أضف سؤال أو موضوع جديد          

اهميه المساعدات الاامامية

up 13 down 6
صوت العزاوي 523
قبل 7 سنه و 7 شهر



االسلام عليكم ورحمه الله وبركاته 
الله اكبر الله اكبر لا اله الا الله والله اكبر الله اكبر ولله الحمد

ويش حالكم جميعا ان شاء الله انكم بتمام الصحة والعافية  يا رب 
((((هذا الاعلان مدفوع من قبل شركة سامسونج)))
قبل شوي جيت بكتب الموضوع ودق علي اخوي  قال شف العمال  عند المحطة جبهم وخلهم يركبون المكيف
المركزي اسبليت   ((انصح الاخوان بشراء مكيفات اسبليت سامسونج)) نظرا لانها الافضل حاليا بالسوق
سواء كان بالسعر او  الجودة  
المهم اشترى اخوي مكيف سامسونج من محل  اكــسـترا   ويوم قابلت العمال وجبتهم للبيت 
قالي بركبه على الارض قلت وين يبو الشباب  علقه على الجدار حاالنا حال خلق الله قال 
وين قاعدة ما في قاعدة وهو ما همه اهم شيء الفلوس ان شاء الله لو يعلقه لك على مسمار او بسيم و
يخليه يتلولح  االمهم ياخذ شوي قال وين مواسير طلع المكيف ما به لا مواصير ولا سلك كيبل ولا قاعدة
قلت اجل فارقني وادق عليك بكره  وقالي بكل وقاحة انا ما راح انتظرك الحين  بكرة لا جبت الاغراض دق علي
وقلت  خير ان شاء الله  

المهم ندخل في موضوعنا  اهمية المساعدات  للسيارة وبالاخص الاماميية 
قبل فترة اخذت من اخوي كامري موديل 2003 النية انه توظف وتخبرون  البدو لاحد توضف قرض على طول
اذكر خوويي   يقولي انا من ايام وانا بالدورة جو مندوبين للبنوك مكان الدورة وسجلو بياناتنا وبعضهم اخذ قرض
طبعا يطق  له جيب ويكشخ وهو لو تطلع معه حتى عشاء ما يعشيك  وتتعوذ من شحه 
المهم   لاحضت ان السيارة جامدة حيل مع المطبات وسئلته متى غيرتهن قال الكامري ما يجي لها مساعد امامي
قلت افـــا انت اخو صوت العزاوي وتقول ذا الكلام   المشكلة انه كانت هذه عضويته قبل كم سنة وكان يشارك معكم
هههههههه المهم قلت يا حبيبي كيف تقول كذا قالي على العكوس وساعتها دريت انه جاب العيد  بس زين
انسان محافض على السيارة بسس مشكلته ما يدري ان السيارة لها مساعديات ههههه
المهم  رحت  للمحل قطع غيار واحد متعامل معه وكم مرة اشتري قطع من عندة واطلع اشوف المحلات الي حوله
اتاكد من السعر لا يكون ضاحك علي بس صراحة ما قصر سعره ارخص  حصلت عنده نوعين مساعديات 

نوع امريكي ونوع بريطاني يقول الامريكي اسمه مونورو كذا الظاهر والبريطاني ماادري بس اشوف علم 
بريطانيا المهم قلت وين ابو ضمان قال كلهن ونصحني بالبريطاني قال  نادر يجيني رجيع منهن  جدا قلت زين
قلت عطني اربع كامل وطلع علي  الواحد 140 ريال  وجاء بيعطيني واحد قلت لا تعطيني ابو كرتون مفكوك 
قام يضحك يقول ذكرتين بزبون جاءني وعرضت عليه رديتر بسعر رخيص واخر حبه راح وفكه ويوم فكه
قال رح جب  غيره  هذا مفكوك قاله انت تبي تركب الرديتر او الكرتون اخرتها قفلت معه البائع وقال ما فيه
توكل على الله  طبعا انا امون عليه وقلت لا نبي جديد قال ابشر بس ترى يوم ينزلونه من الدينا يتشقق الكرتون
واخذته واخت الضمان وطلعت من عنده   وطبعا سولفت معه ونصحني بعدم اهمال المساعد  
وعرفت فعلا لماذا يحطون رسمه على كرتون المساعديات رسمه عضله لانها هذا معناها الحقيقي  ومهمة
 وقالي اهمالك للمساعد راح يعدم عليك الركب والاذرعة  وجلد المقصات  ومع الوقت العكوس ايضا 
تذكرت اهل الفــورد  معناتهم مع الركــب واعتقد هذا السبب الاول 
وفعلا يوم ركب المساعديات الاربع وشريت كاكعات خلفي نوع سوريا او ثلاث حروف انجليزي مااذكرها 
قالي رراعي المحل الصيني يجيني رجيع كثير وماعاد اجيبه واخ1ذته
المهم يوم ركبت المساعديات الاربع ضبطت حتى وزنيه السيارة وراحت حذفية بسيطة وراح صوت قربعه بسيطة
بس قالي المكانيكي اعرفه زين قالي الركب والاذرعة وجلود المقصات لازم تغيرهن  باسرع وقت 
قلت على خير ان شاء الله 

