصا اذا صار وفيات والله تقلب النفسيه على طول 


up 6 down 2
شليطيح 5018
قبل 7 سنه و شهر



الحمدلله على السلامة بالروحة و الجيه
صعب الواحد يسافر خط طويل لحاله
انا رحت للرياض من حائل لوحدي 600 كم
و الله طفش و ضيقة
حتى أبو ملوح حفظت كل سوالفه و قصايده ههههه
لو ابروح مرة ثانية حجزت طيران 400 ريال و لا وجع الراس و خساير ساهر
بالنسبة لطريق حائل - تبوك دايم تصير فيه حوادث و وفيات مدري ليش مع انه خط سيدين
بس ممكن لان طول المسافة تخلي الواحد يسرع يبي يلحق
انا ماش اولي ابطلع لضباء او ينبع بهالاجازة ابشوف البحر و اقرب من الشرقية
لكن طفرت و هونت ههههه و ممكن خيرة لا رحت و لا جيت الحمدلله و الله يرحم أمواتنا و أموات المسلمين


up 5 down 3
أبو نجوى 2442
قبل 7 سنه و شهر



الحمد لله ع السلامة 
والنوووم مايستهان فيه ابد لبق وتمغط شوي وطلق رجليك وتتنشط


up 1 down 1
تقووى الهجر 252
قبل 7 سنه و شهر



كان ممكن تستأجر سيارة سيدان بالخط مريحة وبنفس الوقت راسيه وانسيابيه بعكس الجيوب والفرق واضح ركبت سوناتا ومشيت عليه 180 ما شاء الله كأنك ماشي 130 على جيب وهذا معروف لأنك بأرتفاع بسيط جداً عكس الجيب بس من ناحية العزل الأرضي يا زين الجيب ما تحس بالشارع الخشن ولا بعيون القطط...


up 4 down 1
acura 3755
قبل 7 سنه و شهر



اصعب شيء تسافر لوحدك


up 2 down 2
edgam 609
قبل 7 سنه و شهر



طيب هي استهبال تعال مشكله واخر شي انحلت المشكله


up 4 down 0
راعي الموستنج 1 38
قبل 7 سنه و شهر



حسبي الله على مدرس الاملاء :)


up 1 down 2
v8..... 61
قبل 7 سنه و شهر



ولا بعد ياراعي الموستنق يوم مشى من عندهم رجعت المشكله هههههه يعني طقطقه صد رد


up 0 down 2
العامري دوت كوم 2 455
قبل 7 سنه و شهر



العامري بشر لقيت موترك بشر


up 1 down 0
مراجل2 95
قبل 7 سنه و شهر



الحمد لله علاسلامك يل غالي بروحه وبل جيه. وصحيح مايصلح السفر. وحيد.  لازم معك. خوي يسليك.  والله يرحم موتانا وموتا المسلمين.  والله يصبر اهلهم.  


up 0 down 0
مراجل2 95
قبل 7 سنه و شهر



ابد باقي والله يا مراجل


up 0 down 0
العامري دوت كوم 2 455
قبل 7 سنه و شهر



بهذلة الطريق كانت في بداية شبابي
بدون وعي
ساهر وابي امسك خط
لا توقيت صح ولا احتياطات صح
وعجلة طالع من ديرة إلى ديرة كأنك ملحوق

اسوأ شي من تجارب والحمد لله تركتها:
- أنك تحرك من مدينة بدون تعبي بنزين وقد يصادف بالطريق تحتاج تعبي تلقى المحطة الي حاطها في بالك بنص الطريق مقفله او مخلص البنزين أو فيها مشكلة.
- أنك تحرك من مدينتك بدون توقيت صح والأفضل إذا كان الطريق مسار واحد وبدون شبك او حتى مسارين او معروف بكثرة حوادثه او الأبل السائبة الأفضل تحرك بعد الفجر
مباشرة لو تصلي اول ما تطلع من الديرة. لأن الطرق السيئة يفضل تمشيها بالنهار. والحمد لله الآن هذا انا اقرأ موضوع عن طريق حائل تبوك وعرفت حالته سابقا ما يمديك
تعرف حالة الطريق ولا المسافات إلا من اللوحات،لذا لا تمشي بالليل إلا مع خطوط سريعة عليها شبك ووجود دوريات أمنية.
- أكبر خطأ إنك تمشي وأنت صاحي من 8 ساعات، يوم الأنسان ثلاث شفتات 8 ساعات لنومة و 8 ساعات عمل و8 ساعات مشاغل من واجبات اسرية واجتماعية.
- إذا شفت حولك زحمة سيارات بالطريق وكأنها خلية نحل طايرة مع بعض ابعد عنها أما تهدي وتخليها تروح او تتجاوزها، لأن اي سيارة منها يحصل معها بنشر او احتكاك راح
تعدم السيارات الباقية.
- إذا صادفت حادث إذا كان موجود عنده ناس فيهم البركة لا تشيل همهم انت مو احسن تصرف من لي وقف لهم راح يسعفونه ويقومون باللازم والتجمهر على الحوادث
جهل ويسبب التآكل كل واحد يتكل على الثاني واخرتها يموت المصاب بسبب التردد والتآكل لا توقف أدعي لهم بالسلامة وكمل طريقك.
- لا تمشي خلف سيارة كبيرة تحجب الرؤية عليك لأن أحيان يكون الخطر امام الي امامك وهو مسرح او مايدري فأنت تشوف الخطر من بعيد وتتلافها افضل من انك تعتمد على
السيارة الي قدامك.
- حرك قبل موعدك بيوم او يومين وخذ الأمور سهود ومهود ووقف ونمت وفلها وخذ لك لفه بالديار الكبيرة الي توصلها، حنا ما ذبحنا إلا على قولتهم (شعب آخر لحظة) الموعد
نروح له آخر لحظة والطيارة نركبها بآخر لحظة والمسجد توه مأذن ماندخل نقرأ قرآن، العجلة من الشيطان وخلق الأنسان عجولا وخلق يحب الشهوات لكن خلق له عقل، يفكر
بكل ما يصير معه مثلا أغلب مخالفات المرور "عجلة" قاطع الاشارة مستعجل وعاكس السير مستعجل والمسرع مستعجل. وحوادث الدهس وراها مستعجل، رايح الصيدلية مستعجل؟
راجع للبيت من الدوام مستعجل؟ بيطير الغداء مثلا؟ تفضل اقلط تقهو: لا والله مستعجل! إلى متى وحنا مستعجلين! على ايش نبي نلحق! والعجيب إذا عمره فوق الخمسين ومستعجل
يعني الي مالحق عليها بأول حياته الحين
مسكت بيسوي كل شي! (كلن يموت وحاجته ما قضاها)
لذا إذا كان عندك موعد او عمره او مناسبة ياخي خذ الامور سهالات اقلبها تمشية بالذات إذا الديرة الي رايح لها ماقد رحت لها او نادر تروح لها.
ارفق على عمرك وعلى سيارتك صحيح الأقدار بيد الله لكن اعقلها وتوكل. وإذا بليت فأستمتع، لا تفكر في الطريق ومتى بوصل وراح الوقت ووراي شغل كل هذا أمور تحثك على
السرعة وعدم الراحة.
- إقرأ وردك ودعاء السفر.


up 0 down 0
k_s_m_h 75
قبل سنه و 5 شهر