أضف سؤال أو موضوع جديد          

...........اخلاق البائع وانا اشتري بفلوسي ...........

up 12 down 4
شبح 600 sel 6081
قبل 7 سنه



السلام عليكم


مساء الخير

في المجتمعات البشرية تقابل ناس مختلفة وأخلاق مختلفة وطبوع متباينة مابين الجمال

ومابين القبح واعتقد ان وظيفة قبيحي الاخلاق ان تعرف قيمة الخلوقين وتتمسك فيهم اكثر وتحمد ربك انك

مااندبست بشخص اخلاقه مثل وجهه وتكبر البلية اذا كان هذا الشخص قريب منك كزميل عمل او زوج احدى قريباتك مثلا

وفي نفس الوقت تحمد ربك ايضاً اذا ابتليت بشخص زي كذا وتتقبل القضاء والقدر وهذه فائدة في الثواب وفي

تطوير ملكة الصبر لديك وفائدة اخرى ان يميز من حولك بينك وبينه ويرون فارق الاخلاق بينك وبينه فتكون حسن السيرة ومحبوب ..

في مواقع البيع والشراء تصادف بعض المواقف مثل هذه وانا متاكد انك انحرجت يوم من الايام من اخلاق

شخص ماتعرفه ولا بينكم الا هالكتابات وفي المقابل حسيت انك ودك تشب في واحد وايضاً ماتعرفه الا بهالمواقع

بعض الاعلانات تحس انك جاي تشحد منه او انك جاي تاخذ منه حلاله بلاش

يجي يحط الاعلان للبيع سيارة فلانية وماتشكي من شي وشكرا

يجيك عضو يسأله اكثر من سؤال والاخ الزفت يرد بدون نفس وعلى سوال واحد بس، مثلا زي كذا :

أخوي ممكن اعرف كم موديلها وكم ماشية وهل داخليتها نظيفة ؟

يرد هو : ٢٠٠٩

ويسكت

ويجيه عضو يقوله : اخوي هل بالامكان ان تقسط السيارة ؟ مع الشكر الجزيل .

الرد : لا .

يخرب وجهك وعقلك على اخلاقك ياالخبل

مرة ارسلت رسالة موحدة انسخها على بعض المعلنين

فيه من سحب ولا رد وفيه من رد برد زي وجهه وفيه من يرد بالتحايا والكلام الزين

يااخوان والله الناس الخلوقة كنوز وغالين وترتاح بقربه وشوفته بعكس بعض الهمج

وهذولا انا مستانس لان اخلاقهم زفت لانهم يحسون بنفور الناس منهم وكرههم لهم والعزلة

بعض المعلنين نفسيات زفت

ووالله من شين النفس !








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


*التركي، مين قال إني أشغلته كل شوي سؤال، سألت كل اللي أبيه برسالة وحدة وجاوب ربعها 

بالأخير طلع الرجال سهران ومو فاضي! يوم جا برر كلامه، عادي اكتب براحتك ياخي متى مافضيت مو لازم بنفس الوقت 

*وخلك رجال وإتصل، وش دخل الرجولة! إنت لو تطلب شي من الإنترنت تعاملك يكون كتابي وتتفق بعدهـــا تتصل،
ومشكلتي سكرتير ونظامي كله خطابات، عشان كذا أوضح كل شي مطلوب ويجاوب على قد السؤال لا يلف ويدور 

ومنها ماتشحن سوا ياخي هههه خلك رجل إقتصادي 

نقطة مهمة كـ معلومة للسكرتاية (في كتابة الخطاب لازم ترجع تقراه) والمقصد الإعادة إنك راح تزيد معلومات وتغير معلومات في الخطاب 

فعشان كذا لو اتصلت عليه بنسى شي وهذا بديهي، حتى في حياتنا اليومية وإتصالاتنا العادية أيضاً فماترجع تتصل وتخسر وقته ووقتك 

وغير كذا البايع كاتب تواصل واتساب، بمعنى لازم تكون عنده سلاسة بصبعه هههه 

*بالنهاية شاف ماعندك سالفة ؟ D:  تقلع، وحتى لو قابل ناس كثير ضيعوا وقته، عادي وش المشكلة هي كلمة ورد غطاها 
ضاع وقته ولا ماضاع وقته، يتحمل ويصبر على البيــــع.... 

ويالتركي لا تسوي نفسية شروى وكلاء السيارات P:  تباً لك .. <<< التشبيه متعوب علاه 


حفيد السلاطين
هذا نظام السوق والحراج الصحيح.
اللي عارض سلعة ومحدد سعرها، الصامل عليها بيشتريها بالسعر المطلوب وما راح يجادل فيه.
أما يجيني واحد صامل بياخذها بأقل من الحد بألف أو ألفين، وش بيضره هو إذا زاد ألف أو ألفين ووصل الحد واشتري من البايع بطيبة نفس؟!

المثال الثاني هذا نظام الحراج، يعرض الواحد سلعته بدون حد يشوف الناس تعرف تعطي الشي قيمته والا لا، ومنها يشوف ممكن تزيد السومات عن الحد اللي بباله ويكسب شوي.
فهو إذا شاف الناس تبخس حلاله وما تعرف قيمته، ذاك الوقت يكتب حده فيها.

تصدقون إني ما قد قدرت أكسب ولا ريال من بيعاتي في النت، والسبب بخل الناس وطمعهم.

قبل فترة اشتريت طبلون لومينا رويال نظيف مرة من تشليح بـ 400 ريال تخيلوا، وسبب غلاه إنه نادر جداً جداً جداً.
عرضته هنا بـ 500 ريال أو السومة الأقرب لها، فتفاجأت بناس تدخل تقول عداد الـ SS اللي ما فيه الا شاشة وحدة بـ 300 ريال، وهذا عداد LTZ بـ 200 ريال، يعني انا جاي ابتكسب وخسروني 200 ريال.

بعد الرد عليهم لاقيتهم يحسبونه عداد LTZ ما يعرفون إن فيه نوع من اللومينا اسمه رويال لها عداد خاص.

تهاوشت معهم ودعيت عليهم لاقيتهم مسوين إبلاغ على ردودي في إعلاني!!
وصرت ما أقدر أمنعهم من الرد ولا أقدر أحذف ردودهم وكل ما بغيت أكتب رد يقول لي النظام عليك بلاغات كثيرة!!!!!!!!

بغيت أنجن.

حذفت الإعلان وكتبته من جديد وراسلت الإدارة أطلب منهم منعهم من الرد والحمد لله وقفوا معي وقفه أشكرهم عليها.
والحمد لله ما لاقيت أي رد مماثل لردودهم في الإعلان الجديد.

وفي النهاية كلمني واحد بيشتريه قال اباخذه منك بـ 300 ههههه
قلت لا يالحبيب 450 اخر كلام قال خلاص.
رحت له بنفسي وصلته له وطلع بياخذه بـ 300 ابو الشباب!!
عطاني 500 ورجعت له 100 والى الان متحسف ليتي رجعت له 50.
تخيلوا كأني خادم له، مشتريه من تشليح القصيم وموصله له في الرياض، وبالاخير اخذه براس ماله.
يعني تيتي تيتي رحتي جيتي، والمشكلة الموقع يبي نسبة عمولة، يعني خسرت فيه بدل الربح.