واسف جدا ياخوان ما عندي صور ولا صورت لان جوالي جالكسي بعته الي احمل الصور عليه 
ومعي بلاكبيري ورفض لا يتعرف على الجهاز  واتعبني وابشرو بالعوض ان شاء لله 
وشكرا لكم وان شاء الله لا ركبت الركب وكل شيء  بصور لكم صور المساعديات وكل كل كل شيء 
انتظروني بعد العيد هههههه او واحد يحول لي الفين وبكره العضر اعدل موضوعي واحط كل شيء
 اخوكم  مــحــمــــد











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


محمد شلونك طيب !!!


up 1 down 1
ناصر النـاصر 125
قبل 7 سنه و 7 شهر



 ههههههههه انا كويس ومرتاح ولله الحمد 
ناصر حبيبي انا احب اقدم نصيحة  وسبب كتابتي للكل الكلام الي فوق من اجل الاستفادة  فقط لا غير
والواحد كل ما زاد بالعمر زاد  بالحكمة  
 بعطيك لايك علشان تقدر تعطيني ديسلايك هههههه


up 5 down 0
صوت العزاوي 523
قبل 7 سنه و 7 شهر



والله  ياولد عمي بعطيك لايك  بس قصدي موضوعك لحس  مخي ههههههههههههههه الله 
يسعدك ابلع لايك 


up 0 down 0
ناصر النـاصر 125
قبل 7 سنه و 7 شهر



شكراً لك لايك +1


up 0 down 1
mxxz 397
قبل 7 سنه و 7 شهر



الصورة الأخيرة اجرراااااااااااااااااااااااام  قطعت قلبي الله يسامحك


up 0 down 0
..ابوعزام 344
قبل 7 سنه و 7 شهر



والله يالمساعدات مهمه جدا

الاكسبدشن حق خويي مساعداته مفقعه الاماميه وصوتها اسمعه عندي 


up 0 down 0
شويخ من أرض مكناس 2823
قبل 7 سنه و 7 شهر



شويخ 
طريق التشخيص  ان لها عمر افتراضي اقل من 200 لف كيلو حقت الوكالة وبعدها على 150 الف كيلو او 100 غييره 
وثانيا اذا الجلده طاحت   وايضا ااذا طلع زيت منه واخيرا رح للكبوت واضغك اذا ما نزلت  فاعرف انها مجيمة



up 0 down 0
صوت العزاوي 523
قبل 7 سنه و 7 شهر



والله يرجال بحياتي ماغيرت مساعادات 

انا معي نفس موتر خويك كامري
 
ياولد شلون اعرف المساعادات منتهيه 

وكم كلفت مع شغل اليد .؟ ؛ 


up 0 down 0
fawaz__11 534
قبل 7 سنه و 7 شهر



فعلا المساعدات لسيارات الدفع الامامي تذا خربت لازم تتغير باسرع عندي خي معه اكسنت واهمل المساعدات واللحين العكوس حقته على وشك انها تضرب والسبب مساعدته تعبانه وكل الضربات تجي في العكوس وتخرب 


up 0 down 0
blakman 2
قبل 7 سنه و 7 شهر



السلام عليكم  تغيير المساعدات مهم ان مغيره قبل اربع ايام تقريبن مع ان السياره مامشت واجد مئه وثمانيه هايلكس من كثر المطبات والحفر اللي اكلها اذ شفت مطب وماامداني اهدي فضيت القير واخذتها مساعدين اماميين ومسمرين توزن وربل له  كلفتني الف ومئه وعشره والمكانيكي 300 مع وزن المقصات والاذرعه


up 0 down 0
نايف مجول القحطاني 376
قبل 7 سنه و 7 شهر



fawa11شف  ردي فوق ردك وركب مساعد نوع بريطاني ضمانه سنة  \وح عند الكبوت واضغط على السيارة اذا ما نزلت 
لو ملم واحد فانه تالف وخربان والحق على موترك  
وثانيا مع المطبات ما تكون سلسلة وترتفع وتنزل السيارة الوجيه تحس انها جامدة وما تتحرك 


up 0 down 0
صوت العزاوي 523
قبل 7 سنه و 7 شهر



موضوع مفيد لكن وش الي دخل مكيفات الاسبلت بالموضوع
؟؟؟؟؟؟؟؟؟ هههههههههههههه
تذكرني باليوتيوب (فاصل اعلاني)


up 0 down 0
moathyaseen 1393
قبل 7 سنه و 7 شهر



^^^^^
اخوي صرااحةة قلت الحين  لو اذكر اسم سامسونج بيجيني كم واحد وبيقولي انت تسويي دعاية للشركة
لذلك ريحت راسي من اول وكتبت  انها دعاية هههههه
وش رايك فيني مااني ذكيي


up 0 down 0
صوت العزاوي 523
قبل 7 سنه و 7 شهر